Mga pictures, hinaharang sa socmed… LOTLOT, AYAW KUMALAT NA BATI NA SILA NI NORA

ni Mercy Lejarde - @Showbiz Talkies | October 25, 2022

'Niwey, true ang saying na "all is well that ends well."

Itey ang nangyari kamakailan lang sa mag-inang Nora Aunor at Lotlot de Leon nang maospital ang Superstar at si Lotlot ang nagbantay.

Sa isang interview kay Lotlot ay ayaw na niyang banggitin pa kung ano'ng naging dahilan ng away nilang mag-ina.

Lalong ayaw na ayaw nilang ipalabas sa social media ang kanilang mga posts sa isa't isa at lalong bawal ang mga larawan na magkasama silang dalawa.

Isa si yours truly sa mga natuwa sa pagbabati ng mag-ina, sa true lang.

Boom, ganernnn!

After ng hiwalayan nila ni Tom… CARLA, NAGSALITA NA SA PULITIKONG BAGO RAW NIYA

ni Mercy Lejarde - @Showbiz Talkies | October 22, 2022

Yesss, Marites, Marisol at Mosang, naka-move on na nga si Carla Abellana sa hiwalayan blues nila ni Tom Rodriguez as husband and wife.

Sa latest interview ni Carla sa Kapuso Network ay natanong itey kung true ba ang tsismis na ready na uli siya to fall in love again.

"Oo naman. I am ready to fall in love... pero hindi sa tao bilang kapalit ni Tom. Puwedeng sa family ko, sa soap seryes, anything," ngiting-ngiting sagot niya.

How about 'yung kumakalat na balitang meron siyang rich suitor na isang pulitiko raw?

Itinanggi ito ni Carla, wala raw ganu'n.

Basta sa ngayon daw ay tutok siya sa ipinagagawa niyang sariling bahay, pati na rin she's into soap making business. At pagkatapos daw, isusunod niya ay ang paggawa naman ng scented candles.

But is she ready to fall in love again this time?

Ngayon daw ay one day at a time siya kung mag-isip ng mga bagay-bagay, as in she doesn’t plan things ahead.

“I let tomorrow worry about itself,” sagot niya.

Nag-beg-off din si Carla when asked to give a piece of her mind sa mga taong dumaraan sa mga pagsubok sa buhay.

Aniya, sa ngayon daw ay hindi pa niya maikokonsidera ang sarili bilang authority sa pagbibigay ng payo.

Sa bandang huli, Carla thanks GMA dahil sa mga career opportunities na dumarating sa kanya.

So there, Marites, Marisol at Mosang at inyong lahat na madlang pipol.

'Yun lang and I thank you.

Pictures nila, nasa IG pa rin… JAMES, LABS PA RIN SI NADINE

ni Mercy Lejarde - @Showbiz Talkies | October 17, 2022

Kilig to da max ang mga JaDine fans dahil sa pag-amin ni James Reid kamakailan na tungkol sa kanyang ex-GF na si Nadine Lustre ang kanyang bagong kanta na Always Been You.

"So the last song is called Always Been You, that one I actually wrote about Nadine," sabi ni James sa kanyang video kung saan nasa likuran niya ang ilang kaibigan.

Kaya, halos mamatay-matay na naman sa saya at kilig ang mga loyal fans ng JaDine love team na patuloy na umaasang sa huli ay sina James at Nadine pa rin.

Comment pa nga ng isang fan sa socmed “Love niya pa si Nadz, hanggang ngayon, may pictures pa sila together sa IG niya, eh.”

Naku, ha?! Ang haba naman ng hair ni Nadine!

Hindi kaya mag-react ang kanyang French businessman boyfriend na si Christophe Bariou?

Well… Well lang daw, oh!