259 dagdag sa namatay sa COVID-19

ni Madel Moratillo | September 15, 2020

Umakyat na sa 265,888 ang kabuuang bilang ng mga kaso ng COVID-19 sa bansa.

Ito ay matapos makapagtala ang Department of Health ng 4,699 mga bagong kaso ng virus infection.

Mayorya ng mga bagong kaso ay mula pa rin sa National Capital Region na umabot sa 1,498.

Sinundan ng Cavite na may 221 new cases, Bataan na may 198, Bulacan na may 185 at Batangas na may 176.

Nakapagtala naman ang DOH ng 249 na bagong gumaling mula sa sakit.

Dahil dito, umakyat na sa 207,504 ang kabuuang bilang ng nakarekober mula sa COVID-19 sa bansa.

Nakapagtala naman ng record high na 259 na bagong nasawi ang DOH dahil sa virus.

Ayon sa DOH, sa bilang na ito 28 ay nasawi ngayong Setyembre, 110 noong Agosto, 97 noong Hulyo, 22 noong Hunyo, 1 noong Mayo at 1 noong Abril.

Sa ngayon, pumalo na sa 4,630 kabuuang bilang ng mga nasawi dahil sa COVID-19.

May 27 namang inalis ang DOH mula sa kabuuang bilang ng kaso ng COVID-19 na kanilang nai-report kasunod ng kanilang nagpapatuloy na validation at paglilinis sa kanilang listahan.

Patay sa COVID-19, umabot na sa 4,066

ni Madel Moratillo | September 11, 2020

Umakyat na sa 248,947 ang kabuuang bilang ng mga kaso ng covid-19 sa bansa.

Ito ay matapos makapagtala ang Department of Health ng 3,821 mga bagong kaso ng virus infection.

Mayorya ng mga bagong kaso ay mula pa rin sa National Capital Region na umabot sa 2,079.

Sinundan ng Rizal na may 286 new cases, Cavite na may 174, Laguna na may 168 at Bulacan na may 142.

Nakapagtala naman ang DOH ng 563 na bagong gumaling mula sa covid-19.

Dahil ditto, aabot na ngayon sa 186,058 ang kabuuang bilang ng nakarekober mula sa covid-19 sa bansa.

May 80 namang naitalang nasawi dahil sa virus. Ayon sa DOH, sa bilang na ito 23 ay nasawi ngayong Setyembre, 33 noong Agosto, 10 noong Hulyo, 11 noong Hunyo at 3 noong Mayo.

Sa ngayon, pumalo na sa 4,066 ang kabuuang bilang ng mga nasawi dahil sa covid-19.

May 17 namang inalis ang DOH mula sa kabuuang bilang ng kaso ng covid-19 na kanilang nai-report kasunod ng kanilang nagpapatuloy na validation.

Hinangin, nawalan ng kontrol... magkaangkas, nadale sa barrier

ni Madel Moratillo | July 21, 2020

Viral ngayon sa social media ang ilang aksidente sa motorsiklo dahil umano sa shield barrier na ipinatutupad ng pamahalaan.

Sa inilabas na panuntunan ng Inter-Agency Task Force, kung walang barrier, hindi maaaring mag-angkas sa motorsiklo bilang pag-iingat sa COVID-19.

Sa ilang larawan sa social media, sa kahabaan ng Shaw Boulevard sa Mandaluyong City, nagtamo ng minor injury ang driver ng motorsiklo at angkas nito.

Ayon sa driver, hinangin ang kanilang barrier kaya nawalan siya ng kontrol sa motorsiklo. Ganito rin ang nangyari sa rider at angkas nito na naaksidente naman sa kahabaan ng Makati Avenue.

Hinangin din umano ang barrier kaya napihit ang silinyador na naging dahilan ng aksidente.

Una rito, marami ang pumuna sa pagpapatupad ng barrier na takaw disgrasya lang umano.

Si Cavite Gov. Jonvic Remulla, iginiit na sinumang nagmungkahi sa nasabing barrier ay hindi pa nakakasakay ng motorsiklo.