Inihandang macapuno, parang uhog daw… LUCY, 'DI KINAYA ANG KABALAHURAAN NI ALEX

ni Mercy Lejarde @Showbiz Talkies | June 15, 2024

NAapanood ni katotong Ronnie Carrasco ang vlog ni Alex Gonzaga nang dumalaw ito sa house nina Lucy Torres at Richard Gomez sa Ormoc at nakapag-dialogue tuloy si friendship Ronnie kay Alex that goes..... “Wala talagang ka-finesse-finesse si Alex Gonzaga!”

Ayon sa kuwento ng aming katoto, winelkam naman ni Lucy si Alex at ipinasyal pa sa kanilang bahay.

Ikinamangha ni Alex ang mga vintage furniture pieces sa loob ng tahanan ng mag-asawang Gomez, na sabi ni Lucy, ang ibang muwebles doon ay galing sa kanyang tiyahin at ang ibang pieces ay galing naman sa kanyang ancestral home.

Dahil nagustuhan niya nga ang mga kasangkapang ‘yun ay umurot si Alex kay Lucy na baka naman maaari siya nitong ipakilala sa kanyang tiyahin. Manghihingi rin daw si Alex lalo’t nagpapagawa sila ng bahay ng mister na si Mikee Morada.

Sey pa ni Ronnie, “Umoo naman si Lucy, o sinakyan na lang niya ang trip ni Alex na aakalain mong hindi milyun-milyon ang kinikita sa vlogging, pero walang pambili ng lalamanin sa bahay?! Isn’t that ridiculous?

“Anyway, ang obyus na hindi kinaya ni Lucy ay ang comment ni Alex sa isinerve na macapuno sa kanya. Nagdayalog ba naman kasi ito na parang “uhog” ‘yun. Napatalikod na lang si Lucy sa tinuran ng kanyang bisita, obyus na na-turn-off ito!

“As always naman ay ganyan si Alex, walang pinipiling taong kaharap makapagbitiw lang ng akala niya’y nakakaaliw na joke. Hindi ba’t tungkulin ni Mikee na rendahan ang pagiging taklesa ng kanyang misis? Sa totoo lang, minus points ‘yun sa political career ni Mikee sa Batangas!”

Dagdag pa nito, “Umayos ka, Alex… hindi ka na nakakatuwa!”

Well, may point naman ang aming katoto-friendship na si Ronnie, pero ganu'n na talaga si Alex, naturalesa na niya 'yun kaya mahirap nang baguhin lalo't 'di na siya bata.

Sabi nga, love her or hate her?

---

IPINAGDIRIWANG ng Cinema One ang 30 taong paghahatid ng iba’t ibang pelikulang Pilipino sa mga manonood sa paglulunsad ng Laging Kasama music video na tampok si Piolo Pascual.

Inilabas ang music video sa Cinema One Facebook page at YouTube channel kung saan makikitang umaawit si Piolo habang ipinapakita ang ilan sa mga hindi malilimutang Filipino films. Ipinalabas din ang music video sa ABS-CBN channels nitong Miyerkules.

Bukod sa kanilang anniversary theme song, ihahandog din ng cable channel ang iba’t ibang blockbuster at classic Pinoy films na libreng mapapanood sa YouTube simula Hunyo 12 hanggang 30.

Ka-double date sina Coco at Julia… SEN. LITO, IBANG BABAE ANG KASAMA SA SPAIN, 'DI SI LORNA

ni Mercy Lejarde @Showbiz Talkies | June 9, 2024

Hindi na kailangan pang umamin nina Coco Martin at Julia Montes na sila ay magdyowa na in real life.

Ang latest update kasi sa dalawa ay magkasama silang pumunta sa Spain with their friend Senador Lito Lapid na may kasama ring girl. 

So, bale foursome silang namasyal sa Spain. Sey n’yo, mga Marites? 

Pero wait lang, hindi si LT a.k.a. Lorna Tolentino na nali-link ngayon kay Sen. Lito ang kasama niya sa Spain, ha? 

Well, ang sarap talaga ng rich na, sikat pa, sa true lang!

'Niwey, napansin lang namin na medyo malaki na ang katawan ni Julia ngayon at parang pang-nanay na. Pero wala naman itong inaamin sa matagal nang nababalita na tatlo na ang mga anak nila ni Coco.

Boom, ganernnn!

---

ITINALAGA ng ABS-CBN Corporation ang dating ABS-CBN president at CEO na si Ma. Rosario “Charo” Santos-Concio bilang bahagi ng board of directors ng kumpanya.

Sa isang disclosure sa stock exchange nu’ng Mayo 30, sinabi ng ABS-CBN na inihalal ng Board of Directors ng kumpanya si Charo bilang direktor na pinupunan ang bakanteng puwang ni Atty. Augusto Almeda-Lopez na pumanaw nu’ng Pebrero.

Nagsilbi si Charo bilang presidente at CEO ng ABS-CBN at humawak ng iba’t ibang tungkulin sa kumpanya kabilang ang chief operating officer, chief content officer, presidente ng ABS-CBN University, executive advisor at pinuno ng Channel 2 Mega Manila Management.

Itinanghal din siyang Asian Media Woman of the Year ng Content Asia, Woman of the Year ng Asia-Pacific Stevie Awards at tumanggap ng Gold Stevie Award sa Female Executive of the Year sa Asia, Australia, at New Zealand sa Stevie Awards for Women.

Nagtapos si Charo bilang cum laude sa kursong Communication Arts sa St. Paul’s College sa Maynila. Natapos din niya ang Advanced Management Program sa Harvard Business School nu’ng 2007.

Paulo, 'di pa BF… KIM, UMAMING NAGHAHANAP PA NG DYOWA

ni Mercy Lejarde @Showbiz Talkies | June 8, 2024

Sa launching ng Brilliant Skin Essentials' Hello Melo ni Ms. Glenda ay hindi nagsama sa stage sina Kim Chiu at Paulo Avelino.

Added na info pa ng ilang Marites ay nauna raw umalis si Paolo sa venue ng said launch.

Anyway, super happy si Kim sa naging preparation ng kanyang mga fans regarding sa kanyang 18th anniversary sa showbiz dahil may pa-electronic billboard pa sila. Kaya naman, panay ang pasasalamat ni Kimmy.

Sey ni Kim, “June 3! Thank you for reminding me fam!!! Today marks my 18th year in showbiz! Maraming-maraming salamat po sa love and support through the years! Thank you @KimChiuFBpage for this BONGGANG SURPRISE LED BILLBOARD! Salamat sa inyong lahat, grabe kayo,” reply ni Kim sa post ng kanyang mga fans club.

Actually, muntik na raw niya itong makalimutan, pero grabe nga ang pagbati ng kanyang mga fans, ayon kay Kim sa It’s Showtime ng Kapamilya Network.

Kaya nang humirit si Jhong Hilario na sana naman ay ibang anniversary ang i-celebrate niya, sundot ni Teddy Corpuz, kahit monthsary na lang.

Pero sumagot si Kim ng “Hahanap muna ako ng ka-monthsary.”

So, true ang tsika ng ilang Marites na hindi pa jowa ni Kim si Paulo Avelino kung ganu’n.

Sey mo, Xian Lim?

Anyway, emosyonal si Kim na nagpasalamat sa mga fans na nand'yan at kasama niya sa ups and downs.

Sa Q and A portion ay natanong si Kim kung ano ang feeling na hindi lang sila sa teleserye magkasama ngayon ni Paulo kundi maging sa endorsement na rin.

“Siyempre, masaya kaming pareho because this is a blessing for us. Siyempre, masaya kami na nasa Brilliant kami and then, sobrang bait sa ‘min ni Madam (Glenda, CEO),” sey ni Chinita Princess.

Sa totoo lang, sunud-sunod ang bagong endorsement ngayon ni Kimmy. So keep it up, Kim Chiu. More product endorsements pa for you!