Horoscope | November 7, 2024 (Huwebes)

ni Maestro Honorio Ong @Horoscope | Nov. 7, 2024

Sa may kaarawan ngayong Nobyembre 7, 2024 (Huwebes): Taglay mo ang malikhaing kaisipan, kaya puwedeng-puwede mo itong magamit sa iyong negosyo. 

ARIES (Mar. 21-Apr. 19) - Manggagaling sa malayo ang iyong mga suwerte. Itakwil mo ang hindi magagandang katangian, nang sa gayun ay tuluy-tuloy kang suwertehin. Masuwerteng kulay-pink. Tips sa lotto-3-10-23-26-39-42.

TAURUS (Apr. 20-May 20) - Aakalain mong malaki ang problemang kinakaharap mo ngayon. Pero sa totoo lang, ito ay munting problema lang. Masuwerteng kulay-beige. Tips sa lotto-7-15-27-29-32-44.

GEMINI (May 21-June 20) - Wala kang dapat na tratuhin na espesyal sa mga bago at kasalukuyan mong kaibigan. Ito ang mensahe sa iyo ng iyong kapalaran. Masuwerteng kulay-blue. Tips sa lotto-11-16-21-28-31-37.

CANCER (June 21-July 22) - Malakas ang pandama mo ngayon. Kaya naman agad mong matutunugan ang masama nilang binabalak sa iyo. Masuwerteng kulay-black. Tips sa lotto-13-20-25-30-36-41.

LEO (July 23-Aug. 22) - Huwag mo nang palakihin pa ang problema. Ito ang paalala sa iyo ng iyong kapalaran. Masuwerteng kulay-violet. Tips sa lotto-17-23-28-35-38-40.

VIRGO (Aug. 23-Sept. 22) - Hindi masama ang tumalikod sa laban, lalo na kung ang makakaharap mo ay mahina at kapos sa katwiran. Huwag mo nang patulan ang mga taong alam mo namang kaya mong talunin. Masuwerteng kulay-peach. Tips sa lotto-7-14-24-29-31-36.

LIBRA (Sept. 23-Oct. 22) - Ingatan mo ang labis na pagtitiwala sa iyong sarili. Ito ang mensahe sa iyo ng iyong kapalaran. Masuwerteng kulay-red. Tips sa lotto-6-19-22-27-34-45.

SCORPIO (Oct. 23-Nov. 21) - Suwerte ka ngayon. Kahit na mag-alinlangan ka sa takbo ng iyong buhay, susuwertehin ka pa rin ngayon. Masuwerteng kulay-burgundy. Tips sa lotto-9-18-21-26-37-40.

SAGITTARIUS (Nov. 22-Dec. 21) - Dapat kang mag-ingat ngayon. Ito ang dapat mong tandaan. Masuwerteng kulay-white. Tips sa lotto-3-15-23-32-37-41.

CAPRICORN (Dec. 22-Jan. 19) - Huwag ka agad maniniwala sa magagandang pangako. Mas makakabuti pa nga kung lalayuan mo agad ang mga salita at kuwentong galing sa mga taong masayahin. Masuwerteng kulay-green. Tips sa lotto-4-17-21-27-39-42.

AQUARIUS (Jan. 20-Feb. 18) - Hindi lang bahay ang nililinis. Kailangan mo rin linisin ang iyong isipan para mabasura ang mga negatibo mong  kaisipan na noon mo pa inaalagaan. Masuwerteng kulay-yellow. Tips sa lotto-1-18-20-38-41-45.

PISCES (Feb. 19-Mar. 20) - Suwerte ka ngayon. Kaya lang, maaawa ka sa ilang kakilala mo na makikita mong pangit ang kapalaran. Damayan mo sila para ang suwerte at magandang kapalaran ay patuloy na dumagsa sa buhay mo. Masuwerteng kulay-purple. Tips sa lotto-7-16-24-31-35-42.

Mister na pilit lumalaban sa abroad, misis hapi sa piling ng ibang guy

ni Maestro Honorio Ong @Kapalaran Ayon Sa Palad | Nov. 5, 2024

KATANUNGAN

1. May asawa na ako ngayon at kasalukuyan siyang nasa abroad. Dalawang taon na rin siya ru’n, at ‘yung dalawa naman naming anak ay nasa elementary na rin. Habang wala sa tabi ko ‘yung asawa ko, natukso akong makipag-meet sa dati kong classmate. 

2. Hanggang sa dumating sa puntong hindi ko na mapigilan pa ang aking sarili. May nangyari sa amin, at naulit pa ito nang naulit. 

3. Gusto niyang iwan ko ang aking asawa at magsama na umano kami. Isama ko na lang daw ang aking mga anak, at mamuhay kung saan hindi kami masusundan ng asawa ko.

4. Pero malapit nang umuwi ang mister ko, kaya litung-lito na ako kung ano ang dapat kong gawin. Maestro, sino ba sa dalawang lalaking ito ang dapat kong piliin at sino sa kanila ang nakaguhit sa aking kapalaran?

KASAGUTAN

1. Wala kang ibang dapat gawin ngayon kundi iwasan ang classmate mong sumabit sa masaya n’yong relasyon ng asawa mo. Hindi pa huli ang lahat para magbagong buhay, iwasan at iwanan mo na ang classmate mo habang hindi pa natutuklasan ng mister mo ang ginagawa n’yong kabalbalan.

2. Sa ganyang paraan lamang, matutupad ang kaisa-isang medyo gumulo o nabaluktot, pero tumuwid din naman na Marriage Line (Drawing A. at B. 1-M arrow a.) sa kaliwa at kanan mong palad. Tanda na kung aayos ka lang at magpapakatino, tiyak na maiiwasan mo na ang napipinto n’yong pagkawasak ng inyong pamilya.

MGA DAPAT GAWIN

1. Habang ayon sa iyong mga datos, kung makikipagrelasyon ka pa rin sa dati mong classmate kahit na alam mong pamilyadong babae ka na, higit na mananaig ang pagiging magulo ng iyong Marriage Line (1-M arrow b.) sa kaliwa at kanan mong palad, – mahihiwalay ka sa iyong asawa at mawawasak ang inyong pamilya.

2. Subalit kung pipigilan mo ang init ng iyong katawan at isasakripisyo mo ang iyong damdamin, alang-alang sa iyong mga anak, mas mananaig ang tuwid at maayos mong Marriage Line (arrow a.) sa kaliwa at kanan mong palad, –  pag-uwi ng iyong asawa galing sa ibayong dagat, mas magiging maganda at masaya na ang inyong pamilya, dahil may dadatnan siyang isang buo, maligaya at panghabambuhay na pamilya.

Horoscope | November 5, 2024 (Martes)

ni Maestro Honorio Ong @Horoscope | Nov. 5, 2024

Sa may kaarawan ngayong Nobyembre 5, 2024 (Martes): Anumang gusto mong gawin, gawin mo nang mabilis.  Dahil noon pa man, bilis ang sandata mo para magtagumpay. 

ARIES (Mar. 21-Apr. 19) - Huwag kang babagal-bagal, dahil marami kang kakumpitensiya na gusto kang pabagsakin. Masuwerteng kulay-green. Tips sa lotto-6-12-29-34-37-41.

TAURUS (Apr. 20-May 20) - Sosopresahin ka ng iyong kapalaran. Mapapasakamay mo na ngayon ang mga bagay na hindi mo gusto, pero ngayon mo rin mauunawaan na mas maganda pala ito kesa sa mga gusto mong matanggap. Masuwerteng kulay-yellow. Tips sa lotto-4-11-15-25-27-39.

GEMINI (May 21-June 20) - Hayaan mo lang ang mga taong ayaw sa iyo. Dahil ang totoo, hindi sang-ayon ang iyong kapalaran na maging bahagi sila ng iyong buhay. Masuwerteng kulay-purple. Tips sa lotto-7-19-21-23-30-37. 

CANCER (June 21-July 22) - Hindi mo puwedeng sarilihin ang iyong mga problema. Ito ang mensahe sa iyo ng iyong kapalaran. Masuwerteng kulay-pink. Tips sa lotto-2-16-20-26-39-44.

LEO (July 23-Aug. 22) - Ipahiram mo ang iyong suwerte sa mga taong nalulugi. Magandang bigyan ng pagkakataon ang mga taong ‘di makausad sa buhay. Masuwerteng kulay-beige. Tips sa lotto-11-17-21-24-28-33.

VIRGO (Aug. 23-Sept. 22) - Sagabal sa pagsulong ang sobrang pag-iisip. Kaya kumilos ka ngayon ayon sa mga plano mo. Masuwerteng kulay-blue. Tips sa lotto-6-13-20-23-40-45.

LIBRA (Sept. 23-Oct. 22) - Naalala mo ba nu’ng minsang problemado ka? Hindi mo iyon pinansin pero biglang gumanda ang takbo ng iyong kapalaran. Ganu’n ang gawin mo ngayon. Masuwerteng kulay-black. Tips sa lotto-9-15-21-28-34-36.

SCORPIO (Oct. 23-Nov. 21) - Ikaw lang naman ang nagpapahirap sa sarili mo dahil pinapasan mo pa ang pasanin ng iba. Masuwerteng kulay-violet. Tips sa lotto-7-11-16-22-31-39.

SAGITTARIUS (Nov. 22-Dec. 21) - Gumawa ka ng paraan para makaiwas ka sa mga ‘di magandang motibo. Masuwerteng kulay-peach. Tips sa lotto-3-15-26-28-30-45.

CAPRICORN (Dec. 22-Jan. 19) - Kumuha ka ng buwelo para ‘di ka maisahan. Iwasan mo rin magkuwento sa mga taong tsismosa, dahil baka siraan ka pa nila ngayon. Masuwerteng kulay-red. Tips sa lotto-8-10-29-31-34-40.

AQUARIUS (Jan. 20-Feb. 18) - Makipagbalikan ka, pero mag-ingat ka. Ito ang paalala sa iyo ng iyong kapalaran. Masuwerteng kulay-gold. Tips sa lotto-4-18-20-25-31-44.

PISCES (Feb. 19-Mar. 20) - Patuloy kang susuwertehin. Hindi lang sa araw na ito kundi sa maraming araw pang darating. Pahalagahan mo ang mga biyayang napapasaiyo. Masuwerteng kulay-white. Tips sa lotto-7-11-22-29-38-40.