Rosé ng BLACKPINK, nasa Atlantic Records na

ni Eli San Miguel @Overseas News | Sep. 28, 2024

Isa na ngayong artist sa ilalim ng Atlantic Records si Rosé ng K-pop group na BLACKPINK. Inanunsiyo ng singer ang balita sa kanyang mga “number ones” sa isang Instagram post, kung saan ipinakita niya ang mga larawan ng isang rose bouquet, at kasama rin ang kanyang team.

“I know you’ve all waited sooo long for this moment, but I hope you’re READY for what’s in store for the next few months!!” ani Rosé sa caption.

“I CANNOTTT wait for you all to hear everything. So hang on tight!! Miss you all dearly," dagdag pa niya. Gumawa rin si Rosé ng bagong Instagram account na may handle na @vampirehollie, para makakuha ang mga fans ng quick update at mga cute moments mula sa team.

Ang Atlantic Records ay isang American record label na nagma-manage sa mga artists tulad nina Bruno Mars, Coldplay, Lizzo, Sia, at marami pang iba. Noong Hunyo, pumirma si Rosé sa The Black Label, na nasa ilalim ng YG Entertainment, para sa kanyang solo project. Si Rosé ang nag-iisang miyembro ng Blackpink na hindi naglunsad ng sariling record label.

Jaehyun ng NCT, papasok na sa military sa Nobyembre

ni Eli San Miguel @K-Buzz | Sep. 26, 2024

Papasok na sa military si Jaehyun, miyembro ng K-pop boy band na NCT at unit nito na NCT 127. Inaasahan ang pagpasok ng 27-anyos na singer, bilang active duty soldier sa Nobyembre 4.

Matapos tapusin ang kanyang basic military training, siya ay magsisilbi sa Army Band. “NCT Jaehyun applied to the Army Band and received a notice of acceptance from the Military Manpower Administration today [Sept 26]. He will enlist as an active-duty soldier on November 4 and fulfill his military service obligation,” anunsiyo ng SM Entertainment ngayong Huwebes.

Ipinagpatuloy pa nito, “Since the day of his enlistment at the new recruit training center will be attended by many soldiers and their families, there will be no separate official event to prevent safety accidents due to the crowding on the site;” “Please continue to support and love Jaehyun until he completes his military service and returns in good health,” saad sa announcement.

Nag-debut si Jaehyun bilang singer noong 2016. Siya ang pangalawang miyembro ng NCT na mag-e-enlist, kasunod ni Taeyong na nagsimula ng kanyang serbisyong militar noong Abril at kasalukuyang nagsisilbi bilang miyembro ng Navy Band. Inaasahang madi-discharge si Jaehyun sa Mayo 3, 2026.

K-pop boy group na Seventeen, balik-'Pinas sa 2025

ni Angela Fernando @K-Buzz | Sep. 25, 2024

Babalik uli sa 'Pinas ang kilalang Korean boy group na Seventeen sa Enero 2025 para sa kanilang “Right Here” World Tour. Inanunsiyo ng K-pop boy group sa kanilang WeVerse account ang patungkol sa gaganapin nilang concert sa bansa na gagawin sa Bulacan mula Enero 18 hanggang 19, 2025.

Wala pang karagdagang detalye ukol sa venue at ticketing na kinukumpirma. Matatandaang nu'ng Hulyo, sinabi ng Seventeen na nalalapit na ang world tour nilang pinamagatang "Right Here," na magsisimula sa Oktubre sa South Korea at magkakaroon ng mga stops sa Asya at United States.

Naghahanda rin ang grupo para sa kanilang comeback sa susunod na buwan kung kailan ilalabas ang ika-12 mini album nilang “I Felt Helpless.”