Tips para maiwasan ang mabilis na pagtanda ng balat

ni Jersy L. Sanchez @Life & Style | April 24, 2023

Ngayong ‘digital age’, parte na ng araw-araw nating pamumuhay ang paggamit ng laptop o computer, smartphone at iba pang electric devices na mayroong blue light.

At dahil hindi maiwasan, nakakabahalang magdulot ito ng hindi magandang epekto sa ating katawan, partikular sa ating balat.

Bagama’t may mga pag-aaral at ebidensya na nagsasabing ang blue light exposure ay nakakasira sa ating pagtulog – kaya hindi inirerekomenda ang pag-scroll sa socmed before bed time – mas kumplikado umano ang epekto ng blue light sa balat.

At sa totoo lang, hindi natin matitiyak kung gaano karaming blue light exposure ang nakakapagpabilis ng pagtanda ng ating balat, pero hindi ibig sabihin nito na wala na tayong gagawin upang mapigilan ang skin aging.

Sa isang pag-aaral noong 2018 tungkol sa blue light at wrinkles, ang isang oras ng exposure sa blue light ay nakakapagdulot umano ng reactive oxygen species (ROS), na may kaugnayan sa premature aging ng balat.

Samantala, sa isang pag-aaral nito lamang taon, napag-alaman na may kaugnayan ang reactive oxygen species at skin damage, kung saan napabilis umano nito ang aging process. Gayunman, binigyang-diin ng mga eksperto na hindi pa nila alam ang ‘precise’ o tukoy na dahilan ng aging process.

Kaya naman, para maiwasan ang mabilis na aging process at maprotektahan ang inyong skin laban sa wrinkles at dark spots, narito ang ilang tips:

1. MATULOG. Ayon sa pag-aaral, bukod sa blue light, isa ring dahilan ng early aging ay ang poor sleep o kakulangan ng tulog. May isang pag-aaral na ang kakulangan ng tulog ay may malaking epekto sa mababang recovery ng skin barrier. Dahil dito, bagama’t hindi natin kontrolado kung gaano kahabang oras tayong nakatutok sa work computer, make sure na bawasan din ang oras ng panonood ng TV bago matulog upang mas mabilis na makarecover ang ating skin barrier at matulog nang maaga upang mas mabilis na maka-recover ang skin barrier.

2. SKIN CARE. Rekomendasyon ng experts, mag-apply ng antioxidant tulad ng Vitamin C serum, na nakakatulong sa pag-brighten at pag-neutralize ng environmental damage sa ating skin. Napakarami nang available na serums sa local drug store at sobrang affordable pa, kaya naman, kering-keri ‘yan ng budget.

3. MINERAL SUNSCREEN. Inirerekomenda rin ng mga eksperto na pumili ng mineral sunscreen na may kakayahang ma-block o harangan ang UV rays mula sa araw. For sure, alam nating na lahat na mahalagang mag-apply ng sunscreen kung lalabas ng bahay, pero knows n’yo ba na dapat pa ring gumamit nito kahit hindi tayo lalabas? Yes, besh, ‘yan ay dahil posible pa ring makaapekto ang sunlight sa skin kahit nasa loob ka, gayundin kung gagamit ka ng electronic devices tulad ng laptop o computer, cellphone, at TV.

Kung ginagawa mo na ang mga naturang tips, ipagpatuloy n’yo lang ang mga ito. Para naman sa mga ka-BULGAR na nagsisimulang alagaan ang kanilang balat laban sa mabilis na aging, make sure na gagawin n’yo ang mga nabanggit na rekomendasyon.

Gets mo?

No need ng gamot, besh! 5 paraan para mapababa ang blood pressure

ni Jersy L. Sanchez @Life & Style | April 16, 2023

Marami sa atin ang may hypertension o high blood.

Ang high blood pressure ay maaaring sanhi ng genetics, paninigarilyo, pagkakaroon ng diabetes at kakulangan sa physical activities tulad ng pag-e-ehersisyo.

Gayunman, ayon sa mga eksperto, maaaring tumaas ang risk ng heart attack at heart disease, kaya mahalaga na ma-maintain ito sa pamamagitan ng medication o lifestyle change.

Dahil dito, patuloy ang paalala ng mga eksperto na regular na magpa-checkup ng blood pressure upang ma-monitor ang level nito, gayundin upang mapayuhan ng mga dapat gawin para ma-maintain ang blood pressure.

Anu-ano naman ang mga natural na paraan para mapababa ang blood pressure nang walang iniinom na gamot?

1. MAG-EHERSISYO. Ayon sa mga eksperto, ang pag-e-ehersisyo o anumang pisikal na aktibidad ay nakakatulong na magpababa ng blood pressure kumpara sa maraming evidence-based medications. Dahil dito, inirerekomenda ng mga eksperto ang 30 minutong pag-e-ehersisyo nang tatlong beses sa isang linggo, kabilang ang warm-up at cool down. Ito ay makakapagpababa ng blood pressure sa loob ng ilang buwan. Ngunit paalala ng mga eksperto, hindi na kakailanganing mag-gym dahil sapat na ang paglalakad nang ilang minuto, gayundin ang mga simpleng exercise na epektib na pampapawis. Dagdag pa nila, kapag mas maraming aktibidad, mas mame-maintain ang blood pressure control.

2. MAGBAWAS NG TIMBANG. Ang 10 pounds ay malaking bagay na umano para sa blood pressure control kung ang isang tao ay overweight. Sa isang malaking pag-aaral tungkol sa high blood pressure, napag-alaman na ang pagbawas ng 4.5 pounds ay nagresulta sa pagbaba ng blood pressure. Sa lahat ng tao na na-monitor sa pag-aaral, 42% ang hindi na nakaranas ng hypertension matapos magbawas ng timbang.

3. BAWASAN ANG PAG-INOM NG ALAK. Sey ng experts, may kaugnayan ang pag-inom ng alak at blood pressure. Binigyang-diin ng eksperto na kapag ang isang tao ay umiinom ng dalawa hanggang tatlong baso ng alak kada araw, posibleng tumaas ang blood pressure. Dahil dito, inirerekomenda ang pagbabawas ng intake ng alcoholic drinks. Gayunman, ang binge drinking ay mayroon ding epekto sa blood pressure levels.

4. BAWASAN ANG SALT INTAKE. Knows n’yo ba na napag-alaman sa isang pag-aaral na isa rin umanong mabisang paraan para mabawasan ang hypertension ay ang pagbawas ng salt intake? Ayon sa mga eksperto, may mga tao na nakakaranas ng salt sensitivity, kung saan ang pagkonsumo ng sodium ay nakakapagpataas ng kanilang blood pressure kumpara sa mga average person. Para sa kanila, ang pagbawas ng salt intake ay may malaking epekto sa kanilang kalusugan.

5. DASH DIET. Ang Dietary Approaches to Stop Hypertension o DASH diet ay isang eating plan na nakapokus sa healthy food sources at limitado ang unhealthy food. Ayon sa mga eksperto, ang pagsunod sa DASH diet ay nagdudulot ng malaking pagbaba ng blood pressure. Gayundin, ito ay nakakatulong sa overall health. Ang DASH diet ay nagbabawas ng red meat consumption, pagkain ng maraming prutas, gulay at nuts.

Kung tutuusin, “basic” ang mga paraan na ito at for sure, kayang-kaya nating gawin kahit gaano pa tayo ka-busy.

Imagine, ang simpleng paglalakad nang ilang minuto kada araw at ilang beses na exercise kada linggo ay makakatulong upang mapababa ang ating blood pressure.

Kasabay ng mga hakbang na nabanggit, tiyaking regular kayong bumibisita sa inyong doktor upang ma-monitor ang inyong kalagayan at agad na malunasan ang inyong nararamdaman. Make sure rin na mayroon kayong healthy diet, okie?

Pakikinig ng music, nakakapagpababa ng bp, anxiety at epektib na immune system booster

ni Jersy L. Sanchez @Life & Style | March 5, 2023

Mahilig ka bang makinig ng music?

Bukod sa isa itong paraan para magrelaks, marami rin tayong beshie r’yan na nag-e-express ng kanilang thoughts at emotion sa pamamagitan nito.

Pero beshies, knows n’yo ba na marami pang benepisyo ang pakikinig music, partikular sa ating health? Oh, ha!

Kaya mahilig ka man sa music o hindi, narito ang health benefits ng pakikinig nito:

1. LESS PAIN. Bagama’t hindi tuluyang nawawala ang pain o sakit dahil sa music, mayroon itong positive distraction. Sey ng experts, ang pakikinig sa music ay nakaka-trigger ng pag-release ng dopamine, isang brain chemical na may kaugnayan sa feelings of pleasure, na may malaking ‘role’ sa pain regulation.

2. IMMUNE SYSTEM BOOSTER. Lumabas sa ilang pag-aaral na ang pakikinig ng music ay nakakatulong sa immune system sa pamamagitan ng pagpapataas ng activity ng mga natural killer cells. Ang mga cells na ito ay nakakatulong upang pigilan ang pagkalat ng mga impeksyon at tumors.

3. EASES ANXIETY. Sa isang pag-aaral noong 2021, ang music ay nakakatulong na mabawasan ang mga sintomas ng anxiety. Inihalimbawa ng mga eksperto ang anxiety ng hospitalized children kung saan sa pamamagitan ng pakikinig ng music, bumaba umano ang anxiety ng mga ito bago ang medical procedure.

4.LOWERS BLOOD PRESSURE. Dahil may calming effect sa nervous system ang music, maaari rin itong makatulong sa pagpapababa ng blood pressure. Sa pag-aaral na isinagawa noong 2020 sa 30 young adults na may risk ng high blood pressure. Kalahati ng mga kalahok ay nakinig sa piano at flute music nang 30 minuto kada araw sa loob ng limang araw, sa apat na linggo. Sa pagtatapos ng pag-aaral, ang mga ito ay nakaranas ng reductions in systolic blood pressure.

5. IMPROVES MOOD. Sa pamamagitan ng pag-promote ng feelings of nostalgia at relaxation habang nababawasan ang feelings of distress at depression, maaari ring mapaganda ng music ang iyong mood. Ayon sa mga eksperto, may iba’t ibang uri ng music-related activities na nakakapagbigay ng ganitong benepisyo tulad ng intentional music listening, pagtugtog ng instrumento, group singing at shared music listening tulad ng pag-attend ng concert.

6. PROMOTES BETTER SLEEP. Ayon sa mga eksperto, ang pakikinig ng music ay nakakatulong sa pag-regulate ng stress hormone na cortisol. Gayundin, nagsisilbi itong distraction upang maiwasan ang ‘troubling thoughts’. Sa isang pag-aaral kung saan inalam ang mga uri ng music na nakakatulong para magkaroon ng magandang tulog ang mga estudyante, napag-alaman na epektib ang mga music features na may mababang nota at mas malakas na bass, mabagal na tempo na may non-danceable rhythms, at mas sustained na musical notes.

7. BOOSTS CONCENTRATION, FOCUS AND MEMORY. Lumabas sa isang pag-aaral na ang pakikinig ng music ay nakakatulong sa concentration at pag-retain ng mga impormasyon. Gayunman, ang uri ng music na iyong pinakikinggan ay may ibang epekto dahil nilinaw ng mga eskperto na may ilang uri ng music na nagdudulot ng distraction at nakakaapekto sa concentration.

Wow! Hindi lang pala talaga basta nakakaganda ng mood ang pakikinig ng music dahil napakarami pa nitong benepisyo sa ating health.

Kaya ano pang hinihintay mo? Gora na at makinig ng music para maranasan ang mga benepisyong nabanggit. Okie?