top of page
Search

ni Jemuel C. Salterio @Talbog | Jan. 27, 2025





Bonggang emosyonal ang naging eksena sa panibagong episode ng Toni Talks (TT), hosted ng kumare nating si Toni Gonzaga-Soriano, matapos mag-open up si Mikee Morada tungkol sa ikatlong beses na pagkawala ng kanilang baby ni Alex Gonzaga.


Isang kuwento ng pagmamahal, pananampalataya, at pagtanggap ang binahagi ng celebrity couple, na kahit sa gitna ng napakahirap na pagsubok ay nananatiling matatag.


Sa episode, deretsahang tinanong ni Toni si Mikee kung ang ikatlong miscarriage na nangyari noong Disyembre 2024 ang pinakamabigat na pinagdaanan nila bilang mag-asawa.


“Now, itong third one na nangyari nu’ng December, ito ba ‘yung pinakamasakit?” tanong ni Toni.


Agad namang bumalik si Mikee sa naging journey nila ni Alex, na nag-umpisa bilang isang sorpresang regalo.


“Kami ni Catherine, nu’ng nalaman naming pregnant s’ya, kasi feeling namin nabuo ‘to nu’ng birthday ni Mommy Pinty sa Singapore. Hindi namin talaga akalain, wala talaga kaming plano,” ani Mikee.


Matapos ang masayang balita, agad silang nagpunta sa OB-GYN para masigurong okay ang kanilang baby. Sa umpisa ay smooth sailing ang lahat hanggang sa dumating ang balitang ‘blighted ovum’ ulit.


“Nu’ng nalaman namin na pregnant kami for the third time, nagpa-check up kami kaagad sa OB and okey naman. Tapos nag-decide kami na mag-iingat na talaga s’ya. The second week, okay pa ‘yung ultrasound, hanggang du’n sa pangatlong linggo eh sabi samin nu’ng doctor, ‘Nako, wala na namang laman. Blighted ovum ulit,’” dagdag pa ni Mikee.


Pero ang mag-asawa, keribels pa rin at pinili pa ring mag-seek ng 2nd opinion. At ito na nga ang plot twist na hindi nila inakala.


“Sakto, nag-text ‘yung OB, parang kinukulit s’ya, ‘Daan ka naman. Visit ka.’ Siguro, blessing ni Lord, naisip namin na, ‘Sige, pa-second opinion tayo dun.’ The week after, nagpunta kami. Pagdating namin du’n sa ultrasound na ‘yun, ‘yun na ‘yung pang-apat. May bata sa loob, may baby,” masayang kuwento ni Mikee.


Ang unang tibok ng puso ng kanilang baby ang naging highlight ng kanilang journey bilang soon-to-be parents.


“Naiyak ako nu’ng narinig ko ‘yung heartbeat. First time kong nakarinig ng heartbeat,” kuwento ni Mikee habang ipinakita ang larawan (from his cellphone) ng kanilang baby kay Toni.


Pero ang kasiyahan ay muling sinubok nang malaman nilang mababa ang tibok ng puso ng kanilang anak.


“Nalaman namin na mababa ‘yung heartbeat, nasa 65 lang. So that same day, pumunta kami sa hospital, triny namin habulin, baka ma-save pa ‘yung baby. Ginawa namin lahat,” emosyonal na sabi ni Mikee.


Hanggang noong Disyembre 28, dumating ang balita na muling nagpabagsak sa kanilang mundo.


“Nung dumating ‘yung December 28, nakita na namin ‘yung embryo, ‘yung baby pero wala na s’yang heartbeat,” malungkot na pahayag ni Mikee.


Pag-uwi sa bahay, doon nag-breakdown si Alex. Pero sa kabila ng lahat, patuloy siyang niyakap ni Mikee—isang simpleng paraan ng pagpaparamdam ng suporta at pagmamahal.


“Sabi sa ‘kin ni Alex, ‘’Pag umiiyak ako, basta yakapin mo lang ako, and I will be okay,’” sabi ni Mikee.


Sa panayam, kitang-kita rin ang paghanga ni Toni kay Mikee bilang asawa ni Alex.

“Kung paano magsalita, paano magmahal sa pamilya, at kung paano magmahal sa bayan, ‘yun ang nakita ni Alex sa ‘yo, pareho kasi kayo ni Daddy Bonoy in so many ways,” ani Toni.


Bumaha ng suporta mula sa mga netizens matapos nilang mapanood ang episode. Sa kabila ng mga pagsubok, ang kuwento ng mag-asawa ay nanatiling simbolo ng pag-asa para sa lahat ng dumadaan sa parehong sitwasyon.


Dasal ng isang netizen, “Crying while watching this episode… Lord, lsana po this 2025 ipagkaloob N’yo po sa kanila ‘yung pinag-pray nila na baby.” Ang kuwento nina Alex Gonzaga at Mikee Morada ay paalala na sa kabila ng sakit, may liwanag na naghihintay.


Ang kanilang pananampalataya at pagmamahal ay inspirasyon na ang lahat ng bagay ay may tamang panahon. Hanggang ngayon, nananatili silang prayerful at hopeful na

darating din ang araw na mabibiyayaan sila ng anak.


Push lang mga, day! Ang pangarap, kailanman hindi nawawala, kundi pinapatatag.

 
 

ni Jemuel C. Salterio @Talbog | Jan. 19, 2025





Mga Ka-BULGARians, ang OG na Concert King at Concert Queen ng Pilipinas na sina Martin Nievera at Pops Fernandez, muling magtatambal para sa isang engrandeng konsiyerto na magpapabuhay ng ating mga pusong sabik sa nostalgia. 


Titled Always & Forever (A&F), ang kanilang pinakabagong concert ay gaganapin sa SM Mall of Asia Arena (SM MOA).


First time nilang mag-headline ng show bilang tandem sa MOA Arena, pero teka, hindi ito ang unang beses nilang tumapak dito. Kung maaalala, noong 2013, kasama nila sina Ogie Alcasid at Regine Velasquez-Alcasid sa isang epic na concert dito rin sa venue na ito. Pero ngayon, sa kanilang dalawa na talaga ang spotlight!


Hindi lang basta isang gabi ng kanta’t tawanan ang hatid ng A&F. Isa itong selebrasyon ng kanilang dekadang legacy sa musika at ang kanilang kuwento bilang magkaibigan, dating magkasintahan, at ngayo’y partners-in-performance.


Siyempre, aabangan ang kanilang bagong duet ng kantang The Promise (I’ll Never Say Goodbye) na unang inamin ni Martin na inirekord niya para ipahayag ang nararamdaman niya noon para kay Pops. 

Clingy? Maybe! Suave? Definitely!


Pero mga ateng, hindi raw ito nag-work as intended, ha! Sa kabila nito, pinili nila ang kantang ito bilang theme ng kanilang show dahil gusto nilang i-capture ang essence ng A&F.

Ang totoo, mga nini, hindi naging madali ang pagsisimula ng kanilang partnership after their separation. 


Sey nga ni Martin, “It was awkward.” 


Pops, being the honest queen that she is, added, “There was so much discomfort and awkwardness.”


Pero hello, kahit super awkward nu’ng unang balik-tambalan nila, ginawa pa rin nila dahil sabi nga nila, “The show must go on!”


Ngayon, kung gaano ka-winner ang chemistry nila on stage, ganu’n din kalalim ang kanilang pagkakaibigan na nagsilbing pundasyon ng lahat ng ito. 


“Sanay na sanay na kami ni Martin sa kapaan. Martin and I can go on stage na tinginan lang, nagkakaintindihan na kami,” sabay natatawang pahayag ni Pipay.


Kilig overload din ang cutie moments nilang dalawa bilang bagong grandparents sa kanilang apo na si Finn, anak ng kanilang panganay na si Robin Nievera. 

Sey ni Pops, “Ang cute-cute niya. He’s so bait. He’s such a happy baby.”

Martin couldn’t agree more. 


Dagdag pa ni Pops, “Robin will bring him to our rehearsals and he really listens. He listens so much that he falls asleep. I guess the noise doesn’t really bother him. Maybe, that’s a sign he will also be into music someday.”


So, malamang sa malamang, baka future Concert King in the making din si Baby Finn!

Walang ka-effort-effort ang chemistry nina Martin and Pops on and off stage.


Kung tatanungin kung ano ang meron sila na wala sa ibang tambalan, Martin explained it best: “It’s the automatic chemistry. Hindi kami nagpu-put on. No script needed.” 


Totoo ‘to, mga ‘teh. ‘Yung tipong kahit walang peg o script, effortless pa rin ang kanilang mga performances.


Sey naman ni Pops, “Our chemistry is really different.” 


‘Yun na! Kaya naman walang duda, ang tambalan nila ay hindi basta-basta matitibag.


Nakakakilig ding isipin ang sinabi ni Pops nang tanungin sila kung ano ang magiging title ng isang duet na maglalarawan sa kanilang journey. 


Sey niya, What Love Is Now. Because love has different dimensions and has different stages. Martin and I, ang dami na naming pinagdaanan and we have remained as good friends.” Goosebumps, mga Ka-BULGARians, ‘di ba?


‘Yun na! Ambooolancia! #ChairmanNgChikahan


 
 

ni Jemuel C. Salterio @Talbog | Jan. 10, 2025





Bagong inspirasyon at bonggang pasabog ang dala ng pelikulang Nasaan Si Hesus? (NSH), isang adaptasyon ng hit stage musical na isinulat ng yumaong Nestor U. Torre. 


Pero bukod sa madamdaming kuwento nito, ang isa sa mga highlights ng upcoming film ay ang papel ni Geneva Cruz bilang isang singing nun. 


Yes, Mare! Hindi mo inakala, pero ang ating ageless diva, na palaging on fleek, ay bibida bilang madre sa pelikula!


First time ni Geneva na gumanap bilang madre, kaya naman sobrang excited siya. 

Aniya, “I’ve never done a musical in film. So I’m very excited to do this role now.” 


At kung na-curious ka sa story niya bilang halos madre sa totoong buhay, heto ang chika: bata pa lang siya, talagang gusto na niyang maging madre. 


“I’ve always wanted to be a nun. I had a crush when I was 12 years young. Pero later on, na-realize ko na hindi pala puwede mag-asawa ang mga madre, so medyo nalungkot ako when I realized that,” ani Geneva. 


Hay, ‘teh, sino ba naman ang hindi naloka sa ganitong realization, ‘di ba?


Hindi na nga siya natuloy maging madre dahil, well, life happened! Napaaga ang motherhood journey ni Geneva at nabuntis siya sa edad na 19. Pero alam mo, wala siyang pagsisisi sa pagiging isang ina. 


“I’m really happy as a mom. I also realized na hindi dapat naka-based sa lalaki ang happiness ko,” pagbabahagi niya. 


Ang ganitong wisdom ay talagang nakaka-good vibes, lalo na’t isinasabuhay niya ito bilang isang strong and empowered momshie.


Ang panganay niyang si Heaven ay 28 years old na ngayon at sumabak na rin sa music scene. Recently, magkasama sila ni Gloc-9 sa isang show sa US. Talagang mana sa ina, char! 


Samantala, ang kanyang daughter naman ay isang firecracker na gustong maging popstar at member ng girl group. 


“Grabe s’ya gumalaw. Basta, I’m sooo proud of her. Kung nakita n’yo ako sumayaw at gumalaw when I was with Smokey Mountain, double pa nu’n ang galaw ng daughter ko,” sabi pa ni Geneva. 


Ang sarap lang marinig na hindi lang siya ina, kundi proud na stage mom din!

Bukod sa pagiging hands-on mom, talagang picky si Geneva sa mga proyektong tinatanggap niya. Gusto niya kasing sigurado na worth it ang mga gagawin niya para sa kanyang pamilya at sa kanyang sariling legacy. 


“Namimili rin talaga ako ng mga pelikulang gagawin ko. Kasi parang hindi rin magugustuhan ng 28-year-old son ko,” ani Geneva. 


Kahit sa pagtanggap ng sexy roles, mindful siya. “Ayoko ma-typecast doing just that. It’s a compliment to still be considered to play sexy roles even at my age. Being sexy is just a look and an image just on stage,” dagdag niya. 


Oh, ‘di ba, beauty with brains talaga si Madam Geneva!


Sa pelikulang NSH, aabangan natin kung paano niya bibigyang-buhay ang isang madre na umaawit at nagdadala ng pag-asa sa mga tao sa gitna ng mga pagsubok. Isang inspirasyon si Geneva hindi lang bilang artista kundi bilang isang ina, anak, at babae na hindi natakot yakapin ang kanyang journey. 


At kung tatanungin mo siya kung nasaan si Hesus? Aba, nandiyan lang Siya sa puso ng ating ageless queen na walang kupas—sa loob at labas!


Makakasama ni Geneva sa pelikulang NSH sina Rachel Alejandro, Jeffrey Hidalgo, Marissa Sanchez, Rachelle Gabreza at marami pang iba. Ang director ay si Dennis Marasigan at ang creator-producer ay si Mrs. Lourdes “Bing” Pimentel.


So, mga Mare, abangan ang NSH sa Abril! Siguradong nakaka-touch, nakaka-empower, at may pasabog na lessons na mag-iiwan ng tatak sa ating lahat. Bongga, ‘di ba? ‘Yun na! Ambooolancia! #ChairmanNgChikahan #MaritesInChief #Talbog


 

Mga ateng, humawak na at sumandal na sa inyong mga silya kasi may pasabog na chika! Ang iconic na tambalang Zaijian Jaranilla at Xyriel Manabat na kinagiliwan natin noong mga junakis pa sila ay nagbabalik, at this time, mas fierce, mas mature, at mas bongga sa pelikulang Guryon.


Sa mga naglalakihang pakpak ng Blackfire Entertainment, lilipad ang tambalang ito sa big screen. Dahil sa Instagram (IG) post ng Star Magic, na-sight natin ang dalawa habang todo-pirmahan ng kontrata kasama ang direktor ng pelikula na si Lester Dimaranan. Siyempre, naka-fierce pose pa, mga ateng!


Throwback muna tayo, mga Sis! Kung naabutan mo sila noon, for sure kilig overload ka sa tambalan nila sa mga iconic teleserye tulad ng May Bukas Pa (MBP), Noah, at Ikaw Ay Pag-Ibig (IAP). Literal na child wonders ang peg nila noon! Pero fast forward tayo sa ngayon, aba, ibang level na ang glow up. Sa recent series na High Street (HS), sequel ng hit na Senior High (SH), pinatunayan nilang kaya nilang makipagsabayan bilang young adult stars.


Ano nga ba ang “Guryon”? Naku mga Mare! tahimik pa ang mga Marites tungkol sa plot ng pelikula, pero kung pagbabasehan ang title, mukhang may hugot itong tungkol sa mga pangarap na sinisikap abutin—parang guryon na lumilipad sa taas, gan’yan. Pero teka, baka naman may madilim na twist? O baka heart-wrenching love story? Ay naku, kahit ano pa ‘yan, mukhang isa na namang masterpiece ang ihahain nila sa atin.


Sina Zaijian at Xyriel ay parang ginto na mas kuminang habang tumatagal. Kung dati, mga cutie patootie lang sila na kinagigiliwan, ngayon, bigatin na sila at ready nang hamunin ang mas seryosong acting roles. Pero kahit pa seryoso na ang mga roles, siguradong may dalang kilig, iyak, at feels ang tambalan nila.


Hindi pa man natin alam ang full chika sa Guryon, isang bagay ang sigurado—ibang level ang anticipation! Kaya mga beks, markahan na ang kalendaryo, maghanda ng popcorn, at gawin nating trending ang #Guryon


Abangan ang bawat kembot ng updates at ilaban natin ang tambalang ito sa mga sinehan! ‘Yun na! Ambooolancia! #ChairmanNgChikahan #MaritesInChief #Talbog

 
 
RECOMMENDED
bottom of page