Dokumentaryo tungkol kay RM ng BTS, may world premiere sa 2024 BIFF

by Eli San Miguel @K-Buzz | September 4, 2024

Ilalabas ang kauna-unahang dokumentaryo tungkol sa lider ng BTS na si RM, sa ika-29 Busan International Film Festival (BIFF), na gaganapin mula Oktubre 2 hanggang 11 sa Busan, South Korea. Tinatalakay ng dokumentaryo na "RM: Right People, Wrong Place," na idinirek ni Lee Seokjun, ang walong buwan bago mag-enlist si RM sa military at ang paggawa ng kanyang pangalawang solo album na "Right Place, Wrong Person," na nagbibigay ng pasilip sa kanyang mga personal moments.

Ayon sa official website nito, “The documentary follows the journey of RM, the leader of 21st century pop icons BTS, as he explores his true self—both as Kim Namjoon the artist and as an individual. RM candidly confesses that he sometimes feels like an outsider in conventional settings (‘Right Place, Wrong Person’) and at other times feels out of place in unusual situations (‘Right Person, Wrong Place’).”

“He reflects on how honest he can be as both RM and Kim Namjoon, balancing gratitude for the attention he receives with the pressure and fear that come with his status. RM used the period between the release of his first solo album 'Indigo' and his enlistment to discover his true self, channeling his experiences and emotions into his second solo album. In capturingRM’s creative process for ‘Right Place, Wrong Person,’ the documentary provides profound insight into his authentic journey of introspection,” saad pa dito. Ngayong taon, opisyal na inimbitahan ng BIFF ang 224 pelikula mula sa 63 bansa, kabilang ang 99 pelikula para sa world premiere at international premiere.

HORI7ON, magko-concert uli sa Manila

ni Eli San Miguel @Entertainment News | September 2, 2024

Inanunsiyo ng HORI7ON, isang global group na binubuo ng mga Filipino na nakabase sa South Korea, ang pagdaraos ng kanilang pangalawang concert sa Manila sa darating na Nobyembre.

Gaganapin nila ang 2024 HORI7ON Concert sa Manila na pinamagatang "Daytour: Anchor High" sa Nobyembre 3, 6 p.m., sa SM Mall of Asia Arena.

“Attendance check! HORI7ON is inviting you to enroll with them at HORI7ON HIGH for their second concert to be held at SM Mall of Asia Arena this coming November 3rd! More details about the concert will be revealed soon so get ready to take notes,” ayon sa kanilang anunsiyo sa X. Ito ang magiging pangalawang concert nila sa Manila sa loob ng mahigit isang taon.

Ang HORI7ON, na binubuo nina Vinci, Kim, Kyler, Reyster, Winston, Jeromy, at Marcus, ay nag-debut sa South Korea sa ilalim ng MLD Entertainment noong Hulyo 2023.

Noong Setyembre 9 ng nakaraang taon, ginanap nila ang kanilang "HORI7ON 1st Concert: Friend-SHIP [Voyage To Manila]" sa Araneta Coliseum. Matatandaang inilabas nila noong nakaraang buwan ang kanilang version ng kantang “Sumayaw Sumunod" mula sa Filipino band na Boyfriends noong 1978.

‘Kill This Love’ ng BLACKPINK, may 2B views na sa YouTube

ni Angela Fernando @Entertainment News | September 1, 2024

Nakamit ng K-Pop girl group na BLACKPINK ang isa na namang tagumpay nang umabot sa dalawang bilyong views sa YouTube ang kanilang music video na “Kill This Love.”

Naabot ng “Kill This Love” music video ang dalawang bilyong views noong Agosto 31, limang taon at limang buwan mula nang ito ay ilabas noong Abril 5, 2019.

Bago ito, umabot na rin sa isang bilyong views ang “Kill This Love” noong Setyembre 2, 2020, halos 17 buwan mula nang ito ay inilabas.

Dahil dito, naging unang K-Pop artist ang BLACKPINK na may dalawang music video na may tig-dalawang bilyong views.

Nauna nang umabot ang kanilang music video na "DDU-DU DDU-DU" sa dalawang bilyong views sa YouTube noong Enero 4 ng nakaraang taon, na naging unang K-Pop music video na nakamit ang ganitong tagumpay.

Sa kasalukuyan, hawak pa rin ng BLACKPINK ang record bilang may pinakamaraming subscribers sa official artist channel sa YouTube sa buong mundo, na may 94.7 milyong subscribers.