Romero tuloy ang hanap sa bagong stars ng volleyball

ni MC @Sports News | Dec. 15, 2024

Photo: Patuloy ang paghahanap ng susunod na superstar ng volleyball sa Cebu sa pangunguna ni 1Pacman Partylist No. 1 nominee Milka Romero kasama ang Capital1 players na nakapag-recruit na para sa isang training clinic na inorganisa ng batang entrepreneur sa Cebu. (GV)

Walang tigil ang mga programang naghahanap para maging susunod na superstar sa volleyball tulad ni Alyssa Valdez.

Sa pangunguna ng PVL team Capital1 itataguyod ang volleyball clinics nina Solar Spikers stars Iris Tolenada, Leila Cruz, Roma Mae Doromal, Jorelle Singh, at Des Clemente at coach Roger Gorayeb.

Ito ang unang inisyatibo ni 1Pacman Partylist at Capital1 co-owner Milka Romero - ang palakasin ang sports sa mga komunidad, makapagpayabong ng mga binhi at masuportahan ang mga grassroots program ng mga volleyball clinics sa Cebu City at Lapu-Lapu City.

Ang mga PVL games sa pagitan ng Capital1 at Galleries Towers, at Cignal at NXLED ay idinaos doon para bigyang inspirasyon ang 5,000 Cebuanos na nanood sa Minglanilla Sports Complex.

“Ako po bilang atleta na-experience ko yung laban, yung pride to play for your country and I want to make that accessible for any dreamers, for any Filipino, young or experienced to be able to have the needs and essentials to grow in their field of sports,” ani Romero, na naging recipient ng Honorary Modern Filipina Heroism of the Year sa nagdaang 7th Nation Builders at MOSLIV Awards.

At dahil ilalapit ang PVL stars sa mga bagong henerasyon, layon ni Milka na maging inspirasyon ang mga volleyball players.

“Di ito nalalayo sa mga ginagawa na natin ngayon which is empowering women in sports not just volleyball but in all sports across the Philippines,” saad pa ni Romero.

“Yung sports in the Philippines are very important. It is actually an integral part of the development not just for youth but for every Filipino. Mentally and physically, lumalakas ‘yung loob natin with sports,” aniya.

Mas pinabilis, mas angat at malakas ang samahan ng POC

ni MC @Sports News | Dec. 11, 2024

Photo: Philippine Olympic Committee

Sama-samang patitibayin at patatatagin nina Abraham "Bambol" Tolentino ang hawak na Olympic motto na “Faster, Higher, Stronger-Together” kasunod ang pasasalamat sa mga sports leaders sa isang fellowship kasabay ng Christmas Party makaraang maigawad muli sa kanya ang mandato bilang Philippine Olympic Committee (POC) president.

“Let us continue to strive for greater heights in the spirit of teamwork and perfection,” ani Tolentino sa tatlong dosenang national sports association leaders nang magsalu-salo sa Hotel Okura Manila sa Pasay City nitong weekend.

“I want to extend my heartfelt gratitude to all members of the Philippine Olympic Committee,” aniya pa, “your dedication, hard work and unity have been instrumental in shaping the success of Philippine sports this year.”

“Together, we have overcome challenges, celebrated victories, and strengthened our commitment to supporting our athletes and nation,” dagdag pa ni Tolentino na sa ilalim ng kanyang pamumuno ay naka-dalawang Olympics—Tokyo 2020 at Paris 2024— gold medals isa mula kay weightlifter Hidilyn Diaz-Naranjo at dalawa mula kay gymnast Carlos Yulo.

“Thank you for your unwavering passion and service,” aniya sa panahon ng POC elections noong Biyernes ay nakakuha ng 45 boto sa may 61 na bumoto sa Olympic cycle elections.

Kasama ni Tolentino na nagdiwang bilang newly-elected POC auditor si Donaldo Caringal (volleyball) at Executive Board members Leonora Escollante (canoe-kayak-dragon boat), Leah Gonzalez (fencing), Alvin Aguilar (wrestling), Ferdinand Agustin (jiu-jitsu) at Alexander Sulit (judo) at secretary-general Atty. Wharton Chan (kickboxing).

Maging sina Ramon “Tats” Suzara, president ng national and Asian volleyball bodies, gymnastics’ Cynthia Carrion at Rowena Eusuya, cycling’s Atty. Billy Sumagui, sepak takraw’s Karen Caballero, boxing’s Marcus Manalo at Athletes Commission’s Nikko Huelgas.

World champions Mangin, Colonia at Inan una sa Siklab Youth Awards

ni MC @Sports News | Dec. 5, 2024

File Photo: Tachiana Mangin - File FB

Pangungunahan nina Tachiana Mangin ng taekwondo at weightlifters Angeline Colonia at Lovely Inan ang mga bigating awardees sa Nickel Asia Corporation Siklab Youth Sports Awards 2024 ngayong Huwebes sa Market! Market! Activity Center Ayala Malls BGC matapos ipagmalaki ng bansa sa hatid na karangalan sa world stage.

Nagkampeon si Mangin sa women’s -49 kilogram class ng World Taekwondo Junior Championships sa Chuncheon, South Korea, na kauna-unahang nagawa ng Pinoy sa halos 3 dekada mula nang magwagi si Alex Borromeo sa men’s -47kg division noong 1996 worlds sa Barcelona, Spain.

Nanguna naman sina Colonia at Inan sa women’s 45kg at 49kg categories para sa 2 gold medals para sa ranked 3rd overall ng Pilipinas sa may 28 bansa ng 2024 International Weightlifting Federation World Junior Championships sa Leon, Spain.

Kasama nila sina 2024 US Junior Girls champion Rianne Mikhaela Malixi ng golf at wushu’s Alexander Gabriel Delos Reyes at Asian junior gymnastics gold medalist Karl Eldrew Yulo at table tennis youth champion Kheith Rhynne Cruz sa awards ceremony na sinuportahan ng Philippine Sports Commission, MVP Sports Foundation, Ayala Malls at Smart.

Una naman sina Muay thai world-beaters Janbrix Ramiscal at Lyre Anie Ngina, chess Olympiad gold medalist Ruelle Canino sa listahan ng Super Kids Award category sa gala ng Philippine Sports Commission-Philippine Paralympic Committee-Philippine Olympic Committee (PSC-PPC-POC) Media Group.

May kabuuang 30 awardees ang nakalinya sa Youth Heroes Award kabilang sina Ana Bhianca Espenilla (athletics), John Andre Aguja (cycling), JR Pandi (badminton), Brandon Sanchez (baseball), Kieffer Alas (basketball), Marc Dylan Custodio (bowling), Nick Anjelo Payla (boxing) at Naina Dominique Tagle (archery), Gavin Moses Bangayan Ti (obstacle course racing), Micaela Jasmine Mojdeh (swimming), Jonathan Reyes (squash), Jeniva Consigna (sambo) and Joseph Godbout (modern pentathlon).

Samantala, sina Ella Olaso (wrestling), Danielle Escolano (bowling), Xian Baguhin (boxing) Elaiza Yulo (gymnastics), Sebastien Mañalac (karate), Julia Claret Bintulan (karate), Zyche Mae Cruz Jizmundo (pencak silat), Shai Nitura (volleyball), Mariam Grace Balisme (wrestling), Paul Sondrei Capinig (wrestling), Andreas Lucho Aguilar (wrestling), Johanna Jeiel Barbero (wushu), Mark John Lazo (wushu), Carlstein Jade Dulay (sailing), Josa Gonzales (sailing), Marvin Mandac (cycling) at Thirdy Mana-ay (cycling) ang kumumpleto sa roster ng Super Kids accolade. (MC)