HIPON GIRL, 'DI PA KUMIKITA, MAY HOUSE AND LOT NA

ni Mercy Lejarde - @Showbiz Talkies | July 18, 2022

Hanggang ngayon ay 'di pa rin makapaniwala ang ilang netizens na belong sa "Marites at Mosang community" na hindi pa man daw tapos ang sinalihang beauty contest ni Herlene "Hipon Girl" Budol na Bb. Pilipinas ay agad na itong niregaluhan ng kanyang business manager na si Wilbert Tolentino ng house & lot.

"Buhkeeeet?" ang tanong ng marami.

Eh, kung tama kami ng pagkakakilala kay Wilbert, dehins naman niya type ang beauty ni Hipon Girl dahil mas type niya ang "Hipon Boy", charot!

Pero kung 'yun ang trip ng business manager ni Hipon Girl, 'yung bigyan siya ng house and lot, wala na lang basagan ng trip at isipin na lang natin na naka-jackpot ng mabait at very generous na manager itong si Hipon Girl Budol.

But sa true lang, ngayon lang nangyari sa showbiz world 'yan 'coz ang kalakaran ay ang business manager pa dapat ang kumita sa kanyang talent thru komisyon.

Kaya harinawa, makasungkit itong si Hipon Girl ng beauty title sa 58th grand coronation night ng Bb. Pilipinas 2022 na gaganapin this coming July 31 sa Smart Araneta Coliseum para makabawi naman si Wilbert.

Wish ko lang ma-invite ang byuti ni yours truly para ma-interview ko in person itong si Hipon Girl at ma-sight in flesh and blood kung talaga ngang oozing itey with sex appeal and pretty face.

Dahil halos lahat ng naging beauty queen noon ay naging close and "friendship" ng inyong lingkod.

'Yun na. Insert smiley, ☺!

BF, sugar daddy lang daw ang peg… JULIA, IPINAG-SHOPPING NI GERALD NG LV SA THAILAND

ni Mercy Lejarde - @Talkies | July 9, 2022

Inggit much ang maraming netizens sa haba ng hair ni Julia Barretto dahil du'n sa nag-viral na pictures kung saan nag-shopping sila ng LV bags ng BF niyang si Gerald Anderson nang magbakasyon sila sa Bangkok, Thailand.

Dahil kilala raw si Juls ng kanyang mga fans na kuripot at hindi mahilig bumili ng branded items kahit pa malakas din naman itong kumita, ang feeling ng mga Marites ay si Gerald ang gumastos nang bongga sa kanilang bakasyon sa Thailand at sa pagsa-shopping nila ni Julia.

May comment pa nga ang ilang netizens na galante talaga si Gerald sa pagreregalo sa mga nagiging dyowa nito, no wonder kaya hindi siya makalimutan ng kanyang mga ex-GF, devah naman, Bea Alonzo?

Meron pang nag-comment na mala-sugar daddy daw ang peg ni Gerald kay Julia dahil bongga nga kung gastusan ang kanyang GF.

Well, at least, guwapo at 'di naman masyondang sugar daddy, 'no!

Boom, tsuk!

Wala raw pinipili… ROMNICK, IBINULGAR ANG NAKITA SA KATHNIEL NANG MAKASAMA SA HOTEL

ni Mercy Lejarde - @Talkies | July 7, 2022

Lubos na pinuri nina Romnick Sarmenta, Cris Villanueva at iba pang cast members ng 2 Good 2 Be True ang mga bida ng serye na sina Kathryn Bernardo at Daniel Padilla sa pagiging magagaling nilang aktor at pagiging professional na mga katrabaho.

Sabi nga ng dating matinee idol, “Bilang tatay, naaaliw ako sa kanilang dalawa. Iniisip ko minsan, kung sino man sa kanila ang anak ko, matutuwa ako. Sila ang magkasama most of the time dahil nagsusuportahan sila. Nag-aalagaan silang dalawa.

"Pagdating sa hotel, nakikita namin, wala silang pinipili na kasama. May mga nakita na rin kasi ako sa trabaho na iwas sa iba. Walang ganu'n sa KathNiel,” dagdag pa ni Romnick na gumaganap bilang tatay ni Eloy (Daniel) na si Fred.

Sang-ayon din si Cris, na gumaganap naman bilang Capt. Rosales, sa sinabi ni Romnick. Bukod nga raw sa pagiging magaan nitong katrabaho, bilib na bilib siya sa pag-portray nina Kathryn at Daniel sa kani-kanilang karakter.

"Agree ako sa lahat ng sinabi ni Romnick. Maganda na 'yung script, tapos the way they are doing it, mapapaniwala ka talaga. 'Yung pagiging matulungin naman ni Eloy, nakikita talaga namin sa kanya (DJ). Aalamin niya 'yung problema at ita-try niyang gawan ng paraan. Idi-discuss niya in real life. Magaan silang katrabaho," saad ni Cris.

Honored at blessed naman sina Matt Evans, Gillian Vicencio, Bianca de Vera, Pamu Pamorada, at Alyssa Muhlach na mapabilang sa hit serye at makasama ang KathNiel.

Samantala, tuluy-tuloy ang pagte-trend at pagiging number 1 series ng 2 Good 2 Be True sa iWantTFC at consistent din silang nasa Top 2 ng Netflix Philippines.

Kapit na kapit na ang mga viewers sa serye lalo pa at mukhang nagkakalapit na ang loob nina Ali at Eloy sa isa't isa.

Kahit pa nga napilit nilang papuntahin si Hugo (Ronaldo Valdez) sa taunang stockholders' meeting, patuloy pa rin ang suspetsa ng board members pati na si Jill (Alyssa) sa kondisyon ng may-ari ng Horizon Grand.

Sa susunod na episodes, gagawin nga nina Ali (Kathryn) at Eloy ang lahat para tulungang itago ang tunay na sakit ni Hugo. Ngunit magiging mahirap ito sa dalawa lalo pa at pinaiimbestigahan na ni Helena (Gloria Diaz) ang pagpasok ni Eloy sa buhay ng kanyang kuya.

Bakit kaya mainit ang dugo ni Helena kay Eloy? Ano kaya ang koneksiyon ni Helena kina Eloy at Fred?

Tutukan in advance ang gumagandang kuwento ng 2 Good 2 Be True sa Netflix at iWantTFC. Subaybayan din ito Lunes hanggang Biyernes, 8:40 PM, sa Kapamilya Channel, A2Z, TV5, Kapamilya Online Live sa YouTube channel at Facebook page ng ABS-CBN Entertainment, Jeepney TV at Cinemo.