Kilig na raw sana, may panira pa… ALDEN, UMAKBAY KAY KATHRYN, PIOLO AGAW-EKSENA

ni Mercy Lejarde @Showbiz Talkies | May 31, 2024

Photo: KathDen

Bad trip ang ilang KathDen (Kathryn Bernardo-Alden Richards) fans kay Piolo Pascual dahil du'n sa viral video na kuha sa nakaraang FAMAS Awards.

Makikita kasi sa naturang video na magkakatabing nagpapiktyur sina Alden, Kathryn at Piolo kung saan nasa gitna ang aktres, nasa kanan niya si Alden at nasa kaliwa naman si Papa P.

Bago nagpakuha ng picture ang tatlo, akmang aakbayan ni Alden si Kathryn at sumayad na nga ang kaliwang kamay nito sa balikat ng aktres.

Ang siste, umeksena itong si Papa P. at nagpa-cute nang nagpa-cute kay Kathryn at sa photographer sabay dikit ng kanyang katawan at paglapit pa ng mukha sa pisngi ng aktres.

Sey tuloy ng ilang KathDen fans, panira at panggulo raw si Papa P. sa kilig moments na sana nina Kathryn at Daniel.

Eh, teka, bakit kaya hindi na lang sila pagsama-samahing tatlo sa isang pelikula at baka challenging kung this time ay magiging third party naman si Papa P sa Kathryn-Alden love story, devah?

Feel n'yo 'yun? Tsuk and more tsuk!!!

Sorry na lang, Daniel… KATHRYN, SI ALDEN ANG ESCORT SA FAMAS

ni Mercy Lejarde @Showbiz Talkies | May 28, 2024

Photo: FB Circulation

Tulad sa nakaraang Cannes Film Festival ay hindi rin nakarating sa 72nd FAMAS Awards Night last Sunday (May 26, 2024) si Superstar Nora Aunor because according to a reliable Noranian ay ipinagbawal ng mga doctors nito na um-attend siya sa crowded event.

Tsk, sayang, ang ganda sanang tingnan kung nakadalo si Ate Guy sa FAMAS night at sa iisang table lang sila magkakasama ng ex-husband niyang si Christopher de Leon na kasama naman ang present wife na si Sandy Andolong, Tirso Cruz III na former love tandem ni Guy at pati na rin ang naging rival niya sa showbiz na si Vilma Santos-Recto.

Tipong puwedeng ang title ay Rewind (movie nina Marian Rivera at Dingdong Dantes) ng mga nakaraan nilang kabanata simula pa nu’ng dekada ‘70.

And take note, maraming showbiz Marites ang umalma sa nasabing okasyon ‘coz ang mahal daw ng dinner per plate na nagkakahalaga ng P5 thousand each person na ginawa nga sa Fiesta Pavilion ng Manila Hotel.

Pero wagi naman si Ate Guy ng dalawang trophies na ang tumanggap ay ang kanyang longtime friendship-showbiz writer na si Baby K. Jimenez na tumanggap din ng award bilang Best in Journalism.

Anyway, cheers and congrats sa lahat ng nanalo sa 72nd FAMAS Awards night, malapit na ring sumunod ang PMPC Star Awards night sooner than soon. 

Saka nga pala, maganda rin sanang tingnan kung dumating si Daniel Padilla para batiin si Kathryn Bernardo na wagi as Best Actress that night with Alden Richards as her escort.

Sey n'yo, mga Marites? Bongga sanang tingnan, devah naman?

Kaya ‘di nakapunta sa Cannes… NORA, BINAWALANG UMALIS NG ‘PINAS

ni Mercy Lejarde @Showbiz Talkies | May 23, 2024

Kahit walang big celebration si Superstar Nora Aunor na nagdiwang ng kanyang 71st birthday nito lang May 21, 2024 ay dinayo pa rin siya sa bahay ng mga solid Noranians.

According sa isang Noranian source namin, may mga fans na dumating sa bahay ni Superstar galing pa sa Toril, Davao at ang iba pang Noranians ay may mga dalang food at cakes bilang regalo nila sa kanilang idol.

Kumpleto naman daw ang family ni Ate Guy at pati raw ang anak na si Kiko ay dumating.

Happy naman ang Superstar na kahit paano ay naidaos ang kanyang 71st birthday, ‘di tulad nu’ng nakaraang taon na bonggang-bonggang ginawa sa Seda Hotel to celebrate her 70th birthday. 

Sad to say, hindi siya nakapunta sa Cannes Film Festival kung saan nakasali ang kanyang restored film na Bona, dahil hindi siya pinayagan ng kanyang doctor for 18 hours trip due to her asthma.

Anyway, happy healthy birthday pa more, Ate Guy!