SYLVIA, 'GWAPO OGAG' PA RIN ANG TAWAG KAY ARJO KAHIT CONG. NA

ni Mercy Lejarde - @Talkies | July 2, 2022

Kaka-touched naman ang FB post ni Sylvia Sanchez para sa kanyang anak na si Arjo Atayde habang nanunumpa bilang congressman sa QC District 1.

The following ay ang mensahe ni Ibyang kay Arjo pero 'di binanggit ang syota ng anak na si Maine Mendoza.

“Ang saya-saya ng puso ng isang INA kapag nakita niya na nagtatagumpay ang anak niya sa larangang gusto niya.

"Isa ako sa pinakamasayang ina sa araw ng iyong panunumpa bilang congressman ng Distrito Uno ng lungsod ng Quezon City.

"At sa araw na ito, anak, July 1, 2022, ikaw na ang official na nakaupo bilang congressman ng Distrito Uno. Walang mapagsidlan ang kagalakan ko sa tagumpay mo. Ipinaglaban mo ang gusto mo, ang laman ng puso't isip mo at pinatunayan mong tama ka. Iba ka manindigan, anak!!

"Habang pinapanood kita, tinatawanan ko na lang lahat ng pagod, hirap, pangungutya sa 'yo at sa pamilya natin dahil bago ka daw at walang alam at artista lang at kung anu-ano pang masasakit na salitang ipinukol sa 'yo.

"Lahat ng 'yun, napawi habang pinapanood kitang nanunumpa bilang bagong congressman ng Distrito Uno. Napaka-proud ko sa mga oras na 'yun pero bilang isang ina habang pinapanood kita, pasensiya na, anak, 'di ko maalis na manumbalik sa isipan ko na ito ang batang kinutya, pinagtawanan, nilait at hinusgahan pero wala akong nakita o narinig na pambabastos mo sa mga taong bumatikos sa 'yo, bagkus ang tanging sinabi mo lang sa akin, 'Hayaan mo sila Mommy, 'wag tayong sumabay sa pambabastos nila, hindi tayo tulad nila. Basta ako 'andito, tumakbo dahil gusto kong makatulong sa kapwa ko at mas makakatulong ako 'pag nasa puwesto ako. I don't want to be a good politician, I want to be a Good Public Servant.'

"Sige anak, abutin mo lahat ng pangarap mo, gusto mong tumulong sa kapwa mo, gawin mo lahat 'yan. Ikalat mo sa Distrito Uno ang Respeto, Pagtitiwala, Pagmamahal, Pag-aalaga, Pagpapahalaga at magtanim ka ng kabutihan sa mga nasasakupan mo at nawa'y gabayan ka ng DIYOS.

"Dito lang kami lagi ni Daddy at ng mga kapatid mo na handang tumulong at aagapay sa 'yo.

Mahalin mo anak at alagaan mo ang mga bagong nagmahal at magmamahal pa sa 'yo, ang buong Distrito Uno.

"Kaka-proud!!!! Congratulations, Congressman Juan Carlos Campo Atayde!

"LORD, pakialalayan po anak ko, ha?

"'Nak, pahabol, sa bahay tatawagin pa rin kitang Arjo o Gwapo Ogag,pero sa labas, tatawagin kita Cong 'Nak. Hahaha. OK ba 'yun, my Congressman?

"Serve QCD1 well, anak."

"#thankuLORD.”

Well, iba talaga ang pagmamahal ng isang ina sa anak. Sana all!

'Niwey, congrats and cheers to both mother and son!

'Yun lang and I thank you!

ABS-CBN, kahit walang prangkisa… DARNA NI JANE, TULOY NA TULOY NA

ni Mercy Lejarde - @Talkies | June 22, 2022

With or without prangkisa, tuloy ang laban ni Darna sa Kapamilya Network.

Yes, sir! At harinawa, maantig ang damdamin ng bagong PH president na si BBM na bigyan niya uli ng prangkisa ang ABS-CBN para muling magkaroon ng work, work, work ang mahigit six thousand workers and employees na isinabay pa ni Digong sa kasagsagan ng pandemya kung kaya pati tuloy kaming nasa showbiz media ay affected din 'coz no preskons at kung meron man bihira at pili lang.

Anyway, pormal nang inilunsad ng ABS-CBN ang Darna mural na nagpapahalaga sa kabayanihan ng bawat tao at naghahatid ng pag-asa na inalay nito sa mga frontliner at iba pang maituturing na bagong bayani.

Ang lead star ng pinakainaabangang serye na Mars Ravelo’s Darna na si Jane De Leon ang nanguna sa ginawang unveiling sa ABS-CBN Compound sa Eugenio Lopez Drive sa Quezon City.

Aniya, “Handog namin ito sa ating real-life heroes na kahit sa maliit na paraan ay naipapakita nila na tayong lahat ay nagtataglay ng kabayanihan, patunay lang na mahahanap natin lagi ang Darna sa bawat isa.”

Kasama rin ni Jane ang iba pang Darna stars na sina Janella Salvador at Joshua Garcia sa naganap na special tribute.

Ang visual artist na si Anina Rubio na kilala sa kanyang artworks na tungkol sa ganda ng kalikasan ang nagdisensyo ng higanteng mural tampok ang mga ordinaryong tao na nagtataglay ng sagisag ni Darna.

May temang “Ikaw, ako, tayong lahat si Darna” ang mural na naglalarawan na ang bawat tao ay may kani-kaniyang ‘kabayanihan’ at paraan upang maghatid ng pag-asa at positibong pananaw sa kabila ng hirap at kaguluhang tinatamasa.

Kinomisyon ito ng ABS-CBN kaugnay ng makabagong paghahatid ng kuwento ng iconic Pinay superhero na si Darna, na muling maglalakbay, tutulong at makikipaglaban sa kasamaan.

Pinangungunahan ng master director na si Chito S. Roño kasama si Direk Avel Sunpongco sa ilalim ng JRB Creative Production unit ng ABS-CBN ang programang Darna na malapit nang mapanood sa Kapamilya Channel, A2Z, TV5, Kapamilya Online Live sa YouTube channel at Facebook page ng ABS-CBN Entertainment, at iWantTFC.

Alamin ang latest sa Darna, sundan ang JRB Creative Production sa Facebook at Twitter @JRBcreativeprod at sa Instagram @JRBcreativeproduction.

Bumili ng BMW… VICE, PROUD NA MAY SARILING DATUNG NA SI ION, 'DI NANGHINGI SA KANYA

ni Mercy Lejarde - @Talkies | June 19, 2022

Huwwoww, ha! Iba na talaga kapag jowa ka ng isang big time celebrity at yayamanin pa, 'coz may binili lang na second-hand karu, nag-trending agad sa YouTube, in pernes.

Ang tinutukoy ni yours truly ay ang jowa ni Vice Ganda na si Ion Perez na kamakailan lang ay bumili ng second-hand karu na ang pera ay galing mismo sa kanyang sariling bulsa na naipon niya sa pagtatrabaho sa It’s Showtime ng Kapamilya Network.

Sey ni Ion sa kanyang vlog ay gusto raw sana niyang brand new car, kaso nga lang ay hindi pa raw kaya ng budget niya.

At siguro, diyahe na siyang humingi ng dats kay VG kaya mas minabuti niyang second-hand car na lang ang bilhin na galing sa kanyang naipon na datung.

In pernes, kahit second-hand ay tatak-BMW naman ang karu na kanyang nabili, 'noh?

“Natuwa ako sa hitsura at kalidad ng nabili kong BMW na kahit second-hand ay parang fresh pa ring tingnan,” sey pa ni Ion.

At siyempre, very proud kay Ion ang naging reaction ng jowa niyang si VG.

Puwede nang ipagsigawan nitong si VG sa mga Marites at mga Mosang ang mga katagang… "Hindi ako sugar mommy ni Ion, 'noh! Misis niya ako at mister ko siya!”

Ion na! At boom ganern!

In pernes, suwerte ni Vice Ganda at nakatagpo siya ng jowang si Ion Perez na hindi lang datung niya ang habol kundi love siya talaga, in pernes!

Sana, si BB Gandanghari ay makatagpo rin ng katulad ni Ion Perez na hindi datung lang ang habol sa kanya kundi tunay na pag-ibig at pagmamahal.

Meron naman talagang lalaking nagmamahal ng tunay sa jowa niyang baklita. 'Yun nga lang, hindi karamihan. According to each kind, so they say.

So, salute to Ion Perez! At harinawa ay may forever kayo ni Vice Ganda at mag-ampon kayo ng anak para lalong tumibay ang inyong samahan bilang husband and wife, 'noh!