KEEMPEE, NA-TRAUMA NANG TANGGALIN SA EAT BULAGA, 2 TAONG NAGKULONG SA BAHAY

ni Mercy Lejarde - @Showbiz Talkies | November 14, 2022

It's real! Meaning, ang depression na tumama sa maraming utaw here and abroad simula nang magkaroon ng pandemic. At isa na si yours truly doon, sa true lang!

Si Vilma Santos, umamin na tinamaan ng depression nu'ng kasagsagan ng pandemic at isang taong hindi lumabas ng bahay, na masama raw pala lalo na sa mga senior citizens.

Pero ang talagang shocked boogie si yours truly ay kay Keempee de Leon na nang mapanood namin sa 2 Good 2 Be True sa Kapamilya channel lately ay tipong tumanda na para lang kaedad ng kanyang mommy dearest na si Daria Ramirez at daddy dearest na si Joey de Leon, eh, samantalang nu'ng kapitbahay namin sila noon sa Tomas Morato, Kyusi ay bagets na bagets pa siya.

And now that he is only 49 years old, he looks like a senior citizen already.

Katwiran niya ru'n sa preskon ng Mahal Kita… Beksman ni Direk Perci Intalan ay sobrang depression daw ang dahilan.

Dalawang taon siyang nagkulong sa bahay lalo na nang mawala siya sa Eat… Bulaga! pero wala naman daw siyang hinanakit at nakapag-move on na siya.

Pero may hirit pa rin siya na..."'Yung siguro, ang 14 years kang nandu'n, tapos parang sa isang iglap, bigla na lang nawala, so parang na-trauma ako.

"So for two years, nagkulong ako sa bahay... walang gupit ng buhok at ahit ng balbas.

Talagang kaiisip, wala akong kinakausap. Parang ang hitsura ko noon ay ermitanyo. Wala akong kinakausap. Although may mga pinagsasabihan ako... nagri-reach out ako pero parang hindi ka rin natulungan."

Dasal at puro dasal daw ang kanyang ginawa upang humingi ng tulong. At hindi naman daw siya pinabayaan ng ating Panginoon sa langit.

Sobrang pasasalamat daw niya kay Lord God Jesus Christ at hindi siya pinabayaan at ngayon nga ay may pelikula pa siyang Beksman na malapit nang ipalabas.

Well, totoo ang kasabihan na kapag ikaw ay gipit na gipit, sobrang stressed at sobrang depressed ay wala tayong ibang tatakbuhan kundi ang ating God Ama sa Langit... na walang iba kundi si Lord God Jesus Christ, our rock, our salvation, our protector, our great healer, great provider, halleluiah, amen!

So to Keempee, chillax always and never forget to pray and ask blessings from our Lord God Jesus Christ.

Glad that you are back in showbiz circulation now, Keempee de Leon. So keep it up!

Nag-away dahil kay Diego… BARBIE AT DEBBIE, DATING MAG-BFF BAGO NAGSAKITAN SA BAR

ni Mercy Lejarde - @Showbiz Talkies | November 6, 2022

Malalim pala ang 'hugot' ng galit nitong si Barbie Imperial sa nakasakitan niya sa isang bar sa Kyusi kamakailan na si Debbie Garcia, ang sinasabing bagong girlalu raw nitong si Diego Loyzaga na ipinalit kay Barbie.

Nang pumutok ang isyu ng away ng dalawang sexy actress at nagdemanda na nga itong si Debbie kay Barbie ng patung-patong na kaso, akala ng mga netizens ay 'bitter' at insecure lang itong si Barbie kay Debbie at hindi siya maka-move on sa hiwalayan nila ni Diego kahit pa ilang buwan na ang nakalilipas.

Pero nang kumalat ang isang larawan kung saan makikitang nakayakap pa itong si Barbie kay Debbie na may nakasulat ding: "'Yung nagkaroon na naman ako ng kapatid na matigas ang ulo minsan… Love you, Bie! I'm always here for you. Alam mo 'yan! Marami pa tayong adventures na pagsasamahan. Huggggg! Happy ako 'pag happy ka. — Bie (heart icon) Bie," naintindihan ng mga netizens ang pinagmumulan ng galit ni Barbie kay Debbie.

Si Debbie ang nagsulat ng mensahe sa larawan nila ni Barbie, kaya nalaman ng mga utaw na magkaibigan naman pala ang dalawa.

Pero bakit nga ba humantong sa sakitan at pisikalan sa loob ng isang bar?

Komento tuloy ng mga netizens, fake friends lang pala sila. At wish din ng marami, sana ay magkaayos pa ang dalawa at hindi na matuloy sa korte ang away nila.

DERRICK, TODO-IWAS NA SA EX-LABS NA SI MAINE

ni Mercy Lejarde - @Showbiz Talkies | November 2, 2022

Natawa lang nang malakas si Derrick Monasterio sa Q&A portion ng Return To Paradise Zoom virtual presscon when asked by yours truly kung pinapangarap pa ba niyang makagawa ng TV serye with his ex-labs na si Maine Mendoza bago ikasal ang huli sa boyfriend nitong si Arjo Atayde, now congressman sa kanilang distrito sa Kyusi.

"Ex-labs? Hahahaha!" ang bigay-todong tawa lang na sagot nitong si Derrick na tipong iwas na iwas pag-usapan pa ang nakaraan nila ni Maine.

Kunsabagay, naka-move-on na silang pareho at kung meron nang Arjo Atayde si Maine Mendoza, we heard na meron namang beauty queen na sinisinta at iniirog (oh, ha, lalim ng tegeylog, devah?

Insert smiley, ☺) si Derrick Monasterio.

Well, ganu'n talaga! If it is not meant for you, not meant talaga, sa true lang.

At tipong may chemistry sila ng love tandem niyang si Elle Villanueva sa Return To Paradise, ha! Wish nga nilang pareho na magkaroon agad sila ng TV serye na sila uli ang pair.

When asked kung na-intimidate ba sila sa mga veteran co-stars nila sa said Kapuso serye like Eula Valdez, Teresa Loyzaga, at iba pa, ang unang sumagot ay si Elle that goes...

"May ways kasi sina Ms. Teresa at Ms. Eula kahit off-cam. 'Yun nga, pero hindi nila kami pinababayaan at full support pa rin sila kapag kaeksena namin sila.

"Kumbaga, tinutulungan nila kami sa tuwing kaeksena namin sila. Hindi nila ipinamumukha sa amin na mga veterans sila kahit ang galing-galing nila. Pero minsan, nai-intimidate rin ako dahil nga sa husay nilang umarte sa bawat eksena namin sa Return To Paradise."

"Ako, hindi nai-intimidate kay Ms. Teresa Loyzaga kasi kamukha siya ni Mama ko (referring to former actress Tina Monasterio). Pareho kasi silang mukhang Espanyol, eh. So, sa mga eksena namin dito sa Return To Paradise, iniisip ko na lang na mama ko siya talaga. Kaya mas madali para sa akin ang makaeksena siya kasi nga, parang totoong-totoo 'yung emotions na nararamdaman ko.

"Kay Ms. Eula, na-intimidate ako sa umpisa kasi bata pa ako, primetime big star na siya.

Kaya parang feeling ko, sino ba naman ako para makipagkumpitensiya sa acting niya? Pero habang tumatagal ang taping namin, nagkakaroon na ako ng kumpiyansa sa sarili working with her. Lalo na bago mag-taping, nagtatawanan muna kami lahat at panay ang biruan naming lahat sa set," katwiran ni Derrick M.

O, siya, huwag palampasin ang huling linggo ng Return To Paradise sa Kapuso Network mula Lunes hanggang Biyernes nang hapon.