Palit daw kay Ai Ai na Comedy Queen… MADAM INUTZ, GUSTONG MAIKAMA SI PIOLO

ni Mercy Lejarde - @Showbiz Talkies | February 12, 2022

Mula nang umeskapo, as in nag-migrate na si Ai Ai delas Alas sa USA ay tipong may kapalit na siya agad bilang komedyana rin sa katauhan ni Madam Inutz simula nang ito ay lumabas sa Pinoy Big Brother KumunitySeason 10 Celebrity Edition.

Dating online seller si Madam Inutz na ang real name ay Daisy Lopez at ngayon nga ay kabilang siya sa romantic-comedy series nina ultimate heartthrob Piolo Pascual at Kapamilya star Angelica Panganiban titled OH, MY PAPA PI sa direction ni Cathy Garcia-Molina.

At dahil nga rito ay ang taas ng pangarap ni Madam Inutz at gusto niya raw maka-bed scene sa nasabing serye si Papa Piolo Pascual.

“Good luck sa akin! Lalo na ngayong nakapag-selfie na ako kay Papa P,” ang post ni Madam Inutz sa kanyang socmed kamakailan lang na sa inilagay niyang photo with Papa P. ay meron siyang ngiting tagumpay.

Wow, parang sequel ng pelikulang Kung Mangarap Ka at Magising, ha, Madam Inutz?

'Niwey, 'di naman masamang mangarap. Who knows, baka siya na nga ang palaring girlash na makakasalo sa iisang kumot ng isang Piolo Pascual, tutal kahit paano ay may hitsu naman si Madam Inutz.

'Yun na! Insert smiley, ☺!

---

Game na game sa pang-aapi sa aktres…

ISABEL: 'DI AKO TAKOT SA MGA FANS NI SANYA

'NIWEY, simula naman sa Lunes, saktong Valentine's Day, start na rin ang Book 2 ng First Yaya now titled First Lady na gagampanan naman ni Sanya Lopez.

Isa si Isabel Rivas sa mga pinakakontrabida rito ni Sanya at tipong nangangamoy na naman na magiging nominado siya bilang Best Supporting Actress ng mga award-giving bodies kundi man this katapusan ng year ay baka early next year.

Tinanong ni yours truly si Isabel Rivas kundi ba siya natatakot sa mga fans ni Sanya Lopez at sa ibang netizens dahil nga sobra kung api-apihin niya at pagsalitaan ng masasakit si Sanya sa First Lady serye ng Kapuso Network.

“Hindi ako takot kasi alam kong matured din naman ang mga fans nina Sanya. At alam nila, kailangang gawin ko ang trabaho ko para mag-shine. Mga idol nila kasi ay magagaling na artista at kailangang maging makatotohanan din ang pagiging bad ko sa First Lady.

“Pero in real life, mahal ko ang mga idols nila like Sanya Lopez dahil napakabait na bata at maganda pa.

“Super enjoy ako sa 2 months locked-in taping namin kasi lahat ng co-stars ko, including our director, plus production crew, ay mababait at lahat kami ay nagtutulungan para maayos at maaga naming matapos itong 2 months locked-in tapings namin dito sa First Lady na start na beginning this coming Monday in time sa Valentine's Day.

“Happy Valentine's Day and happy viewing ng First Lady, mga Kapuso!” ang mahabang sey ni Isabel Rivas na last year ay naging nominado sa PMPC Star Awards for TV dahil sa pagiging kontrabida niya kay Superstar Nora Aunor sa Bilangin Ang Bituin sa Langit.

'Yun lang and I thank you.

Idinaan pa sa socmed… PIOLO, NAGHAHANAP NA NG KAYAKAP

ni Mercy Lejarde - @Showbiz Talkies | February 03, 2022

Tag-lamig na naman ngayon dito sa 'Pinas 'coz natutunaw na raw ang mga yelong bumabalot sa Japan, kaya tipong umaabot dito ang lamig, bukod pa sa nadadalas ang pagdaan ng ilang typhoon.

At dahil nga sa lamig ng panahon lalo na sa gabi ay hindi nakaligtas kay yours truly ang isang naging post kamakailan lang ni Papa Piolo Pascual sa kanyang Instagram account na nakabalot ng kumot with matching caption that goes… "Ang lamig 'noh? Sarap may kayakap kaso wala kaya kumot na lang.”

Papa P., 'andito lang me with matching background music that goes…. "'Andito ako, umiibig sa iyo…” charr and no charrrr, hahaha!

Ikaw naman kasi, pinakawalan mo pa si KC Concepcion na ayun, wala nang ginawa abroad kundi mag-posing-posing, tapos ipo-post niya sa Instagram at Facebook account niya with her mapang-akit na boobs at wankatitat na kulang na lang ay lagyan ng caption like… "Come on and get me..” boom, ganern!

And take note, tipong hindi siya ginawin 'coz laging naka-expose ang kanyang wankatitat sa kanyang mga posts, na in pernes, ang lusug-lusog ng kanyang mga boobs, ha?

Eh, teka, may suggestion si Mareng Marisol, as in taga-sulsol. Dapat daw, ligawan ni Papa Piolo si Kris Aquino para gumaling agad ang sakit nito, lalo na 'pag magkasalo sila sa iisang kumot tuwing gabi para madama ni Kris ang init sa katawan ng aktor.

Oh, ha? Type kaya ni Krissy ang 'sulsol' ni Marisol?

O, siya, 'yun lang and I thank you.

May deal daw… MARK ANTHONY, TODO-ASANG MAGKAKABALIKAN SILA NI CLAUDINE

ni Mercy Lejarde - @Showbiz Talkies | January 28, 2022

Muling napagsama ng Vivamax Films at Borracho Films ni Atty. Ferdie Topacio ang naging magsyota nu'ng sila ay mga teen-ager pa lamang na sina Claudine Barretto at Mark Anthony Fernandez sa pelikulang Deception, na tipong reunion movie project ng dalawang may sweet memories in the past.

Sa virtual preskon ng Deception at sa mga tanong sa kanila ng mga press people ay wala raw silang naramdaman kundi kasiyahan na magkatrabaho uli sila.

“Ang gustung-gusto ko kay Claudine, naging independent woman siya… 'yun ang napansin ko sa kanya sa shooting namin ng Deception,” sey ni Mark Anthony.

“Working with Mark is very easy and we really had a good rapport,” sey naman ni Claudine.

Pareho nang 42 years old ngayon sina Claudine at Mark at tipong pareho na ring single buhat nang mapahiwalay sila sa kani-kanilang napangasawa.

Ang tanong, posible kayang may balikan-ek sa dalawa after doing Deception?

Sabi ni Mark ay posible raw magkaroon ng part 2 ang naunsiyaming love story nila ni Claudine pero nagbigay siya ng expiration date kung hanggang kailan lamang ito mangyayari.

“Kapag hindi pa kami nagkabalikan ni Claudine sa susunod na tatlo hangang apat na taon, mukhang hindi na puwedeng magkaroon ng sequel ang aming naging love story.

“Posibleng magkabalikan kung mangyayari in the next three or four years. Pero kapag lumagpas na ru'n, parang imposible na, 'yun lang ang iniisip ko," ang mahabang paliwanag ni Mark Anthony sa virtual preskon ng Deception movie nila ni Claudine.

Well… well lang daw, oh!