Dating member ng Sistar... Hyolyn, nag-photoshoot sa sari-sari store, Pinoy fans proud

ni Eli San Miguel @Entertainment News | August 7, 2024

Photo: Hyolyn / IG

Naging iconic ang sari-sari store aesthetic matapos itong gawin ng K-Pop star na si Hyolyn.

Sa mga litrato na ipinost sa kanyang Instagram, makikita si Hyolyn na naka-pose na may sari-sari store sa background.

Nagsuot ang singer ng dilaw na cover-up sa ibabaw ng teal na bikini. Umupo rin si Hyolyn sa isang monobloc stool, at tampok sa kanyang background ang mga sikat na produktong Pinoy at gulay.

Ayon sa caption ni Hyolyn sa Instagram, ang photoshoot na ito ay ginawa para i-promote ang kanyang upcoming single na “Wait,” na ilalabas sa Agosto 12.

Nagpiyesta ang mga Pinoy fans sa comment section sa pamamagitan ng mga funny comments.

“Uy! Pilipins, hahahaha whoever’s tindahan is this is so lucky to feature Hyolyn!” saad sa comment na may higit sa 1,200 likes sa kasalukuyan.

“Ate, pabili pong banana ketchup,” biro pa ng isang Pinoy fan.

Sa ngayon, may higit sa 172,000 na ang likes ng post at higit sa 4,800 comments.

Si Hyolyn ay naging miyembro ng K-Pop girl group na Sistar at ng subunit nitong Sistar19 hanggang sa kanilang disbandment noong 2017. Itinatag niya naman ang record label na Brid3, at opisyal na nagtrabaho kasama ang label noong 2018.

Kim Ji-won, na-challenge sa Queen of Tears

ni Eli San Miguel @Entertainment News | August 4, 2024

Photo: Kim Ji-won / IG

Kasalukuyang nagrereyna ang aktres na si Kim Ji-won sa mundo ng K-Drama dahil sa kanyang mga agaw-pansing papel, kabilang ang kanyang tanyag na pagganap kasama si Kim Soo-hyun sa hit South Korean drama na "Queen of Tears."

Ayon kay Ji-won, isa sa kanyang pinakamahirap na proyekto ang "Queen of Tears," na nanguna sa viewership record sa maagang bahagi ng kasalukuyang taon.

"One of the most challenging projects lately probably would have to be 'Queen of Tears,'” aniya sa pamamagitan ng interpreter sa press conference nitong Sabado na inorganisa ng PULP Live World bago ang kanyang “Be My One” fan meet sa New Frontier Theater sa Quezon City.

Nagsimula ang matiyagang preparasyon ni Ji-won bilang isang karakter na mayamang tagapagmana na may taning ang buhay at masalimuot na kasal sa serye, na naging highest-rated tvN drama at tumalo sa “Crash Landing On You.”

Tulad ng dati, naglaan siya ng maraming pagsisikap sa pag-aaral ng script at pakikipagtulungan sa kanyang direktor.

“When I got the script around three months prior to my filming of the drama, I really studied it every day. And not only that, actually, I had to meet the directors, talk to them," pahayag niya.

"And when we were doing the script reading with my co-actors and actresses, I felt (it was) a lot easier to understand and relate and portray my character very well. So that's what I do. I really study my script," dagdag pa niya.

Samantala, walang ibinigay si Ji-won na kumpirmasyon o pagbanggit ng mga bagong proyekto o kolaborasyon, dahil sinabi niya na nakatuon siya sa pagtatapos ng kanyang international fan meeting tour.

Sandara, naglabas ng concert teaser ng 2NE1

ni Eli San Miguel @K-Buzz | August 2, 2024

Photo: Sandara Park / IG

Naghahanda na ang legendary 2nd generation K-Pop group na 2NE1 para sa kanilang grand comeback.

Sa Instagram, nagbigay si Sandara Park ng matinding excitement sa fans matapos siyang mag-upload ng 37-second video teaser para sa kanilang upcoming concert sa Seoul.

Bukod sa mga clip ng kanilang mga pagtatanghal noon, kasama rin sa teaser ang mga detalye ng concert, tulad ng ticket sale sa Agosto 5 sa ganap na alas-8 ng gabi (KST).

Gaganapin ang concert sa Seoul sa Oktubre 5 at 6 sa Olympic Park Olympic Hall.

Pagkatapos ng kanilang mga shows sa Seoul, pupunta naman sila sa Osaka sa Nobyembre at Tokyo sa Disyembre. Magpapatuloy ang tour hanggang 2025.

Noong Mayo, matatandaang nagsama-sama muli ang 2NE1 para sa isang photoshoot bilang pagdiriwang ng kanilang 15th debut anniversary.

Nag-disband ang grupo noong 2016 at umalis sa YG Entertainment, ngunit nagkaroon sila ng ilang mini-reunions sa mga nakaraang taon.

Ang 2NE1 ay binubuo nina CL, Bom, Dara, at Minzy