Magkasama sa Japan… JANINE AT ECHO, 'BUBBA' ANG TAWAGAN, BUKING NA MAGDYOWA NA

ni Julie Bonifacio @Winner | Dec. 3, 2024

Photo: Janine Guetierrez at Jericho Rosales - IG

"Action speaks louder than words" ang galawan nina Jericho Rosales at Janine Gutierrez. 

Magkasama ang dalawa sa mga bida ng Lavender Fields (LF) na nagpunta sa Japan recently. Mapapanood ang naganap sa trip sa Japan nina Jericho at Janine sa YouTube (YT) channel ng eldest child nina Ramon Christopher at Lotlot de Leon.

Pinamagatan ni Janine ang kanyang vlog na, “What We Ate In Japan,” kasama si Echo.

Sa caption ay ito ang inilagay ni Janine, “I’m baaaaack! And (by popular demand) I have a special guest. Hehehe! Here’s a short and sweet vlog about what we ate during my last trip to Japan for the Tokyo International Film Festival (TIFF). Hope you enjoy more candid and chill videos like this!”

Ishinare ni Janine ang mga kinain nila ni Echo sa Tokyo, Japan.

Sa video ay mapapansin ang pagiging komportable at sobrang ka-sweet-an ng dalawa. And take note, tinawag ni Echo ng “Bubba” si Janine sa video, ha?

‘Di ba ang “Bubba” ay term of endearment ng mga magdyowa?

So, magdyowa na talaga sina Janine at Echo.

‘Yan din ang reaksiyon ng mga netizens sa tawag ni Echo kay Janine na “Bubba”.

Sey ng mga netizens:

“Confirmed na talaga sila, dasal namin na sana, magtagal ang relasyon ninyo at mauwi sa kasalan.”

“Bubba (with red heart emoji).”

“‘Yan si Echo, loud and proud ‘pag mahal ang girl, ‘di ide-DENY.”

‘Yun na!

---

Gunulantang ng Magic Voyz ang audience sa kanilang latest show sa Viva Café last Friday.

Opening number pa lang ay may pasilip na sila ng kanilang white underwear, but it was done naman in good taste. 

And then, nagpamalas ng kanilang angas sa pagkanta at pagsasayaw ang Magic Voyz with a live band. Habang sila’y nagpe-perform, isa-isa namang ipinapakita sa big screen ang kanilang mga mukha at pangalan. 

Meron ding short video ang mga members kung saan ikinukuwento nila ang kanilang background, kaya mas nakilala sila nang personal ng audience. 

Ayon pa sa grupo, pinag-iisipan daw nila ang bawat segment ng kanilang show. Pero concept din daw ng kanilang manager na si Lito de Guzman ang pagkakaroon ng banda para live silang kakanta sa show.

“Every concert po, pa-upgrade nang pa-upgrade kami,” say ni Johan Shane.

Like now, may dalawa na agad silang kanta, ang 'Wag Mo Akong Titigan at Bintana.

Nakatakda ring ilunsad ang pangatlo nilang kanta titled Tampo.

Wish din daw nilang makapag-perform sa malaking venue tulad ng Araneta Coliseum.

Tsika ni Jace Ramos, “Balita ko, next na ang Araneta. Nangangarap lang po. Libre naman po ang mangarap.”

Ibinida naman nila na naghahanda na sila sa pagsabak sa mas malaking entablado sa Music Museum sa susunod na taon.

Mas matindi rin daw ang magiging pasabog nila sa nasabing show kung sakali.

“Siguro, mas hot and intense,” proud na sabi ni Jhon Mark Marcia.

May nagsasabi na ang Magic Voyz na ang bagong Masculados na isang all-male group na nakilala nu’ng dekada ‘90.

“Idol po namin ang Masculados pero gusto po naming makilala sa sarili naming identity,” banggit ni Mhack Morales.

Open din daw silang mag-perform sa provincial tours at maging sa political sorties.

Sa Magic Voyz: The Repeat, tampok din ang mga naggagagandahang sex sirens na sina

Marianne Saint, Krista Miller, Yda Manzano, Megan Marie at Ram Castillo. Kasama ring nag-perform ang Jo and D Holy Notes.

Ang Magic Voyz ay binubuo nina Jhon Mark Marcia, Juan Paulo Calma, Mhack Morales, Rave Obado, Jace Ramos, Ian Briones , Asher Diaz at Johan Shane.

Madir ni Daniel, kaya super happy… KARLA: LOLA NA AKO!

ni Julie Bonifacio @Winner | Dec. 2, 2024

Photo: Karla Estrada - IG

Inamin ni Karla Estrada na masayang-masaya ang puso niya ngayon.

Hindi lingid sa marami ang kinahinatnan ng relasyon niya sa ex-boyfriend na si Jam Ignacio na engaged na sa kanyang non-showbiz girlfriend ngayon.

“I’m okay,” nakangiting sabi ni Karla. 

Aniya, “Sobrang saya ko. Kasi, I’m a lola now. Si Carlito, my second son, nagsilang na ang kanyang wife. Lalaki, his name is Claudio. November 12 s’ya ipinanganak. So, magti-three weeks, wala pang isang buwan.”

Ano'ng feeling ng isang lola now? 

Sagot niya, “Hindi ko pa maramdaman ‘no dahil alam mo naman, na-rock and roll tayo.

Pero siyempre, parang bunsong kapatid ‘yung feeling.

“Kasi ang aga ko, eh, ang aga kong nagka-anak kay Carlito, I was only 20. So, expected natin ‘yan ‘pag maagang nagkaanak, maagang magiging lola.”

Abala si Karla sa pangangampanya ngayon at mas magiging abala pa next year. 

Siya kasi ang endorser ng Tingog Partylist at ito ang dahilan kaya raw siya nagpaalam sa programa niya sa TV5.

“Bawal kasing mag-appear sa kahit saang show ‘pag magka-campaign ka. Eh, as an endorser of Tingog Partylist, so, kailangan nating mag-focus. Dahil sa partylist, as we all know, national kasi,” esplika ni Karla.

Isasama ba niya si Daniel sa campaign?

“‘Yan ang ‘di ko pa masasagot,” sambit ni Karla.

After election daw ay babalik din siya sa pagho-host sa television. And this time, babalik daw siya sa ABS-CBN.

Sey niya, “Tawid-tawid lang, tutal ganu’n naman. Pero, ngayon sa gagawin ko, for public service, baka mag-focus na lang talaga muna ako. Hahayaan ko na lang ‘yung mga anak ko rito sa industriyang inumpisahan natin.”

But for now, sa public service raw muna siya magko-concentrate.

Pahayag niya, “Oo, public service tayo para marami ang matutulungan. Matagal ko nang gusto talaga ang public service, ‘di ba? Alam n’yo naman ‘yun. 

“Pero eto kasi, nabigyan ako ng pagkakataon, mas marami talaga ang natutulungan. At uh, I’m really, really very happy kung nasaan ako ngayon, with my Tingog Partylist, they are all from Leyte, they’re all from Tacloban City. Mga kaibigan ko talaga sila, especially Martin Romualdez.”

Lastly, we asked Karla Estrada kung bakit 'di siya ang kinuhang nominee ng Tingog Partylist?

“Uhm, marami kaming… may dynamics kasi, maraming planning ‘yan. Ang importante, magkakasama kami, magkakaibigan,” sagot niya.

---

IKAKASAL na ang first apo ng comedian-TV host na si Joey de Leon na si Javi de Leon ngayong December 2 sa kanyang non-showbiz girlfriend na si Wilma Diaz.

Anak si Javi ng eldest daughter nina Joey de Leon at Daria Ramirez na si Cheenee de Leon. 

Si Javi rin ang unang apo ni Joey na ikakasal. So, expect na ang malaking wedding na magaganap kina Javi at Wilma na gaganapin sa St. John Paul II Parish sa Eastwood City, Quezon City ngayong Lunes, 3 PM.

Pero wala raw principal sponsors na taga-showbiz. Sadyang intimate raw and more on family members ang invited. 

Gaya na lang sa mga sponsors, sina Ariel Villasanta, Jako de Leon at Keempee de Leon ang nasa line-up na mga kamag-anak din ni Javi.

Masaya raw na box office ang pelikula ng ex ni Daniel… "I'M VERY PROUD OF KATHRYN AND ALDEN" — KARLA

ni Julie Bonifacio @Winner | Dec. 1, 2024

Photo: Karla Estrada, KathDen - IG

Nagpahayag ng kanyang reaksiyon si Karla Estrada sa huge success ng pelikula nina Kathryn Bernardo at Alden Richards na Hello, Love, Again (HLA).

Pahayag nito, “Of course, lahat tayo masaya. Lagi naman nating sinasabi ‘yan, ‘di ba? ‘Pag magkakasama tayo sa industriya, dapat naghihilahan tayo pataas.

“Congratulations! I’m very happy. I’m very proud of Kathryn and Alden.” Pero hindi pa raw nako-congratulate ni Karla si Kathryn personally dahil hindi pa sila nagkikita uli ni Kathryn.

Nakausap namin si Karla sa red carpet ng grand mediacon ng inaabangan na action-drama series na Incognito. Bida ang anak niyang si Daniel Padilla sa bagong action series ng ABS-CBN’s  Star Creatives kasama nina Richard Gutierrez at Ian Veneracion sa direksiyon ni Lester Ong Pimentel.

Um-attend si Karla sa grand mediacon para suportahan si Daniel, pati na ang iba pang kasama ng kanyang anak sa bagong action series na mauunang mapanood sa Netflix on January 17 (Friday) at sa iWantTFC on January 18 (Saturday). And on January 20 (Monday), mapapanood ang Incognito sa Kapamilya Channel, TV5 and A2Z.

“Nandito ako for the entire cast of Incognito. Support siyempre natin sa bagong palabas, especially sa anak ko, kay Daniel,” ani Karla.

Posible raw magkaroon ng special guest appearance sa Incognito ang younger sister at anak ni Karla kay Mike Planas na si Carmela. 

“Oo, abangan natin,” nakangiting sabi ni Karla. 

Bilang ina, happy siyempre si Karla sa pagbabalik-serye ng kanyang anak na si Daniel. 

“Yes, actually, hindi lang ako ‘yung natuwa, lalo na si Daniel. Kasi, naging handa s’ya at ang tagal na nating pinaghahandaan ang isang aksiyon na palabas. Kasi ‘yan talaga actually ang halos hindi pa n’ya nagagawa. Nakagawa na s’ya ng drama, comedy and all.

“Eto kasi, all-out action. Happy s’ya with (his) Tito Ian, Richard Gutierrez and Baron Geisler. Kasi nakakahugot talaga s’ya, marami s’yang natutunan, ha, sa aksiyon.”

Wala rin daw silang problema sa billing ni Daniel with the other actors na kasama ng kanyang anak sa Incognito.

“Basta ang importante, ano ba’ng kaya mo’ng ibigay at ipakita. Okey na ‘yan, ‘di ba?”

Marami ang curious kung ano ang mga pinagkaabalahan ni Daniel after ng hiwalayan nila ni Kathryn, bukod sa pag-shoot ng Incognito sa Italy at sa El Nido, Palawan.

“Well, alam mo ‘yan, hindi naman mapakali sa buhay n’ya. Ang dami n’yang negosyong binuksan, ‘di ba, and workshop. Para ‘pag dumating ‘yung mga ganitong pagkakataon, ready ka. So, ready s’ya,” diin ni Karla.

After ng hiwalayan kay Kathryn… 

KARLA, KINUMPIRMANG WALA PANG GF SI

DANIEL 

Karla at Daniel - IG Karla Estrada

May pa-reveal pa si Karla sa amin na abangan si Daniel sa malaking pelikula nito next year, isang action film daw ito.

Nag-share rin si Karla ng kanyang naramdaman para sa anak na si Daniel nu’ng inisplitan ni Kathryn. 

Sey niya, “Alam mo, ang nanay ang unang nalulungkot ‘pag malungkot ang mga anak. ‘Pag may pinagdaraanan ang mga anak, mas gusto mong kunin na lang ang mga pinagdaraanan nila. 

“Pero, tuturuan din natin ang mga anak natin na bumangon mag-isa because it’s not gonna be forever na kasama natin sila, ‘di ba? Paano ‘pag mamaya, mawala na tayo? 

“So, tuturuan natin ang mga anak natin na tumibay ang mga buto nila.”

Namumuhay na raw independently si Daniel. 

“Lalaki ‘yan,” sabi ni Karla. 

“Actually, kahit ‘yung mga girls ko na anak, they’re very independent,” dagdag niya.

Paalis na si Karla sa red carpet pero naihabol namin ang tanong kung true ang balitang may bagong girlfriend na si Daniel Padilla.

“Hindi. Ikaw talaga,” say ni Karla Estrada sa amin.