Balik ang Asian Senior Beach Volleyball C'ships sa Nuvali

ni MC @Sports News | Nov. 3, 2024

Aussies Jana Milutinovic (kaliwa) at Stefanie Fejes beach volleyball - AVC

Muling magbabalik sina Stefanie Fejes at Jana Milutinovic ng Australia upang muling targetin ang isa pa muling titulo kung saan ang Alas Pilipinas ay sasabak sa sa 2024 Asian Senior Beach Volleyball Championships simula sa Nobyembre 5 sa Nuvali Sand Courts sa City of Santa Rosa.

Ang tambalang Aussies ang nagreyna sa Asian Volleyball Confederation (AVC) Beach Tour Nuvali Open noong Abril at kumpirmado na ang paglahok kasama ang 19 na iba pang women's tandems sa anim na araw na event na itinaguyod ng Philippine National Volleyball Federation (PNVF).

Walo sa iba pang women's teams ang sasalang sa qualifying para sa nalalabing apat na slots sa main draw ayon kay PNVF and Asian Volleyball Confederation president Ramon “Tats” Suzara. Nakatakda ring magbalik sina Abbas Pourasgari at Alireza Aghajanighasab ng Iran na pakay na makabawi sa Nuvali Open at makikipagtunggali sa 20 pares sa men's main draw.

Sasabak para sa Pilipinas team sina Philippine Air Force duo Gen Eslapor at Kly Orillaneda, na naabot pa ang Round of 16 noong nakaraang summer. Sina Khylem Progella at Sofiah Pagara, teammates ng University of Santo Tomas ay nasa main draw rin ng torneo.

Ang ikatlong Philippine pair, Philippine Army’s Alexa Polidario at Coast Guard’s Jenny Gaviola ang susubok para sa qualifying tournament. Isinaayos din ng PNVF beach volleyball program ang men's side ng Alas Pilipinas nang kunin ang pares nina Southeast Asian Games veterans Ran Abdilla at James Buytrago.

Si Rancel Varga, na naka-silver medal ka-tandem si Buytrago sa FIVB Volleyball World Beach Pro Tour Futures noong Abril, ay makakasama sa big stage si Lerry John Francisco. Pasok sina dating University of Perpetual Help star Ronniel Rosales at ex-National University stalwart Edwin Tolentino sa men’s qualifiers.

3 ginto sa Olympics mula sa ‘My Working Team’ ng POC

ni MC @Sports News | Nov. 3, 2024

Photo: Abraham Bambol Tolentino - FB

Naging tulay ang tatlong gintong medalya mula sa Olympics kasunod ang apat pang Asian Games gold medals—kasama na ang natatanging men’s basketball title—na binigyang-diin ni Abraham “Bambol” Tolentino sa loob ng 4 na taon niya bilang pangulo ng Philippine Olympic Committee (POC).

Dagdag pa ang overall championship sa matagumpay na pag-host ng bansa sa 30th edition ng Southeast Asian Games noong 2019 kung saan nagwagi ang Pinoy athletes ng 149 gold, 117 silver at 121 bronze medals sa may 56 sports—higit sa 50 golds nang sumegunda sa Vietnam.

Sa administrasyon ng POC administration na pahirapan nang mahigitan lalo't may Carlos Yulo na naka-2 gymnastics gold medals sa Paris 2024 at bago iyan ay si weightlifter Hidilyn Diaz-Naranjo na unang naka-ginto sa Olympics noong Tokyo 2020.

“It’s about teamwork, it’s about setting and achieving goals, it’s about cooperation,” ani Tolentino na ayon sa kanyang video tinawag niyang “My Working Team” para sa muling halalan ng POC sa Nob. 29 sa East Ocean Palace Restaurant sa Paranaque City.

Tuwing apat na taon maghalal ng pamunuan sa POC kasabay ng Olympic cycle. Sa Nobyembre, ani Tolentino pinuno rin ng cycling federation mula 2008, pakay ding muling pamunuan ang pinakamataas na sports-governing body sa bansa kasama ang “Working Team” na sina Alfredo “Al” Panlilio (basketball) First Vice President, Rep. Richard Gomez (modern pentathlon) 2nd Vice President, Dr. Jose Raul Canlas (surfing) Treasurer at Donaldo “Don” Caringal (volleyball) bilang Auditor at Alexander “Ali” Sulit (judo), Ferdinand “Ferdie” Agustin (jiu-jitsu), Leonora “Len” Escolante (canoe-kayak) at Alvin Aguilar (wrestling) at Leah Jalandoni Gonzales (fencing) bilang miyembro ng Executive Board.

Ang pag-file ng kandidatura ay nagsimula noong Okt. 15 at magtatapos ngayong Okt. 30.

Prayoridad, layong iangat ng Ilokano ang estado ng sports

ni MC @Sports News | Oct. 25, 2024

Sina Chavit Singson at anak na si Richelle Singson

Buung-buo ang magiging suporta sa sports upang lalo pang mapaangat ang antas ng palakasan sa Pilipinas dahil na rin sa hindi na bago sa kanya ang pagsuong sa mundong ito. Bilang nagsilbing lider sa Philippine sports si Ilokano man, businessman at sports patron Luis “Chavit” Singson, dating gobernador, congressman at alkalde sa Ilo¬cos Sur, nagsilbi rin siyang lider ng Philippine National Shooting Association (PNSA).

Ang pangakong tulong na ito ni LCS sa sports ay para iangat pa ang antas ng estado ng ahensiya maging ng mga atleta. Una niyang patututukan ang Pinoy athletes na nangangailangan ng sapat na suporta para mas lalo pang umangat ang kalidad ng paglalaro sa international competitions. Inihalimbawa niya sina gymnast Carlos Yulo at weightlifter Hidilyn Diaz-Naranjo na talaga namang umangat sa international scene.

“World class,” ani LCS na kasama ang anak na si Ako Ilokano Ako Partylist Richelle Singson sa isang simpleng press conference sa Solaire Resort and Casino sa Parañaque.

Pinapurihan ni LCS si Diaz-Naranjo na unang nagbigay ng gintong medalya para sa Pilipinas sa Olympic Games noong 2021 sa Tokyo, Japan.

Sinaluduhan din ni Singson si Yulo na naka- dalawang ginto sa Paris Olympics noong Hulyo. Bumalikat din si LCS sa mundo ng boxing dahil hinawakan niya sina boxing icon Manny Pacquiao at Charly Suarez.

Alam ni Singson na kinakapos sa pondo ang mga atleta. “The government should always support our athletes. Given the chance, I will help,” ani LCS. Kinatigan naman ito ni Richelle.

“On sports development, he will be for increase of budget for the athletes. Due to lack of funding, we struggle to produce top-notch athletes who can represent our country well,” aniya.

“We will be in full support of increase of budget for our athletes especially in sports that we’re good at like boxing, now weightlifting. We can see some rising talents, and we need to support them to have more Olympic medalist for the Philippines.”aniya pa.