CONG. LITO, IBINULGAR KUNG BAKIT INILAGLAG SI ISKO PARA KAY PACQUIAO

ni Janiz Navida @Showbiz Special | Dec. 8, 2024

Photo: Lito Atienza, Manny Pacquiao at Isko Moreno - FB Lito Atienza

Si Pambansang Kamao-turned Sen. Manny Pacquiao ang sinuportahang pangulo ni Buhay Partylist Rep. Lito Atienza nang kumandidatong pangulo noong 2022 national elections. 

Pero aminado ang former Manila mayor na malapit din siya kay ex-Mayor Isko Moreno. In fact, ipinagmalaki niya sa amin nang makatsikahan namin siya a few days ago na siya mismo ang nag-train sa dating aktor-turned politician.

"Isko is a very good politician. Tanungin mo ako bakit ko alam? Ako rin ang nag-training d'yan, eh," all-smiles na sabi ni Cong. Lito.

Kaya ang tanong namin sa kanya, kung siya pala ang mentor ni Isko, bakit hindi niya ito sinuportahan nang tumakbong pangulo nu'ng 2022, instead, kumandidato siya bilang vice-president ni Pacquiao?

Prangkang sagot ni Cong. Lito, "Eh, tumakbo si Manny Pacquiao, eh. Sinabi ko naman sa kanya (Isko) 'yun. Sabi ko, 'Isko, ikaw ay first term mayor, tatlo ang term mo, tapusin mo 'yan. Gusto kitang tulungan pero 'di kita matutulungan, kasi tatakbo 'yung aking tinutulungan, si Manny Pacquiao.'"

Malaki ang bilib ni Cong. Lito kay Sen. Manny na nakilala niya nu'ng nag-uumpisa pa lang na boksingero ang Pambansang Kamao.

Papuri pa niya kay Pacquiao, "I tell  you and I still say now, if Manny Pacquiao have won, we would be very, very smiling today and we would have found the right leader."

Dagdag pa ng tatay ni Kim Atienza, blessed na raw tayong mga Pinoy sa natural resources, ang kailangan na lang natin ay tamang lider. 

"Kailangan, ispiritwal ang lider. Kailangan, meron ding kunsensiya," aniya.

Bakit hindi nakinig si Isko sa kanya at tumakbo pa ring pangulo nu'ng 2022?

Diretsong sagot ni Cong. Lito, "Mapusok pa siya noon. Kailangang makatikim ng hagupit ng tadhana (laughs)."   

Kung tatakbo uling pangulo si Sen. Manny Pacquiao sa 2028, susuportahan ba uli ni Cong. Lito Atienza?

"Not necessarily. Pag-iisipan nating mabuti kung ano'ng makakabuti para sa ating bansa, 'yan ang gagawin natin. Pero by the time nasa Kongreso kami, we will do our best to do everything we can as lawmakers to improve the quality of life," hirit pa ng kongresista na muling tatakbo bilang first nominee ng Buhay Partylist sa 2025 mid-term elections.

---

JOSE MARI CHAN, PINAPURIHAN NG FFCCCII

Taos-pusong nagpapasalamat ang Federation of Filipino Chinese Chambers of Commerce and Industry, Inc. (FFCCCII) sa renowned singer-songwriter at respetadong businessman na si Jose Mari L. Chan for his unwavering support sa various socio-civic charitable endeavors ng organisasyon.

Sa ginanap na gathering kamakailan sa pangunguna ni Dr. Cecilio K. Pedro, president of FFCCCII, pinapurihan nito ang malaking contribution ng tinaguriang Father of Christmas Songs sa kanilang mga charity works, highlighting the federation’s extensive network of 170 Filipino Chinese chambers and diverse industry organizations nationwide from Aparri to Tawi-Tawi. 

Malaki ang ginagampanan ng FFCCCII sa economic advocacy, calamity relief, free medical missions, at pagsuporta sa rural public schools, gayundin sa pagbibigay-tulong sa mga Filipino Chinese volunteer fire brigades na sumasaklolo sa mga biktima ng sunog at disasters sa iba't ibang bahagi ng bansa. 

Tulad na lang sa nakaraang anim na bagyong tumama sa 'Pinas, pinangunahan ng FFCCCII ang Filipino at Tsino Magkaibigan Foundation para mai-deliver ang mga emergency food relief supplies sa mga tinamaan ng bagyo sa Bicol region, pati ang mga flood-affected areas sa Metro Manila at iba pang lalawigan.

Jose Mari Chan and Dr. Cecilio Pedro reiterated the  longstanding commitment of the Filipino Chinese business community to assist fellow Filipinos affected by disasters and to uplift underprivileged communities across the nation.

Marami raw pinagdaraanan… VICE, UMAMING NAGPAPA-THERAPY DAHIL SA MENTAL HEALTH

ni Janiz Navida @Showbiz Special | Dec. 7, 2024

Photo: Vice Ganda sa 'And The Breadwinner Is' mediacon - YT

May pa-big reveal si Meme Vice Ganda sa ginanap na mediacon ng And The Breadwinner Is… na isa sa mga official entries sa 50th Metro Manila Filmfest.

Nagsisimula pa lang ang presscon, naikuwento na ni Vice na nag-seek siya ng professional help at nagte-therapy hanggang ngayon para sa kanyang mental health dahil medyo matagal-tagal na rin daw itong “pinagdaraanan” niya na hindi naman niya binanggit kung ano, basta tungkol daw sa personal niyang buhay.

But definitely, wala raw kinalaman du'n ang kanyang pamilya na laging all-out support at napakabuti sa kanya at hindi siya inoobligang maging breadwinner kahit pa aminado si Vice na siya naman talaga ang may pinakamalaking kita sa kanilang magkakapatid.

Napag-usapan ito dahil sa latest MMFF entry ng Star Cinema at IdeaFirst Productions na tumatalakay sa isa sa mga totoong sitwasyon sa ating bansa kung saan handang gawin ng isang breadwinner ang lahat kesehodang buhay niya ang nakataya mabuhay lang ang kanyang pamilya.

Thankful lang si Vice dahil nakakaangat-angat siya sa totoong buhay kaya hindi niya kailangang pagdaanan ang pinagdaanan ng kanyang role sa movie na sa kanilang pamilya ay siya ang nagsakripisyo para lang kumita ng pera.

At sabi nga ni Vice, ayaw niyang isiping “utang na loob” na dapat tanawin sa kanya ng pamilya ang mga ginagawa niya dahil kusang-loob niyang ginagawa ang pagtulong at masaya siya ru'n.

Samantala, parang isang malaking pamilya naman sina Vice at mga co-stars niya sa And The Breadwinner Is… dahil pare-parehong malalapit sa kanya sina Eugene Domingo, Gladys Reyes, Jhong Hilario, Maris Racal and Anthony Jennings, ang batang si Argus, Via Antonio, Kokoy de Santos, MC and Lassy at maging si Malou de Guzman.

Showing na ang movie on Dec. 25 mula sa direksiyon ni Jun Lana.

---

GF at ka-love team, pinagsabay…

ANTHONY: SORRY KINA MARIS AT JAM

Jam Villanueva, Anthony Jennings at Maris Racal - IG, ABS CBN, YT

Speaking of Anthony Jennings, matapos magsalita ni Maris Racal tungkol sa trending scandal nila ngayon sa social media dahil sa nabulgar na “something” nila na sinimulan ng ex-GF umano ng aktor na si Jamela Villanueva, naglabas na rin ng public apology ang controversial actor kahapon, Biyernes, December 6. 

Sey niya, "Sa lahat ho ng mga nangyari noong nakaraang araw, sa lahat ho ng mga taong nasaktan ko, especially po si Maris at saka si Jam, humihingi ho ako ng tawad sa dalawang babae, and sa mga lahat po ng mga nadamay ko rin po.

"Iyon lamang po. Sorry po ulit."  

Pero sa kabila ng pagso-sorry ni Anthony, maraming fans pa rin ni Maris ang gigil na gigil dito dahil kung hindi pa pala nabulgar ang kalokohan niya, wala siyang balak mag-sorry maging sa dalawang babaeng nasaktan at pareho niyang niloko?

Ano naman kaya ang sagot ni Maris sa simpleng “sorry” ni Anthony at sa paninira sa pagkatao niya ng ex-GF “daw” nito?

---

Ayaw pang umamin ng mga bida ng My Future You na sina Francine Diaz at Seth Fedelin na magdyowa na sila, mag-BFF lang daw, pero pareho naman silang “hoping” na ang isa't isa na nga ang maging “future” nila.

Sabi ni Seth sa nakaraang grand mediacon ng My Future You na entry ng Regal Entertainment sa 50th MMFF, hindi pa niya natatagpuan ang kanyang “future” na gusto niyang makasama habambuhay, pero aminado siyang ang mga qualities ni Francine tulad ng pagiging family-oriented, maalalahanin at conservative sa pananaw sa buhay, bukod sa magagandang values nito, ang mga hinahanap niya sa isang babae.

Mahalaga para kay Seth ang family values dahil ganito rin daw siya pinalaki ng kanyang family at du'n nga sila nagkakasundo ni Francine.

Aminado rin naman si Francine na kay Seth din niya nakikita ang mga gusto at hanap niya sa isang lalaki, pero sa ngayon, pareho raw kasing career ang priority nila lalo na't mga bata pa sila at ngayon nga lang nabigyan ng malaking break para magbida sa My Future You na malalaking movies ang babanggain sa 50th MMFF.

Well, kung sila na talaga o hindi pa, ang mas mahalaga naman ay ang kilig na hatid nila sa mga fans sa kanilang MFY movie na inaasahang malakas ang hatak lalo na sa mga bagets na naghahanap ng kanilang ‘future’.

May mga lessons din sa movie kaya ‘wag palagpasin ang movie na mula sa direksiyon ni Cristiano Aquino.

Showing na rin ang MFY on Dec. 25 mula sa Regal Entertainment.

Parang sina Arjo at Maine… JULIA, UMAMING YAKAP LANG NI COCO, TANGGAL NA ANG TOPAK

ni Janiz Navida @Showbiz Special | Dec. 6, 2024

Photo: Coco Martin at Julia Montes - Instagram

Grabe pala ang inabot na mga sugat at sakit ng katawan nina Cong. Arjo Atayde at Julia Montes sa kanilang mga action scenes sa 50th MMFF's entry ng Nathan Studios na pag-aari ng pamilya Atayde, ang Topakk.

Kuwento ng producer na si Ms. Sylvia Sanchez sa ginanap na grand mediacon ng Topakk last Wednesday night, si Julia ay napako sa tuhod at nauntog ang ulo, habang si Cong. Arjo naman ay nasugatan sa kamay, at gayundin naman ang iba pang cast ng movie tulad nina Sid Lucero, Enchong Dee at iba pa.

Pero dahil parehong aktor talaga at dedicated at passionate sa kanilang pag-arte, kahit naaksidente na sina Julia at Cong. Arjo, tuloy ang shooting!

Nakakabilib si Julia sa kuwento niya na nang mapako siya sa tuhod, basta na lang niya binunot ito nang hindi na nakatutok sa kanya ang camera instead sumigaw ng "Cut!" para gamutin siya.

Ayaw daw kasi niyang masira ang eksena at matigil ang trabaho nila kaya kahit nasugatan at nasaktan, "the show must go on" ang peg niya.

At parehong very thankful naman sina Cong. Arjo at Julia sa kani-kanilang partner na sina Maine Mendoza at Coco Martin, respectively, dahil parehong all-out support ang dalawa sa kanilang Topakk movie na nu'ng unang ipalabas sa Cannes Filmfest ay umani na ng good reviews, maging nang magkaroon ito ng private screening before the grand mediacon na dinaluhan ng mga vloggers at influencers.

Ani Arjo, bagama't nag-aalala rin naman si Maine, alam naman nito na action ang kanilang ginagawa kaya paalala na lang na mag-ingat ang lagi nitong sinasabi sa kanya. 

Thankful naman si Julia na nagamit nila sa Topakk ang mga natutunan niya sa paggawa ng action film mula sa mga turo ni Coco Martin. 

At dahil nag-enjoy nga sila sa mga kakaibang experience na naranasan while filming the movie, sabi ni Julia, sa kabila ng mga hirap, kung may chance na gumawa sila ng another Topakk, game na game pa rin daw siya.

Samantala, tinanong namin sina Arjo at Julia kung paano sila nilalambing ng mga partner nila in real life kapag tinotopak na sila.

Si Arjo ang unang sumagot habang natatawa, "Yakap," na sinegundahan ni Julia na parang nahirapang mag-isip kaya ang sagot ay, "Yakap na lang din," sabay tawa.

So, 'yun na!

Kaya sa mga malakas ang topak d'yan (char!), bagay na bagay sa inyo ang MMFF entry na ito na showing on Dec. 25 mula sa direksiyon ni Richard Somes.

---

Kahit umuulan nu'ng Linggo (Dec. 1) ng umaga, natuloy pa rin ang ginanap na World AIDS Day Walk 2024 sa Pasig City kung saan nasa 1,500 participants ang nag-join sa taunang selebrasyon na ito. 

Dumalo ang Secretary of Health na si Ted Herbosa at mga taga-Department of Health pati na rin ang mga taga-Philippine National AIDS Council. 

Kinahapunan, ginanap naman ang launching ng mga ambassadors ng World AIDS Day U=U Campaign na pinangunahan ni 2015 Miss Universe Pia Wurtzbach. 

Inilunsad din ang aktor at modelo na si Markki Stroem at sina Adrian Lindayag, Janlee Dungca at Lorenz Olleres bilang mga kapwa-ambassadors ni Pia. 

Ayon sa DOH, kada araw ay may naitatalang 58 cases ng HIV sa bansa na nasa edad 15 hanggang 24 . 

Kaya naman, layunin ng campaign na mas mapalaganap ang kaalaman ng mga tao tungkol sa HIV at AIDS.

---

Puson maumbok, 'di raw buntis… 

ALEX: BUSOG LANG AKO!

Super-saya at ang bongga ng ginanap na Christmas Party ng Society of Phil. Entertainment Editors (SPEEd) kung saan isa kami sa mga members sa Rampa Bar last Dec. 1.

In fairness, kahit bisi-bisihan na ang mga pipol ngayon, especially ang mga celebs dahil sa kaliwa't kanang Christmas parties, naglaan ng panahon sa amin at maagang dumating sina Ara Mina, Ms. Roselle Monteverde at anak na si Keith Monteverde (Regal Entertainment producers), singer-comedian TJ Valderrama na talent ng Curve Entertainment ni Mr. Narciso Chan, Ms. Boots Anson-Rodrigo (na nakasabay pa namin sa entrance ng Rampa Bar), Jake Cuenca, mag-asawang Ice Seguerra at Liza Diño, ilang Vivamax talents kasama si Salome Salvi, mag-asawang Sylvia Sanchez at Art Atayde kasama si Ms. Anne Feo na isa sa cast ng Topakk, at pinakahuling dumating at nag-duet pa ng Christmas song ang mag-asawang Alex Gonzaga at Mikee Morada.

Present din ang PR head ng Kapamilya Network na si Sir Kane Choa kasama ang kanyang team, si Ms. Claire Papa ng Unilab kasama rin ang kanyang PR team, si Ms. Marianne de Vera ng Pascual Laboratories, si Sir Wilson Flores ng Kamuning Bakery, Ferlin Parreno ng Viva, at PR manager na si Chuck Gomez.

All-out support din ang mismong may-ari ng Rampa Bar at Frontrow na si RS Francisco at kasama pa niyang naki-party sa amin ang Manila mayoralty candidate na si Sam Verzosa na partner din niya sa Frontrow.

Hindi man nakarating si Ma'm Rei Anicoche Tan ng Beautederm, nagpadala naman ito ng bonggang pa-raffle, gayundin ang aming Kumareng Tates Gana na ang bongga ng pa-havey lalo't sinabi namin sa kanya na part ng proceeds ng sponsorship ng anak na si Harvey Gana-Bautista at ni Mayor Bistek ay mapupunta sa mga biktima ng mga bagyo at gayundin ng sunog sa Tondo, Manila.

Pagdating sa pagtulong, all-out talaga lagi ang aming Mareng Tates na wala mang posisyon sa gobyerno, eh, may mga sarili ring charity works.

Samantala, tinanong namin si Alex nang mapansin naming medyo maumbok ang kanyang puson sa suot na black dress at naka-flat sandals kung preggy na ba siya.

Aniya, hindi pa naman, busog lang siya dahil galing sila sa pa-Christmas party ni Dra. Vicki Belo.

Tinanong namin siya sa recent na pag-iingay ni JC de Vera na nagbulgar na na-offend siya ni Alex. Ani ng younger sis ni Toni Gonzaga, tumawag naman sa kanya si JC after lumabas ang interview at nag-sorry, pero hindi na raw niya pinansin dahil matagal naman nang issue 'yun at ayaw na lang niyang patulan.

Move on na lang daw, tutal ay may kani-kanya na silang happy life.