Horoscope | November 2, 2024 (Sabado)

ni Maestro Honorio Ong @Horoscope | Nov. 2, 2024

Sa may kaarawan ngayong Nobyembre 2, 2024 (Sabado): Panatilihin mo ang iyong kababaang-loob, kapag ginawa mo iyan, tiyak na matutuwa sa iyo ang langit. Ito rin ang magiging dahilan kung bakit ka pagpapalain.

ARIES (Mar. 21-Apr. 19) - Mahina ang depensa mo sa mga taong mababait. Kahit magkamali sila, wala kang magagawa kundi ang manahimik at sila ay patawarin. Ito ang mensahe para sa iyo. Masuwerteng kulay-pink. Tips sa lotto-3-12-27-33-42-45.

TAURUS (Apr. 20-May 20) - Ngayon ang araw mo. Gawin mo na ngayon ang mga gawaing gustung-gusto mo.  Masuwerteng kulay-beige. Tips sa lotto-6-15-22-31-37-40.

GEMINI (May 21-June 20) - Hindi ang kabuhayan ang batayan ng kaligayahan, kundi ang bilang ng nagawang kabutihan sa kapwa. Ito ang iyong tandaan sa araw na ito. Masuwerteng kulay-black. Tips sa lotto-5-17-25-29-34-41.

CANCER (June 21-July 22) - Hawak mo ngayon ang iyong oras, araw at kapalaran. Ito rin ay nagsasabing ang iyong tagumpay at kabiguan ay hawak mo rin ngayon. Masuwerteng kulay-blue. Tips sa lotto-7-16-20-28-31-44.

LEO (July 23-Aug. 22) - Matatalo ka ngayon ng iyong sarili dahil na rin sa pagiging maunawain mo. Masuwerteng kulay-violet. Tips sa lotto-1-10-26-34-37-43.

VIRGO (Aug. 23-Sept. 22) - Hanapin mo ang paliwanag kung bakit mabagal ang iyong tagumpay. Sa huli, makakaimbento ka ng katwiran na magbibigay sa iyo ng kalituhan. Masuwerteng kulay-peach. Tips sa lotto-5-14-23-32-35-41.

LIBRA (Sept. 23-Oct. 22) - Malakas ang dating ng maamong mukha kesa sa masungit na mukha. Piliin mo ang may maamong mukha dahil dito ka tunay na liligaya. Masuwerteng kulay-red. Tips sa lotto-6-12-15-24-33-39.

SCORPIO (Oct. 23-Nov. 21) - Nakikita mo ang mga nagbulag-bulagan, subalit wala ka ring magagawa dahil hindi mo rin naman puwedeng ipagpilitan ang iyong gusto. Ito ang mensahe ng iyong kapalaran ngayon. Masuwerteng kulay-burgundy. Tips sa lotto-9-18-27-36-40-45.

SAGITTARIUS (Nov. 22-Dec. 21) - Kapag nahihirapan ka, bumitaw ka na. Ang tao ay isinilang para lumigaya at hindi para magdusa.  Masuwerteng kulay-white. Tips sa lotto-2-15-24-33-36-42.

CAPRICORN (Dec. 22-Jan. 19) - Dinaragdagan ang kulang. Kaya naman dagdagan mo pa ang iyong pagtitiyaga para lalo ka pang magtagumpay at yumaman. Masuwerteng kulay-green. Tips sa lotto-1-8-17-26-35-45.

AQUARIUS (Jan. 20-Feb. 18) - Simpatya ang kailangan ng malapit sa puso mo. Ito ang iyong tandaan. Masuwerteng kulay-yellow. Tips sa lotto-4-13-22-31-40-44.

PISCES (Feb. 19-Mar. 20) - Hindi dumadapo ang mga suwerte sa taong gigil na gigil. Huminahon at maging kalmado ka, nang sa gayun ay dumapo sa iyo ang mga suwerte. Masuwerteng kulay-purple. Tips sa lotto-2-7-16-20-25-34.

Dalagang pangarap makapag-abroad, dapat nang baguhin ang pirma

ni Maestro Honorio Ong @Kapalaran Ayon Sa Palad | Nov. 1, 2024

KATANUNGAN

1. Graduate na ako ng nursing. Kaya lang, kalahating taon na akong naghihintay sa inaasahan kong pag-a-abroad sa Europe, but until now hindi pa rin ako nakakaalis.

2. Kaya gusto kong ipabasa ang guhit ng aking palad, sulat kamay at signature para malaman ko kung may dapat pa ba akong baguhin upang mabago naman ang takbo ng aking buhay.

   
   

KASAGUTAN

1. Para makapag-abroad ka at suwertehin sa lahat ng aspeto ng buhay, dapat mong lakihan ang iyong lagda, higit lalo ang lower loop o bilog na bahagi ng letrang “y”. Sa ganyang paraan, kapag nilakihan mo na ang pagkakasulat ng iyong lagda at nilagyan mo na ng bilog at magandang buntot ang letrang “y”, tiyak ang magaganap, kasunod ng pagbabago sa iyong lagda, tuluy-tuloy mo na ring matutupad lahat ng iyong pangarap.

2. Dagdag dito, bukod sa birth date mong 3, ikaw din ay nagtataglay ng destiny number na 4 (4+3+1995=2002/ 20+02=22/ 2+2=4). Ibig sabihin, may mga biglaan at hindi inaasahang suwerte ang darating para sa iyo. Bago ka ring tuluyang magtagumpay at lumigaya, kailangan mo munang makaranas ng mga pagtitiis, paghihintay at pagsubok. Sa sandaling napagtiisan mo ‘yan at nanatili kang strong o matatag, walang duda, tuluy-tuloy ka nang mananaig at magtatagumpay anuman ang pangarapin at hangarin mo.

3. Samantala, kapansin-pansing may maliit na Travel Line (Drawing A. at B. t-t arrow a.) sa kaliwa at kanan mong palad, at dahil hindi masyadong malawak at hindi masyadong malinaw, tunay ngang dapat mong paghirapan ang pangingibang-bansa. Ibig sabihin, asahan mo na hindi magiging madali sa iyo ang pag-a-abroad, pero kung magsisikap ka, tiyak na may suwerteng darating para sa iyo. Sa bandang huli, ibibigay din ng langit ang iyong inaambisyon na makapag-abroad at matutupad mo na rin lahat ng mga maluluho mong pangarap sa buhay.

   
   

DAPAT GAWIN

1. Edralyn, kung susundin mo ang lahat ng suwestyon na binanggit sa itaas, paniguradong makakapag-abroad ka at ito ay nakatakdang mangyari at maganap sa susunod na taong 2025, sa edad mong 30 pataas.

Horoscope | November 1, 2024 (Biyernes)

ni Maestro Honorio Ong @Horoscope | Nov. 1, 2024

Sa may kaarawan ngayong Nobyembre 1, 2024 (Biyernes): Magiging masarap ang buhay mo ngayon. Ito mismo ang kahulugan ng araw ng iyong pagsilang, pero ‘wag ka pa ring makampante, dahil hindi ka mauubusan ng kakumpitensiya ngayon.

ARIES (Mar. 21-Apr. 19) - Hindi ka bibiguin ng langit, kaya ‘wag mo rin siyang biguin. Inaasahan ng langit na gagawin mo ang lahat ng iyong makakaya. Masuwerteng kulay-blue. Tips sa lotto-6-19-25-34-38-45.

TAURUS (Apr. 20-May 20) - Hindi naman talaga nabibigo ang tao. Sa katunayan, nakakaranas lang tayo ng pagkaantala sa suwerte at tagumpay. Kaya naman magpatuloy ka lang. Masuwerteng kulay-black. Tips sa lotto-5-16-21-23-27-34.

GEMINI (May 21-June 20) - Hindi ka maliligaw ngayon. Ang tukso na ilalagay sa harapan mo ang magdadala sa iyo ng kasiyahan. Masuwerteng kulay-violet. Tips sa lotto-2-15-28-30-33-42.

CANCER (June 21-July 22) - Sobra kang masisiyahan ngayon. Ang matagal munang pinapangarap na magkaroon ng kaliwanagan ay abot-kamay mo na ngayon. Masuwerteng kulay-peach. Tips sa lotto-8-20-24-27-35-41.

LEO (July 23-Aug. 22) - Sakyan mo lang ang nagaganap sa iyong harapan. Sa huli, madidiskubre mo rin ang mga totoong kaaway mo. Magkagayunman, hindi mo pa rin sila magagawang patulan. Masuwerteng kulay-red. Tips sa lotto-4-10-18-25-31-40.

VIRGO (Aug. 23-Sept. 22) - Aakalain mong kaya gumaganda ang iyong kalagayan ay dahil sa iyong mga ginagawa. Pero sa totoo lang, ang langit mismo ang naglagay sa iyo sa ganyang kalagayan. Masuwerteng kulay-gray. Tips sa lotto-7-13-19-21-39-44.

LIBRA (Sept. 23-Oct. 22) - Nagkalat na ngayon ang mga nagkukunwaring pasasayahin ang buhay mo. Huwag kang maniniwala dahil ang tunay na magpapasaya sa iyo ay ang mismong sarili mo. Masuwerteng kulay-white. Tips sa lotto-3-12-22-26-28-38.

SCORPIO (Oct. 23-Nov. 21) - Minsan munang sinaktan ang sarili mo. Hindi na dapat ito maulit. Kaya kapag alam mong wala kang magandang mapapala sa isang tao, layuan mo na agad sila.  Masuwerteng kulay-green. Tips sa lotto-9-17-25-37-40-42.

SAGITTARIUS (Nov. 22-Dec. 21) - Dinaragdagan ang kulang, habang binabawasan naman ang sobra. Kaya naman, dagdagan mo pa ang ipon mo at bawasan mo ang luho at paggastos. Masuwerteng kulay-yellow. Tips sa lotto-3-18-20-27-30-32.

CAPRICORN (Dec. 22-Jan. 19) - Kung sino ang nasa malapit, siya ang magiging katuwang mo. ‘Wag kang maghanap sa malayo,  dahil ayon sa bolang kristal, ikaw ay muling masasaktan. Masuwerteng kulay-purple. Tips sa lotto-4-10-15-23-36-45.

AQUARIUS (Jan. 20-Feb. 18) - Kung saan ka masaya, ru’n ka! Ito ang sikreto ng buhay ng tao. Kaya kung saan ka nahihirapan, iyon ang iyong ayawan. Masuwerteng kulay-pink. Tips sa lotto-3-18-27-29-38-41.

PISCES (Feb. 19-Mar. 20) - Hindi basta-basta iniinom ang kapeng mainit, dahil baka magsisi ka lang. Masuwerteng kulay-beige. Tips sa lotto-7-19-21-26-35-39.