Korean Actress na si Oh In Hye, 36, pumanaw na

ni Thea Janica Teh | September 15, 2020

Pumanaw na ngayong Martes, Setyembre 15, ang Korean actress na si Oh In Hye, ayon sa Allkpop.

Sa inilabas na report ng Dispatch, isang K-pop culture website, sinabing nakitaan ito na makare-recover dahil bumalik ang paghinga at pulse rate ngunit hindi na ito nagising.

Naglabas na rin ang Soompi tungkol sa burol ng aktres sa Inha University Hospital.

Anila, “The late Oh In Hye’s funeral visitation has been arranged at our hospital.”

Sa imbestigasyon ng Incheon Yeonsu Police Station at Incheon Songdo Fire Station, naabutan ng mga ito ang 36-anyos na aktres bandang alas-5 ng umaga na inaatake sa puso sa bahay nito sa Songdo International Business District sa Incheon.

Ayon pa sa isang kaibigan ng aktres, tumawag na ito sa pulis dahil hindi umano sila sinasagot ni Oh In Hye.

Sa ngayon ay wala pang inilalabas na iba pang detalye ngunit, may mga lumalabas na espekulasyon na nag-suicide ang aktres.

Nakilala si Oh In Hye sa mga palabas tulad ng The Plan, Wish Taxi, No Breathing at marami pang iba.

South Korean actress Oh In Hye, nakaligtas sa cardiac arrest

ni Lolet Abania | September 14, 2020

Ligtas na sa kamatayan ang South Korean actress na si Oh In Hye matapos matagpuang walang malay sa kanyang tirahan at madala agad sa ospital.

Sa report na ibinigay ng K-entertainment website na Soompi, mula sa Incheon Yeonsu Police Station at Incheon Songdo Fire Station, natagpuan ang aktres na diumano'y na-cardiac arrest sa bahay nito sa Incheon bandang alas-5 ng umaga (oras sa KST) ngayong Lunes.

"Emergency procedures like CPR were immediately performed on the South Korean actress and she was taken to a hospital nearby," ayon sa report.

Gayunman, pahayag ng Incheon Yeonsu Police Station sa MK Sports, naibalik na sa normal ang tibok ng puso at pulso ng aktres.

“Oh In Hye’s pulse and breathing have returned,” sabi ni U. Kim sa Soompi, subali't wala pa rin itong malay.

Dagdag ng Soompi, isang kaibigan ni Oh In Hye ang tumawag sa naturang pulisya dahil sa hindi nila matagpuan ang aktres.

Gayundin, iniulat ng All K-pop ang nangyari sa kanya. Ayon sa source, may espekulasyong nagtangkang mag-suicide ang aktres subali't wala pang ibinibigay na detalye tungkol dito.

Magpapatuloy ang imbestigasyon ng pulisya sa nangyari kay Oh In Hye kapag nagkamalay na ito.

Samantala, nagbida si Oh In Hye sa mga palabas na "The Plan," "Wish Taxi," at "No Breathing."

‘The King’ at ‘Camellia’ actor Heo Dong Won, nagpositibo sa test sa COVID-19

ni Lolet Abania | August 20, 2020

Nagpositibo ang ‘The King’ at ‘Camellia’ actor na si Heo Dong Won sa test sa coronavirus o COVID-19.

Ayon sa eksklusibong report ng SPOTV, natanggap ni Heo Dong Won na positive diagnosis ang resulta ng test niya para sa coronavirus, kung saan nagkaroon siya ng closed contact kay Seo Sung Jong. Parehong lalabas sa show na ‘Jjambbong’ ang dalawa.

Gayunman, matapos ang positive diagnosis ni Won, agad siyang inilagay sa separate location upang i-self-isolate. Nai-tranfer na rin si Won sa Korea Centers for Disease Control and Prevention para sa karagdagang examination. Si Won ang ikalawang aktor na kumpirmadong tinamaan ng virus.

Kasama rin si Heo Dong Won sa cast ng upcoming KBS drama na ‘Do Do Sol Sol La La Sol’, kung saan suspendido na ang filming dahil sa ang ilang staff nito ay unang nakasama ni Seo Sung Jong.

Narito ang opisyal na pahayag mula ng agency ni Heo Dong Won, “Hello, this is Ace Factory. Actor Heo Dong Won received a positive result from his Coronavirus test.

“A member of the play Jjambbong was confirmed to have the Coronavirus and Heo Dong Won was told by the KCDC that he was a contact of the member, and was self isolating after undergoing the Coronavirus test.

“His test was confirmed to be positive, and he is being transferred to the KCDC for re-examination.

“Heo Dong Won was part of the cast of Do Do Sol Sol La La Sol and immediately informed the drama about his test so they could follow up, and also shared his positive result with them.

“His manager also took the Coronavirus test, and his results were negative.

“He will continue to follow the instructions of the KCDC,” ayon sa Ace Factory.

Samantala, si Heo Dong Won ang gumanap na Detective Shim sa ‘The King: Eternal Monarch.’