After ng hiwalayan nila ni Carla… TOM, BUMAGSAK ANG KATAWAN

ni Mercy Lejarde - @Showbiz Talkies | August 24, 2022

May ilang buwan na ring hiniwalayan ni Carla Abellana ang husband niyang si Tom Rodriguez na diumano'y nag-ugat sa selosan at iba pang kadahilanan, as in away-mag-asawa.

Last March ay lumipad patungong Amerika si Tom at ilang Pinoy doon ang nakakita sa kanya sa isang event bilang special judge sa naganap na Miss Philippines USA sa San Diego, California.

Sa ilang socmed posts ay kitang-kita na ang laki ng ipinayat ni Tom na parang si yours truly, chos!

At sa isang interview via Chika Minute of 24-Oras ay umamin si Tom na miss na miss na raw niya ang pagiging artista.

“I really miss performing and collaborating, not just with my peers and my predecessors, but also collaborating with the audience. You know that, the rapport,” aniya sa kanyang interview.

When asked tungkol sa kanyang kalagayan ngayon, sagot niya, “I’m okay and I really, really appreciate the sentiments. I miss all of you guys right back, so I can’t wait to see all of you again. Let’s collaborate, let’s work on something — all of us.”

Ibinalita rin ni Tom na may pinagkakaabalahan siyang projects doon habang nasa Amerika, senyales na unti-unting nagiging aktibong muli sa showbiz ang aktor.

“We got a few things lined-up. I have been lucky enough to be part of a series of shows.

Hopefully, I can start plugging them soon.”

Sa mga hindi nakakaalam, Tom is not only an actor but he is also a singer. Kaya nga minsan ding naging parte siya noon ng Sunday show ng GMA-7 na All Out Sundays.

Boom, ganern!

At kung magkakabalikan pa sila ni Carla Abellana as husband and wife, well, only God knows and according to His will, amen!

Sapaw kay Janella… HIRIT NG NETIZENS: JANE, ANG DARNANG BALOT NA BALOT!

ni Mercy Lejarde - @Showbiz Talkies | August 16, 2022

Ang daming bashers ni Jane de Leon na tipong 'di raw kagandahan ang wankatitat bilang bagong Darna 2022, ha?!

Kagabi (Lunes) ay nagsimula nang lumipad ang Darna ng Kapamilya Network. Pero nu'ng grand preskon pa lang ng action serye ay may ilang nang-bash na agad sa bida ng Darna na si Jane.

Mas okay pa raw ang wankatitat ni Janella Salvador kesa kay Jane dahil nu'ng rumampa sa red carpet grand preskon ng new Darna series ay para itong beauty queen na rumampa at kita ang makinis nitong dibdib at may cleavage. 'Di raw tulad ni Jane na balot na balot ang katawan sa suot niyang white outfit at tipong may kapayatan.

Dinepensahan naman ni Jane ang sarili by saying, “Ang sa akin, panoorin muna nila ‘yung Darna para ma-appreciate nila ‘yung character ko and me as Jane de Leon."

Inamin din niyang nasasaktan siya sa pamba-bash ng mga netizens, pero naiintindihan niyang kailangan niyang patunayan ang kanyang sarili bilang Darna lalo't marami nang unang gumanap sa Pinoy superheroine role na ito.

Well, Jane, at least, kahit 'di ka pa super-sikat, binabato ka na ni Ding… este ng mga bashers, so be thankful na lang at ngayon pa lang ay napapansin ka na nila.

Dagdag-publicity din 'yun para sa 'yo, okidoki?

'Yun lang and I thank you.

Kanino ka ba talaga, Kuya? JOSHUA, SI JANELLA ANG TYPE NOON, SI JANE NA NGAYON

ni Mercy Lejarde - @Showbiz Talkies | August 12, 2022

Si Janella Salvador ang gaganap na Valentina na sa paningin ni yours truly ay oozing with sex appeal. Kaya lang, lagi siyang may ahas na nakalagay sa kanyang balikat, as in ahas na buhay, ha!

Eh, syokot si yours truly sa mga ahas lalo na sa ahas na tumitigas kapag nasa kama na, charrrr, hahaha!

Kasama ni Jane sa pinakainaabangang serye ng taon mula sa ABS-CBN Entertainment sina Iza Calzado bilang si Leonor, ang unang Darna at ina ni Narda; Janella Salvador bilang ang vlogger at lawyer na si Regina at ang mortal na kaaway ni Darna na si Valentina; Joshua Garcia bilang ang police officer na si Brian; at Zaijian Jaranilla na gagampanan ang papel ni Ding, ang computer geek na kapatid ni Narda.

Kabilang din sa cast ng serye sina Paolo Gumabao, Rio Locsin, Richard Quan, Simon Ibarra, Jeffrey Santos, Eric Fructuoso, Levy Ignacio, at marami pang iba.

Mula sa direksiyon nina Master Director Chito S. Roño, Avel Sunpongco at Benedict Mique ang Darna na ipinrodyus ng JRB Creative production unit ng ABS-CBN.

Nagbahagi si Direk Chito tungkol sa Darna ng bagong henerasyon.

“I’m very pleased not only that [Jane] she focused, not only that she concentrated, she has done very well as an actress for Darna,’” papuri niya.

Meanwhile, may nagbulong kay yours truly na type or crush daw ni Joshua Garcia si Jane de Leon.

Eh, teka, ‘di ba’t noon, ang crush niya ay si Janella Salvador?

So, kanino ka ba talaga, Joshua?

Well, nag-wish ang ilang fans nina Joshua Garcia at Julia Barretto na sana raw, isinali rin si Julia sa cast ng Darna bilang kaagaw ni Jane sa puso at pag-ibig ni Joshua.

‘Yun lang and I thank you.