Kung si Catriona, two-timer daw… KAMPO NI CLINT, IPINAGDIDIINANG BADING SI SAM

ni Melba R. Llanera - @Insider | July 19, 2020

Halu-halo ang reaksiyon ng mga tao sa tila palaisipang mga posts ni Clint Bondad sa kanyang IG stories na ang espekulasyon ng iba ay patungkol sa ex-girlfriend niyang si Catriona Gray at sa BF ngayon ng Miss Universe na si Sam Milby.

Tila may bombang pasasabugin si Clint sa dalawa dahil ilang ulit nitong inilabas ang pangalan nina Sam at Catriona sa kanyang ig stories.

Payo ng iba ay tanggapin na lang nito na break na sila ng beauty titlist at mag-move on na. May ilan namang nagpaparatang na ini-enjoy ni Clint ang atensiyon at popularidad na nakukuha nito kung saan isa siya sa top trending sa Twitter dahil sa mga posts.

Nag-aalala naman ang iba sa kalagayan ni Clint at nagsasabing mukhang dumadaan sa depresyon ang binata at nangangailangan ng professional help mula sa isang doktor sa pag-iisip.

May ilan din namang kumakampi kay Clint at binabato ang gender issue kay Sam.

Isa namang netizen ang naninindigan na nag-two-time diumano ang 2018 Ms. Universe kina Sam at Clint. Naglabas pa ng mga larawan ang naturang netizen kung saan magkakasama pa sina Clint, Sam at Cat sa ilang okasyon at pinaparatangan ang Miss U na may interes na diumano sa Kapamilya actor kahit sila pa ng ex-boyfriend. May mga lumabas ding mga larawan na nagpapahiwatig na nagli-live-in na diumano sina Cat at Sam.

Nitong July 17 ay makahulugan ang post ni Catriona na tila akma sa paninira sa kanya ng dating kasintahan. May mensaheng, "The weapon may be formed but it won't prosper. When the darkness falls it won't prevail. Cause the God I serve knows only how to triumph. My God will never fail."

Bukod sa isang fan na dinepensahan si Cat at kinondena ang tsismis culture nating mga Pinoy kung saan sinisira ang reputasyon ng isang babae sa social media para lang iangat ang ego ng isang lalaki, ipinagtanggol din ni Sandra Lemonon si Catriona.

Matalik na magkaibigan at dating nagkasama sa Bb. Pilipinas 2018 ang dalawa. Ayon kay Sandra, nakakaalarma na sinusuportahan ng mga tao ang isang toxic behavior at pinaniniwalaan na okay ito kahit hindi.

Dagdag pa ni Sandra, kung anuman ang nangyayari kay Clint ay nagpapatunay lang na wala na ito sa matinong pag-iisip at nakakalungkot na tila kinatutuwaan at itinuturing ito ng iba na isang palabas.

Heto nga, may nude photos pang kumakalat ngayon online si Catriona kung saan bukod sa naliligo siya sa bath tub ay may kuha itong nakahiga habang kita ang dibdib.

Kung sakaling totoo ito at hindi edited lang,''di na namin papangalanan pero tiyak na may ideya na ang ibang tao kung sino ang maaaring nasa likod ng paglalabas nito.

Umamin na, Kathryn… DANIEL, MAG-AASAWA NA SA EDAD 27

ni Melba R. Llanera - @Insider | July 16, 2020

Twenty-seven pala ang ibinigay na edad ni Daniel Padilla na gusto na niyang mag-asawa at sa edad nitong 25 ngayon ay dalawang taon na lang ang bibilangin at pakakasalan na nito ang GF na si Kathryn Bernardo.

Kung matutuloy ay tiyak na ipagbubunyi ito ng mga KathNiel fans. Pero may ilan din ang nag-aalala na baka 'pag nangyari ito ay maapektuhan naman ang showbiz career ng dalawa.

May paniniwala kasi sa showbiz na kapag nag-asawa ang isang artista, kahit pa nga ka-love team nito ang nakatuluyan, ay bumababa ang popularidad ng mga ito at nasisira ang ilusyon ng mga tagahanga.

Lalong lumalalim ang relasyong Kathryn-Daniel kung saan mukhang napaghandaan na rin naman nila ang kanilang mga kinabukasan.

Kung totoong mauuwi sa kasalan ang lahat, espekulasyon nga ng iba ay baka mas mapaaga ito dahil sa pansamantalang pagkawala sa ere ng ABS-CBN kung saan nangako ang dalawa na 'di sila lilipat ng ibang istasyon at hihintayin nila ang pagbabalik sa ere ng Kapamilya Network.

Tapos na ang paglalakbay niya…

SINGER NA MEMBER NG INTERNATIONAL GROUP, AYAW MAG-PROMOTE NG CONCERT DAHIL SIKAT NA RAW SIYA, SHOW NILANGAW NAMAN

ni Melba R. Llanera - @Insider | July 3, 2020

BLIND ITEM:

Sino itong singer na miyembro ng isang international group ang nagbigay ng sakit ng ulo sa producer ng kanyang show?

Bukod sa limitado ang araw na ibinigay niya para sa kanyang rehearsals, ayaw niyang mag-guest sa mga shows kung saan siya na-book para mag-promote. Ang katwiran ng male singer ay 'di na niya kailangan ang guesting at kikita naman ang concert niya kahit 'di i-promote.

Ang kawawa ay ang pr na nakipag-usap sa mga talent coordinators ng mga shows dahil ayaw niyang puntahan ang mga guestings. Sa huli, ang pobreng mga PR ay gumawa na lang ng rason na kesyo may nodules na nakita sa kanyang lalamunan at pinayuhan ng doktor na kailangan ng male singer na ipahinga ang boses bago ang concert.

Ang siste, 'di naman napuno ang venue ng concert ni male singer kung saan ang karamihan sa mga nanood ay mga tickets na ibinenta ni concert producer sa mga kaibigan niyang negosyante.

'Di biru-biro ang halagang ibinayad ng concert producer kung saan ang male singer ang mismong nagpresyo. 'Di rin alam ng aming source kung naibalik ang ipinuhunan ng producer kahit kalahati dahil halos kalahati lang naman ang nanood ng naturang concert.