Paraan ng paggunita ng Halloween sa iba’t ibang bansa, alamin!

ni Justine Daguno - @Life and Style | October 22, 2020

Habang tumatagal, palapit na nang papalapit ang Pasko pero bago ‘yan ay may iba pang mga okasyon na isine-celebrate ang marami sa atin, at isa na rito ang Halloween.

Bagama’t hindi ito big deal sa ating bansa dahil dedma lang ang iba nating kababayan, alam n’yo ba na ang ibang mga bansa ay may kani-kanilang pagdiriwang o tradisyon para sa nasabing okasyon?

Well, paano nga ba isine-celebrate ang Halloween sa iba’t ibang panig ng mundo?

1. IRELAND AT SCOTLAND. Kapwa ipinagdiriwang sa Ireland at Scotland ang modern Halloween kung saan nag-aabala ang mga tao na gumawa ng bonfires, magpalaro, at maghanda ng mga tradisyunal na pagkain tulad ng “barmbrack” o Irish fruitcake na naglalaman ng mga barya, buttons at singsing para sa fortunetelling. Ang singsing ay nangangahulugang kasal, habang ang mga barya ay nangangahulugan ng masaganang buhay sa susunod na taon.

2. MEXICO. Mula Nobyembre 1 hanggang Nobyembre 2, ipinagdiriwang ng Mexico at iba pang bahagi ng Latin America ang Día de los Muertos (Araw ng mga Patay). Pinaniniwalaan na ang Gates of Heaven ay magbubukas sa hatinggabi ng Oktubre 31 at ang kaluluwa ng mga bata ay bumabalik upang muling makasama ang kanilang pamilya sa loob ng 24-oras. Samantala, sa Nobyembre 2, ang mga kaluluwa naman ng mga adult ang bumaba mula sa langit upang sumali sa pagdiriwang.

3. JAPAN. Sa nakaraang 21 years, halos 4,000 fans ng Halloween ang nagtitipon sa Kawasaki para sa Kawasaki Halloween Parade kung saan ito ang pinakamalaking Halloween parade sa buong Japan. Gayunman, hindi lahat ay maaaring sumali dahil ang nasabing event ay exclusive lamang sa mga legit fans, kailangang may application at magbayad bago magsimula ang parade, pero ang panonood ay libre naman.

4. PHILIPPINES. Siyempre, meron din sa ‘Pinas kung saan “pangangaluluwa” ang tradisyon na pagkilala sa okasyong ito. Bago pa man ang pandemic, marami sa ating mga kababayan ang naghahanda upang maglinis at pumunta sa mga sementeryo. Madalas itong nagiging ‘reunion’ ng mga mag-anak, nag-aalay ng mga pagkain at dasal para sa namayapang mahal sa buhay.

5. HONG KONG. Tuwing ika-15 araw ng ikapitong lunar month o mid-August to mid-September, ipinagdiriwang ng mga taga-Hong Kong ang Hungry Ghost Festival. Sa maraming bahagi ng East Asia, pinaniniwalaan na ang mga espiritu ay hindi mapakali sa mga oras na ito ng taon kaya nagsisimula silang gumala. Ang nasabing festival ay paraan upang “pakainin” ang mga espiritung ito, kailangan silang handugan pagkain at pera na kailangan nila sa kabilang buhay.

6. CAMBODIA. Mula sa pagtatapos ng Setyembre hanggang sa kalagitnaan ng Oktubre, ang mga pamilyang Buddhist ay nagtitipon upang ipagdiwang ang Pchum Ben. Ito ay religious holiday upang gunitain ang mga namayapang mahal sa buhay. Ang mga tao ay nagbibigay ng mga pagkain, tulad ng sweet sticky rice at beans na nakabalot sa dahon ng saging at bumibisita sila sa mga templo upang mag-alok ng mga basket ng bulaklak, paraan ito upang bigyang-respeto ang kanilang yumaong mga ninuno.

Interesting talagang malaman ang mga kakaibang pagdiriwang na ito, na kung sumunod man tayo o hindi ay wala namang kaso. Tunay na may kani-kanyang tradisyon ng mga tao sa iba’t ibang panig ng mundo. Pero magkakaiba man ito, ang mensahe ang okasyon ang pinakaimportante. Gets mo?

Christmas shopping tips ngayong may pandemic

ni Justine Daguno - @Life and Style | October 10, 2020

Tradisyon na ng maraming Pinoy ang maagang paghahanda sa Pasko kung saan wala pa man sa mismong buwan ng nasabing selebrasyon ay sobrang nae-excite na sila sa pagplano o sa mga bagay na kanilang gagawin.

Marahil ay kaliwa’t kanan na naman ang mga pamilihan, kani-kanyang diskarte na rin sa pagsa-shopping. Ngunit dahil iba ang senaryo natin ngayon, kung saan may kinahaharap na pandemya ang buong mundo ay kailangang mas pag-isipan at prayoridad palagi ang kaligtasan.

Kaya naman, bago ang lahat ay narito ang ilan sa ating mga safety tips para sa mga magki-Christmas shopping ngayong panahon ng pandemic:

1. MAGING ALERTO. May pandemya man o wala, kailangang maging alerto sa lahat ng pagkakataon. Maging mapagmasid at palaging sumunod sa mga ipinatutupad na health protocols sa bawat establisimyento. Mag-doble-ingat dahil hindi lamang mandurukot o kawatan ang ating kalaban, kundi maging ang hindi nakikitang virus.

2. SIGURADUHING MAY LISTAHAN. Bukod sa sobrang useful ito para hindi mawala o makasunod sa budget, kapag may listahan ay siguradong iwas-hassle talaga. Alam agad natin ang mga kailangang bilhin, kaya naman siguradong mabilis tayong matatapos sa pamimili at hindi na masyadong mae-expose pa sa labas na pinakaiiniwasan natin.

3. ‘WAG KALIMUTAN ANG BASIC. Bago lumabas at magpaka-“tribute mode”, siguraduhin munang ready ang lahat ng basic ngayong ‘new normal’. I-check at ‘wag kalimutan ang facemask, face shield, alcohol o hand sanitizer, quarantine pass, gloves (optional), eco bag at sariling ballpen para sa pagsagot sa contact tracing form. Walang masama kung ‘OA’ ang pag-iingat, dahil hindi lamang ito para sa atin kundi para rin sa ating pamilya at kapwa.

4. MAG-ONLINE SHOPPING. Ang pag-o-online shopping pa rin ang da best na ideya ngayong may pandemic. Bukod sa hindi mas hindi tayo masyadong exposed sa labas ay nakatutulong din tayo sa iba na sa ngayon ay ito ang ‘source of income’. Siguraduhin lamang na mag-iingat sa mga modus na nauuso rin online.

Habang tumatagal ay papalapit na talaga nang papalapit ang Pasko. Pero muli, bago ang lahat ay safety dapat ang prayoridad natin. May kaunti mang pagluwag sa mga patakaran sa ating paligid, hindi tayo dapat magpakampante dahil iba pa rin ang nag-iingat. Gets mo?

Paano makatitiyak na safe at sulit ang bibilhing christmas décor?

ni Justine Daguno - @Life and Style | October 3, 2020

Sa kabila ng pandemyang nararanasan natin ngayon, buhay na buhay pa rin para sa iba nating kababayan ang diwa ng Kapaskuhan. Marami pa rin ang excited at natutuwang umpisahan ang Christmas decoration sa kani-kanilang tahanan.

At bilang bahagi ng nakasanayan nating tradisyon, paniguradong may mga nagbabalak na rin mamili ngayon. Pero bago ang lahat, make sure na unahin natin ang kaligtasan—sundin ang mga health protocols at tandaan ang ating mga tips sa pagbili ng mga Christmas ornaments o pamaskong pandekorasyon:

1. PILIING MABUTI ANG KLASE NG ORNAMENTS. Kung hindi naman kayo kabilang sa mga nagpapalit ng décor theme kada taon, mas oks kung pumili ng plastic ornaments kaysa glass o ceramic. Mas makakatipid tayo dahil mas mura ito at mas tumatagal pa, kaya hindi kailangang bumili nang bumili o recycle na lang ang mangyayari.

2. IWASAN ANG PAPER-BASED DÉCOR. Halimbawa nito ay parol na gawa sa papel o karton, tinsel, paper lamps etc. Bukod sa madaling masira ang mga ito kapag naka-display na, mahirap din ito itago o i-maintain kapag liligpitin na, dahil ang materyales nito ay hindi naman pangmatagalan. Kaya kung kinakapos sa budget, hindi talaga ito ideal.

3. PUMILI NG MAGANDANG KALIDAD NG RIBBON. Para naman sa mga ribbons, mas oks kung fabric wired ribbons ang pipiliin. Madali itong gawan ng design nang hindi basta nasisira ang materyales. Hindi tulad sa ibang typical ribbon na hanggang pambalot lang ng regalo at hindi puwedeng ipang-design bilang ornament dahil madali lamang masisira.

4. IKONSIDERA ANG SIZE NG DÉCOR. Bukod sa klase at kulay, ikonsidera rin ang laki ng mga bibilhing dekorasyon. Ito ay dahil iniiwasan nating may masayang kapag hindi naman sakto ang mga ito. Kaya naman bago pumunta sa Divisoria o saanmang pamilihan, make sure na may plano at listahan na kayo, at hindi ‘yun doon pa lang kayo magdedesisyon.

5. BUMILI NG CHRISTMAS LIGHTS NA MAY ICC STICKER. Gusto nating lahat ng safe na pagdiriwang ng Pasko. At dahil marami sa atin ang nagde-decorate ng Christmas lights, bago bumili ay siguraduhin munang legal at ligtas ito. Upang makasigurado, piliin ang may ICC o Import Commodity Clearance sticker dahil ibig sabihin, ang produktong ito ay nasubukan o tested ng Bureau of Philippine Standards.

Papalapit na talaga nang papalapit ang ‘ika nga, ‘most awaited season of the year’. ‘Wag ka ma-guilty kung nae-excite o ‘extra’ ang iyong ganap kahit pa may pandemya, oks lang mag-decorate lalo na kung magiging masaya ang inyong pamilya dahil d’yan.

Marahil, ang kasalukuyang taon ang isa sa mga pinaka-kakaibang pagdiriwang ng Pasko na mararanasan nating lahat. ‘Wag sana nitong maapektuhan ang tunay na diwa ng okasyong ito para sa atin. Gets mo?