Iyak nang iyak… KRISTEL, NAGPAKALBO DAHIL SA MADIR NA MAY BREAST CANCER

ni Mercy Lejarde @Showbiz Talkies | July 7, 2024

Photo: Kristel Moreno / IG

Noong dinala ni yours truly si Kristel Moreno kay Boss Vic del Rosario ay medyo bagets pa ito at bagay na bagay sa kanya ang mahabang buhok.

Nagustuhan naman siya ni Boss Vic at inalok siyang maging Viva artist, lalo na sa Vivamax, pero hindi feel na gumawa ng sexy or bold films ni Kristel, hindi tulad ng kanyang tiyahin na si Alma Moreno na naging sexy star noon sa ilang pelikulang nagawa nito nu’ng kanyang kabataan.

Medyo matagal-tagal ding nawala sa showbiz world si Kristel dahil nagtayo ito ng ilang negosyo at pati nga pagpo-produce sana niya ng mga pelikula, tipong naudlot, kaya gusto niyang magbalik-pelikula uli. 

Pero this time, gusto niyang maging action star at ang hiling niya, sana raw ay masama siya sa pelikula ni Robin Padilla sa Borracho Films ni Atty. Ferdie Topacio titled Gringo: The Greg Honasan Story. Sana rin daw ay kunin siya ng Dreamscape Productions para makasama si Coco Martin sa TV series nitong Batang Quiapo.

Kunsabagay, sa age at looks now ni Kristel ay puwedeng-puwede siyang maging action star 'coz she’s now 33 years old at nagpakalbo, nawala ang magandang mahabang buhok niya.

Bakit? Anyare?

“Nagkaroon kasi ng cancer of the breast si Mama ko at dahil sa Chemotherapy n’ya ay nakalbo siya, iyak ako nang iyak. Hindi ko malaman ang gagawin ko.

“Tapos, nagpakalbo rin ako dahil sa awa ko sa mama ko, pero mabilis namang tumubo uli ang buhok ko. ‘Yun nga lang, manipis na s’ya, kaya hindi na ako bagay sa mga pa-sweet roles. Ang dream ko ngayon ay maging action star hangga’t buhay pa si Mama ko.

“Masakit para sa ‘kin ang pagkakaroon ng breast cancer ng mama ko. Mahal na mahal ko s’ya at hangad ko na gumaling na s’ya agad. Hindi ko kakayanin kung mawawala s’ya sa buhay naming magkakapatid. Mahal na mahal namin ang mama ko,” ang medyo teary-eyed na mahabang pahayag sa amin ni Kristel.

Kunsabagay, 64 years old pa lang ang mama niya na si Tita Annabelle Valdez na naging close rin kay yours truly kaya kami man ng dyunak kong si Camille ay affected much at maluha-luha nang muli kaming magkita-kita kamakailan lamang.

Ipagdasal na lang nating lahat na harinawa ay gumaling ang breast cancer ng mommy dearest ni Kristel Moreno sooner than soon.

Tanggap na 'di na babalikan ni Kathryn… DANIEL, RICH GIRL SA BATANGAS ANG BAGONG LABS

ni Mercy Lejarde @Showbiz Talkies | June 25, 2024

Mukhang tanggap na ni Daniel Padilla na never na talaga siyang babalikan ng ex-GF niyang si Kathryn Bernardo. 

According to some showbiz Marites kasi ay may bagong nililigawan si Daniel na taga-Batangas.

And take note, rich girl daw ang apple of the eyes ngayon ni DJ. Taga-Tanauan diumano ito at marami raw negosyo ang mga magulang.

In fact, ang ama ng babae ay naging business partner daw ni Daniel.

Well, no wonder daw na mas piniling magdiwang ni DJ ng kanyang recent birthday sa Batangas.

Ayon sa pagsasaliksik ng press, a check with the girl’s social media account would confirm na pina-follow nga siya ni Daniel.

Ayon naman sa nakararami, walang masamang maghanap ng bagong karelasyon si Daniel dahil single ang status niya.

Karapatan naman niya na muling umibig with matching background music that goes…

“Kapag tumibok ang puso…”, yes, boom ganern!

‘Yun nga lang, unang nabalita na may mutual understanding na raw sina Kathryn at Alden Richards, na ewan nga lang kung para lang ba sa maagang promo ng kanilang reunion movie na may playdate na sa November.

Ang tanong, sino kaya sa kanila ni Kathryn ang mauunang magkarelasyon?

Si Kathryn na ka-MU na si Alden which is just one step closer to a full-fledged romance o si Daniel na nasa ligawan stage pa lang?

O, sagutin n’yo ‘yan, mga Marites at tribu ni Mosang, okidoki?

---

Sa pagpapatuloy ng selebrasyon sa Pride Month, hatid ni Kapamilya anchor Bernadette Sembrano ang kuwento ng pag-iibigan nina power belter Sheryn Regis at partner niyang si Mel de Guia, pati ang kanilang adbokasiya para sa LGBTQIA+ community ngayong Linggo (Hunyo 23) sa Tao Po.

Isang proud advocate si Sheryn para sa LGBTQIA+ community na ngayo’y ginagamit din ang kanyang tinig para magbigay-liwanag sa mga pinagdaraanan at hinahangad ng komunidad.

Sa pagdayo ni Bernadette sa kanilang restaurant sa Laguna, dito ibabahagi nina Sheryn at Mel kung paano nagsimula ang kanilang love story at ang mga hamong kanilang hinarap.

Abangan 'yan ngayong Linggo sa Tao Po, 6:15 PM sa Kapamilya Channel, Kapamilya Online Live, A2Z, ABS-CBN News, YouTube Channel, at iWantTFC.

Tinapat na ng doktor na 'di maganda ang lagay…DEBORAH, MAY PNEUMONIA NA, MAY MGA BUKOL PA

ni Mercy Lejarde @Showbiz Talkies | June 21, 2024

Alam naman ng marami na nadisgrasya ang aktres na si Deborah Sun habang kinukunan ang mga eksena niya noon sa Ang Probinsyano na TV series ni Coco Martin.

Bumagsak ang buo niyang katawan pati mukha dahil nawalan siya ng panimbang habang ginagawa ang eksena niya, at agad itong dinala sa ospital ng production team ni Coco. 

In fairness kay Coco at sa production team nito, tumulong naman sila sa mga gastos sa ospital at mga gamot ni Deborah. Kaya lang ay matatagalan pa ang pagpapagamot ng aktres dahil marami raw kumplikasyon na nangyari. 

Just recently ay nag-chat kay yours truly si Deborah upang magbigay ng ilang detalye sa kanyang kalagayan sa ngayon.

“Nasa University of Santo Tomas (UST) hospital ako, kapatid, mula pa Monday night. Naka-confine ako ngayon dito, na-endoscopy and colonoscopy na ako then may nakita raw na ‘di maganda, may mga maliliit na bukol daw na need operahan kasi if not, possible na mag-lead into cancer daw.” 

Tapos, nagre-request na siya na magpa-transfer sa Philippine General Hospital (PGH) or East Avenue para puwedeng makahingi ng Guarantee Letter (GL), pero ang sabi ng doctor, kailangan muna siyang i-CT scan before siya i-transfer. 

Tapos kahapon, nu’ng dapat na isi-CT scan na siya, hindi naituloy dahil natakot siya. 

Regarding sa small lumps na nakita sa dulo ng large intestine niya na leading to small intestine ay itse-check pa raw ito at 5-7 days pa ang hihintayin before makuha ang results.

Pahayag ni Deborah, “Kausap ko kahapon ang doctor ko galing dito sa room. Sabi sa ‘kin, 'Diretsuhin na kita, hindi maganda ang lagay ng bukol mo. Kailangang ma-CT scan ka para makita ang result ng biopsy mo. Du’n sa biopsy mo, makikita natin kung cancer na ‘yan,' ‘yan ang sabi ng doctor ko.

“Ayaw pa 'kong palabasin, kasi meron din akong pneumonia.”

Well, dalangin namin ay mapagaling ng kanyang mga doctor si Deborah Sun at sana rin ay tuluy-tuloy ang pagtulong sa kanya ni Coco at ng production team of Ang Probinsyano para gumaling nang tuluyan ang aktres sooner than soon.

NAGING mainit ang pagtanggap ng mga manonood sa pinakabagong teleserye ng ABS-CBN na Pamilya Sagrado na nakakuha ng 443,269 peak live concurrent views sa Kapamilya Online Live at trending din sa social media para sa pilot episode nito nu’ng Lunes (Hunyo 17).

Pasabog agad ang unang episode, kung saan ipinakita ang mainit na komprontasyon nina Moises at Justin (Kyle at Grae) na nauwi rin sa pagiging magkaibigan ng dalawa.

Ipinakilala na rin sa mga manonood ang karakter ni Piolo Pascual na si Rafael Sagrado, ang ama ni Justin na maraming itinatagong baho sa kabila ng kagalang-galang na imahe nito.

Sa social media, pinuri ng mga netizens ang serye para sa pangmalakasang akting na ipinamalas ng cast at sa nakakapangilabot na kuwento na may temang pulitika at pagiging parte ng isang fraternity.

Sey ng mga netizens…

“@piolopascual_ph finally graces us with his presence. This brief scene alone shows how affluent and respected the good governor is with his “gift” of Tikoy. The direction, writing, and music make this show feel like a classic political thriller.” 

“Love how layered Justin Sagrado's character is. There’s goodness (w/ his parents), there’s darkness (frat pinuno), the confused, lost and terrified boy (w/ his grandpa), then there’s him, the dreamer. Grae Fernandez captured Justin so beautifully.” 

“Moises takes us on a roller coaster of emotions, making us smile, cry, and feel inspired. I also loved his dynamics with Kelvin and Grace.”

Panoorin ang matinding mga rebelasyon sa Pamilya Sagrado sa Kapamilya Channel, A2Z, TV5, Kapamilya Online Live, at TFC.