SANDARA, NAKIKIPAG-BREAK SA BF BAGO PA KUMALAT ANG SCANDAL

ni Vinia Vivar - @Frankly Speaking | October 12, 2022

Sa edad niyang 37 ay hindi pa pala nakakaranas si Sandara Park ng long-term relationship. Ito ang ini-reveal niya nang mag-guest siya sa Korean variety show na Problem Child in House recently.

Ang dahilan ay mahigpit na ipinagbabawal ito ng kanyang dating management agency.

“I had a ‘good kid’ complex, so if they said ‘No dating’ then I didn’t do it,” she said.

“Even if men came to see me (at my dorm), I’d turn them away saying I’d get in trouble. I’d say, ‘I think there are paparazzi in front of my house’ but they all said that no one was paying attention to me. After that, I’ve dated face-to-face but no one believes me,” paliwanag pa niya.

Nagkaroon naman daw siya ng relationship dahil later on ay pumayag na rin ang kanyang management. Pero ang maganda kay Sandara, hindi siya na-involve talaga sa dating scandal na isa rin talaga sa mga iniiwasan ng mga artista sa South Korea.

“Well, it’s because I always break up before our photos are ever taken. I break up before any rumors start to spread. That’s why. I’ve never dated anyone for that long,” paliwanag pa ng dating member ng South Korean girl group na 2NE1.

Pero ngayon daw ay ready na siya for a long-term relationship dahil nga 37 na rin naman siya.

“Now, I want a long-term relationship. I’ve moved out on my own, my situation’s better, and I’ve become more mature,” sey ng dalaga na minsan ding sumikat dito sa Pilipinas.

BTS economic impact... Concert revenue, umabot sa 162 million US dollars!

ni Zel Fernandez | April 22, 2022

Earlier this month, apat na concerts na ang nagawa ng K-Pop sensation boy band group BTS sa Las Vegas, na nagkaroon umano ng malaking economic impact sa US city.

Batay sa report na inilabas ng Arirang News, sa kabila ng kasalukuyang pandemic crisis, umabot pa sa mahigit 200K fans ang um-attend sa mga nagdaang BTS concerts, in person.

Base sa mga industry officials, sa concert ticket sales pa lamang ng Bangtan Boys (known BTS) ay umabot na ng 32 million US dollars ang revenue.

After namang maisama ang accommodation at iba pang goods and services na nai-purchase ng mga fans na nag-stay sa Las Vegas, ang overall economic impact ng BTS concerts ay tinatayang aabot sa mahigit 162 million dollars.

Pero paano naman daw kaya kapag ang mga concerts na ito ay ginanap sa South Korea, ngayong ang mga travel restrictions at social distancing measures ay sinimulan nang ibaba?

Ayon sa mga researchers sa Korea Culture and Tourism Institute nitong Wednesday, kung ang BTS ay magko-concert nang mayroong 65K fans sa Korea, habang mayroong million fans na manonood, online, ang total spending ay maaaring maging katumbas ng 600 million dollars, habang ang economic impact nito ay posible pang maging mas mataas sa 990 million US dollars.

Ang mga nabanggit na figures ay base umano sa economic impact ng mga nakaraang BTS concerts sa Los Angeles at Seoul, kasunod ng naging epekto ng pagtanggal sa COVID-19 restrictions.

Noong 2019 nang mag-concert ang BTS sa Seoul, South Korea bago mag-pandemic, ang mga nearby hotels ay sinasabing napuno ng mga fans. At sa pag-attend ng mga fans sa kanilang concert sa Los Angeles, over 70% ng audience ay galing umano sa labas ng siyudad.

Ang BTS sa kasalukuyan ay isa lamang sa mga maituturing na pinakasikat na K-Pop boy band groups sa South Korea na nabuo noong 2010 at unang nag-perform in public taong 2013 sa ilalim ng Big Hit Entertainment. Kabilang sa septet ay ang mga members nitong sina Jin, Suga, J-Hope, RM, Jimin, V, at Jungkook.

Giit ng mga institute researchers, ang mga K-Pop concerts ay maaaring magkaroon ng mabuting epekto sa domestic economy. Anila, ipinakikita lamang nito na mahalagang i-facilitate ang growth in culture at travel industries sa pamamagitan ng K-Pop.

After ng 2NE1, sigaw ng K-Pop Fans: Girls' Generation, next!

ni Zel Fernandez | April 19, 2022

Ginulat ng 2NE1 K-Pop girl group ang kanilang mga fans matapos ang naging performance nito sa Coachella, kamakailan, sa isang music festival.

Kinabibilangan ng Star Circle Quest contestant noong 2004 na si Sandara Park, sorpresang lumitaw ang girl group sa set ng kanilang former leader na si Lee Chae-rin, known by her stage name CL, with their performance of 2011 hit song I Am The Best.

Hindi magkamayaw sa pagsabay sa veteran K-Pop girl group ang mga fanatics na talaga namang gumawa ng ingay sa social media dahil sa nostalgic feeling na hatid ng muling pagsasama-sama ng quartet.

Matapos maging trending topic ang 2NE1, humirit ang K-Pop fans na magkaroon din ng fresh appearance ang eight-member group na Girls' Generation (SNSD) na kilala bilang 'one of the industry's biggest names' at tinaguriang "Nation's Girl Group" ng South Korea.

Although, wala pang announcement ng kanilang reunion ang Girls' Generation, very hopeful ang mga K-Pop fans na muling makita on stage sina Taeyon, Sunny, Tiffany, Hyoyeon, Yuri, Sooyoung, Yoona, at Seohyun para sa isang on fire performance.

If made possible, for sure na magwawala na naman ang ating mga solid K-Pop fanatics!