Kung si Ion, umatras nang konsehal… VICE, TATAKBO LANG SA PULITIKA KUNG MAY BASBAS NI LORD

ni Mercy Lejarde @Showbiz Talkies | Nov. 7, 2024

Photo: Vice Ganda - IG

Sa isang panayam ni Ogie Diaz kay Vice Ganda (VG) ay puro biro at pang-"laptrip" lang ang mga naging kasagutan ng It's Showtime host na may kinalaman sa pulitika.

Nagbiro si VG na kung sakaling tatakbo siya sa pulitika ay ang pinakamataas daw na posisyon sa gobyerno ang agad niyang tatargetin. 

“Gusto ko, presidente agad,” sey ni Vice na obyus na pagbibiro na ikinatawa ng marami sa kanyang mga faneys.

But seriously, hindi raw niya nakikita ang kanyang sarili na seryosong papasok sa pulitika, lalo na this coming 2025 elections. 

Mangyayari lamang daw ito kung ito ay isang “calling” o tawag ng tadhana.

Oo nga naman, may katwiran ang katwiran, 'ika nga! Boom! ‘Yun na!

Teka, si Vice rin kaya ang nag-advise sa mister na si Ion Perez kaya umatras na ito sa pagtakbong konsehal?

---

FOREVER Kapamilya pa rin ang OPM icon na si Ogie Alcasid at versatile actor na si JC de Vera matapos nilang muling pumirma ng exclusive contract sa ABS-CBN nitong Nobyembre 4. 

Ibinahagi ni Ogie ang kasiyahan niya sa tuwing natatawag siyang isang ‘Forever Kapamilya’.

“‘Pag sinabing Kapamilya ka, ang sarap sa puso and I mean that. It comes with feeling the honor, the distinction, and the privilege to serve. Ang sarap ng pakiramdam maging Kapamilya forever. Thank you so much for the trust and let’s keep doing it,” saad niya. 

Sa kanyang pagpapatuloy bilang Kapamilya, mapapanood pa rin siya ng mga viewers sa It’s Showtime (IS) at ASAP. 

Iba raw ang nararamdaman niyang saya sa tuwing umaapak sa dalawang shows lalo pa sa tuwing nakikita niyang napapasaya nila ang madlang people. 

“Nararamdaman ko ‘yung ‘joy’ ‘pag naririnig ko na ‘yung ‘Papapa, papa, rapa… papapa…’ 

"Hindi ako nagpapa-corny or nagdadrama rito but there is this energy that I feel and sense of gratitude when you see the smiles of the madlang people and of course, what the program has gone through. It is the spirit you cannot deny. 

“Sa ASAP din, when I'm singing with my friends and my wife and with people who are extremely gifted with singing and generous with their gifts, we always say that we are in service to the Filipino and that is true to its core,” sabi niya. 

Tulad ni Ogie, labis din ang pasasalamat ni JC sa pagtitiwala ng network at patuloy na pagbibigay nito ng oportunidad sa kanya.

Ani JC, “I want to take this time to tell everyone how thankful and grateful I am for this day. Sa ABS-CBN kasi kineep pa rin ako. They will be needing my services pa rin. I just want everyone to know that I am still growing as an actor. Alam mo na patuloy pa rin tayong binibigyan ng magagandang opportunities. I am still challenged and motivated.”

Dagdag pa niya, simula nang maging Kapamilya siya ay kaliwa't kanan siyang binigyan ng roles na tumulong sa kanyang gumaling sa kanyang craft bilang aktor.

“Ever since naging Kapamilya ako, palagi akong tine-test ng network na gumawa ng roles outside of my box. Masasabi ko talaga na during my stay dito sa ABS-CBN, wala akong ginawang hindi challenging,” sabi niya. 

Dapat din daw abangan ng publiko ang susunod niyang gagawin lalo pa at kakaiba raw ito sa mga dati pa niyang nagawa. 

Kasama nina Ogie at JC sa Forever Kapamilya Network Contract Signing event sina ABS-CBN Chairman Mark Lopez, President at CEO Carlo Katigbak, Chief Operating Officer Cory Vidanes, Group Chief Financial Officer Rick Tan, TV Production Head Laurenti Dyogi, at ang manager nila na si Rey Lanada. 

Samantala, puwede ring balik-balikan ng manonood ang Forever Kapamilya Network Contract Signing nina Ogie at JC sa YouTube (YT) channel ng ABS-CBN Entertainment. 

Walang career… MATTEO, TODO-BUNTOT SA MISIS KAHIT SAAN

ni Mercy Lejarde @Showbiz Talkies | Nov. 5, 2024

Photo: Sarah G at Matteo Guidicelli - IG

Napansin ng ilang showbiz writers at Marites na tipong pinababayaan na ni Matteo Guidicelli ang showbiz career nito because lagi raw nakabuntot sa kanyang misis na si Sarah Geronimo. Parang anino na nga lang daw siya nito.

Ayon nga sa report ng ilang showbiz Marites-writers, kung matatandaan daw, sa first-ever Billboard Philippines Woman ay karay-karay ni Sarah ang kanyang mister sa blue carpet. 

Naku, natural lang 'yun na laging samahan ni Matteo ang mga lakad sa mga showbiz events ng misis niya, 'noh! Lalo na kung 'di naman siya busy. Boom, ganern!

Lalo na siguro kung buntis na si Sarah, talagang hindi siguro ito papayag na hindi samahan ang misis sa mga lakad nito ke mereseng tawagin siyang dyulalay na lang ni Popstar Royalty, pak ganern! 

At least, suwerte ang isang Sarah Geronimo na si Matteo Gudicelli ang kanyang naging husband na talagang super caring sa kanya. 

‘Yun na!

---

SUPER excited ang new singer-actor na si Dwayne Garcia sa paglabas ng kanyang kauna-unahang single na distributed ng Starmusicph. 

Ang title ng kanyang single ay Taym Perst Muna na tungkol sa saloobin ng isang teenager sa mga sermon at ingay sa paligid.

“I’m sure po na maraming makaka-relate sa song ko. Napakaimportante po ang makinig sa mga payo ng magulang kaya ‘pag pakiramdam n’yo, masyado na kayong nalulunod o nasasakal sa mga pangaral, I’m sure, ‘pag sinabi ninyong time first muna, magkakaintindihan kayo. 

“Sobrang nagpapasalamat talaga ako sa chance na ‘to at ‘di ko po ito sasayangin. Dream come true po para sa ‘kin na magkaroon ng single, tapos sa Star Music pa.

Salamat po talaga sa lahat ng tumulong para maging totoo lahat ng mga pangarap ko lang dati. 

"Siyempre, kay God, sa family ko, kay Direk Joven Tan na composer ko ng song at sa Starmusicph family ko at sa lahat ng tumulong sa ‘kin sa media."

Available na ang Taym Perst Muna sa lahat ng digital platform nationwide simula sa October 25, 2024.

Damit, sash, notebook ng mga pinagdaanan niya, etc… PIA, IBEBENTA ANG MGA SOUVENIR NIYA SA MISS UNIVERSE

ni Mercy Lejarde @Showbiz Talkies | Oct. 31, 2024

Photo: Pia Wurtzbach - IG

Kung si Nora Aunor ay hindi ibebenta kay Boss Toyo ng P5 million ang kanyang damit na isinuot nu’ng manalo siya noon sa Tawag ng Tanghalan (TNT), iba naman ang drama ni Miss Universe 2015 Pia Wurtzbach.

Ayon sa ilang showbiz reports, mas gusto ni Pia na i-promote ang kanyang pa-subasta (auction) ng kanyang mga memorabilya bilang beauty queen na tinawag niyang Love Gala, Eternal Elegance, A Night of Timeless Love na idaraos this coming December 3.

Ang lahat daw ng kikitain nito’y nakalaan para sa Youth Center for Taguig City para magsagawa ng mga serbisyo that will address the challenges na kinakaharap ng mga kabataan.

Kabilang sa ipao-auction ni Pia ay ang kanyang silver dress nang mapiling isa sa Top 15 sa Miss Universe (MU) noong 2015.

Kasama rin ang kanyang mga sashes noong sumali sa Binibining Pilipinas hanggang sa MU.

Also to be auctioned off ay ang kanyang pinakaiingat-ingatang notebook na naglalaman ng kanyang mga struggles.

And most of all, dedma siya sa mga pahayag sa kanya ni Heart Evangelista at keber daw, wala siyang panahon. Boom, ‘yun na!

---

Inspirasyon sa mga baguhang singers…

LIFE STORY NI APRIL BOY, GINAWANG PELIKULA KAHIT PATAY NA

DUMALO kami sa iskrining ng Idol: The April Boy Regino Story na talaga namang nakaka-inspire sa mga Gen Z na aspiring singers now.

Ayon sa producer nito na si Madam Marynette Gamboa of Waterplus Productions, “Nu’ng panahon ng 2019 ay nagkukuwentuhan lang kami ni April Boy pero ‘di ko alam na bulag na pala s’ya.

“Nu’ng mag-perform siya sa stage nu’n, ang daming tao at talagang natutuwa sa kanya. Nagpe-perform siya na parang ‘di s’ya bulag.

"At talagang na-impress ako. At nu’ng malaman ko na bulag pala s’ya, sabi ko kay April Boy, ‘Gawin ko kayang pelikula ang iyong life story.’ Nu’ng birthday ko, ang sabi sa ‘kin ni April Boy, 'Madam Marynette, sana magkaroon ka ng mas maraming pera para magawa mong pelikula ang aking life story.'

“Sabi ko naman, ‘Sige, gawin natin.' Pero November, namatay na s’ya. So, itong paggawa ko ng kanyang life story ay pangako ko sa patay. Kumbaga, sinugalan natin ito na ang pag-asa natin, na merong Diyos na gagabay sa ating gagawing pelikula na life story nga ni April Boy Regino. 

“Hindi ko na inisip kung paano, basta bahala na ang Diyos. S’ya na lang ang tutulong sa ‘tin,” ang mahabang paliwanag ni Madam Marynette Gamboa.

O, siya, madlang pipol, panoorin natin ang nakaka-inspire na life story ni April Boy Regino, lalo na ‘yung mga aspiring singers d’yan. 

Ang playdate ay sa November 27 in theaters nationwide. Devah naman, Gorgy Rula? 

‘Yun na!