Matagal na raw siyang type... RUFFA, DEDMA KAY MAYOR BISTEK

ni Melba R. Llanera - @Insider | October 16, 2020

'Di namin alam kung may halong katotohanan ang mga parinig ng dating mayor ng Quezon City kay Ruffa Gutierrez sa nakaraang virtual presscon ng The House Arrest of Us. Gumaganap bilang mga magulang ni Kathryn sa istorya, mukhang tinototoo ni Mayor Herbert ang role nila ni Ruffa bilang mag-asawa sa digital movie series. Ilang beses na nagbiro si Mayor Bistek na matagal na siyang may crush sa aktres, kasabay nito ang mga panunukso sa kanila ng mga kasamahan. Mukhang ayaw namang sakyan ni Ruffa ang mga biro ni Mayor Bistek at 'di sineseryoso ang mga pahaging sa kanya ng komedyante.

Sa tingin namin ay mukhang ingat na ingat na ngayon ang dating beauty queen sa pakikipagrelasyon lalo't balita na nauwi na rin sa breakup ang ilan taon din nilang relasyon ng foreigner boyfriend. Bukas din si Ruffa sa pagsasabing hindi na rin niya prayoridad ang buhay-pag-ibig ngayon at mas prayoridad niya muna ang mga anak na sina Venice at Lorin at ang kanyang trabaho.

Kung ang misis, nagbantang magdemanda… VIC, TANGGAP NA NILALAIT ANG ANAK NILA NI PAULEEN NA SI TALI

ni Melba R. Llanera - @Insider | October 13, 2020

Sa panayam ni Jessica Soho kay Vic Sotto nu'ng nakaraang Linggo para sa Kapuso Mo Jessica Soho ay kitang-kita ang pagiging proud at kakaibang saya ng sikat na komedyante kapag pinag-uusapan ang anak nila ng asawang si Pauleen Luna na si Talitha o Tali.

Ayon nga kay Vic, si Tali ang nag-iisa niyang anak na nasubaybayan niya ang paglaki mula sa unang paglalakad nito, mga kantang unang natutunan, hanggang sa pagbibilang nito sa iba't ibang lengguwahe.

Nahingan din ng reaksiyon ni Jessica si Bossing tungkol sa pamba-bash ng ilang netizens sa anak kung saan nagbanta pa nga noon si Pauleen sa netizen na nanlait kay Tali.

Kampanteng pahayag ng komedyante, ang mas mahalaga para sa kanila ay mas marami ang natutuwa at napapasaya ni Tali kaysa sa mga nagsasabi ng 'di maganda sa kanyang bunsong anak.

Dagdag pa ni Vic, may kani-kanyang opinyon ang bawat isa sa atin pero sana ay maging responsable rin ang ibang tao sa mga ikinokomento at ipino-post ng mga ito sa social media.

Sa tagal sa showbiz ay sanay na rin si Vic sa kalakaran ng industriya. Kumbaga, tanggap nito na 'pag artista ka ay pag-aari ka ng publiko na may gugusto at aayaw sa iyo.

Ngayon pa lang ay kinakitaan na ni Vic si Tali ng pagiging bibo at tsansa na pasukin din ang showbiz pagdating ng panahon. Tuwang-tuwa si Tali tuwing nakikita nito ang sarili sa telebisyon na sumasayaw kasabay ang ibang hosts ng Eat… Bulaga! na nasa studio. Isa na si Tali sa mga inaabangan sa Eat… Bulaga! kung saan marami ang natutuwa sa kabibuhan ng bata.

Hindi raw para magsori… CARLO, NAKIPAG-USAP KAY ANGELICA PARA MAGSAMA ULI

ni Melba R. Llanera - @Insider | October 4, 2020

"I don't think na kailangan niya ang advice ko o papansinin niya ang advice na ibibigay ko. 'Di 'yun magma-matter kasi 'di naman ako part ng buhay niya.

"Congratulations! Alam ko masaya siya. Sino ba naman ang 'di sasaya, it's a blessing, so congratulations," ang naging pahayag ni Angelica Panganiban sa panayam sa kanya ng Cinema News sa nakaraang presscon ng Ask Angelica nang tanungin namin kung ano kaya ang payong maibibigay niya sa ex-boyfriend na si Carlo Aquino ngayong isa na itong ganap na ama.

Matatandaang hindi naging maganda ang paghihiwalay nina Angelica at Carlo kahit pa wala namang pormal na balikang naganap sa kanila, at kalaunan ay bigla na lang lumabas ang kumpirmasyon na kasintahan na nga ng aktor ang ngayon ay ina ng anak niyang si Trina Candaza.

Mukhang wala na ring naging komunikasyon sina Carlo at Angelica mula nang huling naikuwento ng aktres na pag-uusap nila ng ex-BF kung saan hindi naman daw para humingi ito ng tawad sa kanya o makipag-ayos kundi dahil gusto nitong gumawa pa sila ng isang pelikula.

Sa ngayon ay nananatili pa ring single si Angelica pero 'di naman ito nagsasara ng pinto kung saka-sakaling dumating ang tamang tao para sa kanya. Marami-rami na rin namang natutunan ang aktres pagdating sa pakikipagrelasyon at ito ay 'wag magbigay nang sobra-sobra pagdating sa pag-ibig at laging magtira para sa sarili para 'wag sobra-sobrang masaktan 'pag nauwi sa hiwalayan.