Kaya ‘di nakapunta sa Cannes… NORA, BINAWALANG UMALIS NG ‘PINAS

ni Mercy Lejarde @Showbiz Talkies | May 23, 2024

Kahit walang big celebration si Superstar Nora Aunor na nagdiwang ng kanyang 71st birthday nito lang May 21, 2024 ay dinayo pa rin siya sa bahay ng mga solid Noranians.

According sa isang Noranian source namin, may mga fans na dumating sa bahay ni Superstar galing pa sa Toril, Davao at ang iba pang Noranians ay may mga dalang food at cakes bilang regalo nila sa kanilang idol.

Kumpleto naman daw ang family ni Ate Guy at pati raw ang anak na si Kiko ay dumating.

Happy naman ang Superstar na kahit paano ay naidaos ang kanyang 71st birthday, ‘di tulad nu’ng nakaraang taon na bonggang-bonggang ginawa sa Seda Hotel to celebrate her 70th birthday. 

Sad to say, hindi siya nakapunta sa Cannes Film Festival kung saan nakasali ang kanyang restored film na Bona, dahil hindi siya pinayagan ng kanyang doctor for 18 hours trip due to her asthma.

Anyway, happy healthy birthday pa more, Ate Guy!

Superstar, 'di raw nagsisisi na maging kapamilya siya… JOHN RENDEZ KAY NORA: IKAW ANG NO. 1 SA PUSO KO

ni Mercy Lejarde @Showbiz Talkies | May 21, 2024

'Kakatuwanaman ang birthday message ni John Rendez sa nag-iisang Superstar ng Philippine showbiz. The following ay ang mensahe nila sa isa’t isa…

“Advance happy birthday to our Superstar Miss Nora Aunor and congratulations to all the blessings coming your way po! Congratulations on the Cannes International Film Festival for recognizing the film Bona as one of the greatest movies of all time! Congrats to our greatest living national artist! Congrats and kudos and respect. My dearest friend! IKAW ANG NUMBER

ONE SA PUSO (KO)!” bati nito kay Nora.

Ang sagot naman ng aktres, “Maraming-maraming salamat po sa napakagandang pagbati mo at walang sawang suporta at pagtatanggol mo sa 'kin. ‘Di ako nagsisisi na ituring kang pamilya ko.”

Oh, ha?! Uwian na, may nanalo na!

Daniel, panis ka na talaga… ALDEN, SUPER-KILIG NANG MAKITA SI KATHRYN

ni Mercy Lejarde @Showbiz Talkies | May 12, 2024

Trending ngayon sa social media ang isang video featuring Alden Richards na kuha diumano — ayon sa mga reports ng ilang co-entertainment writers namin — over the weekend sa SM Megamall.

May scheduled event doon si Alden kaugnay ng endorsement niya ng isang brand.

On his way patungo sa event, may isang fan ang humarang sa kanyang daraanan. May bitbit itong standee ni Kathryn.

Maagap na nakunan ng mga camera ang abot-tengang ngiti at reaksiyon ni Alden na obyus na kilig na kilig sa gesture ng KathDen (Kathryn and Alden) fan, to think na life-size standee lang ‘yun ng aktres na balitang nililigawan niya.

Ang ganda-ganda raw ng hatid na vibe ng eksenang ‘yun. 

Wini-wish naman ng mga fans ni Kathryn na kiligin din ang aktres ‘pag humambalang sa kanyang daraanan ang life-size ring standee ni Alden.

Lalo raw napagtanto ng mga taong nakapaligid doon na kumbaga sa pagkain ay “panis” na si Daniel Padilla as far as Kathryn’s taste buds is concerned.

Lalo ring na-excite ang mga KathDen fans sa muling pagtatambal nina Kathryn at Alden sa sequel ng Hello, Love, Goodbye. Balitang most part of the film ay kukunan sa Canada.