Kaya ‘di mailabas sa socmed… MAJA, AYAW MALAIT NG BASHERS NA ‘DI KAMUKHA ANG ANAK

ni Janiz Navida @Showbiz Special | Mar. 27, 2025

Photo: Maja Salvador - IG

Matagal ding hindi nakita at nakaharap ng entertainment media ang tinaguriang Queen of the Dance Floor na si Maja Salvador, kaya sa ginanap na renewal of contract niya kahapon sa Solaire North bilang Beautederm ambassadress for Blancpro kasama ang CEO ng pinakasikat ngayong skin care brand na si Ms. Rei Anicoche Tan, ang daming tanong sa aktres-dancer tungkol sa kanyang motherhood at sa mga nabago sa kanyang buhay ngayon after niyang ikasal at magkaanak.

Aminado si Maja na na-miss niyang umarte at pati ang showbiz, kaya naman nag-usap daw sila ng mister na si Rambo Nunez na magbabalik-acting muna siya sa TV5 at dahil kapipirma nga lang niya ng kontrata, hindi muna siya magbe-baby uli hangga't ‘di niya natatapos ang kanyang pinirmahan.

Suportado at naiintindihan naman daw ito ng asawa.

Ang problema lang daw ni Maja, tumaba siya ng 25 lbs. nang magbuntis kaya todo-diet siya ngayon at pabiro nga niyang katwiran kay Ma'm Rei ng Beautederm, hangin na lang ang kinakain niya bilang paghahanda para sa kanyang pictorial para sa skin care brand.

Hiyang-hiya raw kasi siya kay Ma'm Rei na at the age of 44, eh, baka mas magmukha pa raw siyang tita ng CEO kapag nagtabi sila sa pictorial.

Kaya nga para sa isa pang project na niluluto nila bukod sa Blancpro, nakiusap si Maja kay Ma'm Rei na i-postpone muna ang photo shoot at mas magpapapayat pa siya.

Good thing naman daw na magaling bumalanse si Ma'm Rei na hindi lang basta ‘boss’ ni Maja kundi ninang din sa kasal, na kahit feeling niya ay mataba siya, nabu-boost nito ang kanyang confidence.

But no regrets naman si Maja na pansamantala siyang nagpahinga sa showbiz to give way sa kanyang family life, na sabi nga niya, ang pagiging ina ang kumumpleto sa kanyang pagkababae.

Kakaibang happiness daw ang na-feel ni Maja sa pagkakaroon ng anak kaya kahit nahirapan nu'ng una, gusto pa raw niyang masundan si Maria.

Marami na nga ang nag-aabang sa face reveal ni Maja sa first born nila ni Rambo dahil kahit magwa-one year old na si Maria sa June 1, hindi pa rin ipinapakita ng mag-asawa ang kanilang little princess sa social media.

Pero valid naman ang katwiran ni Maja dahil pinoprotektahan lang daw niya ang anak at ayaw matulad sa mga anak ng ibang celebrities na dahil proud na ipinost ang picture ng baby sa socmed, kahit inosenteng bata, nalalait pa rin ng mga feeling perfect bashers.

“Ang pinakaayoko lang kasi, like ‘di ba, nag-iiba kasi ‘yung mukha ng bata? So, ‘pag ipinost mo na ng sanggol pa lang, tapos ‘yun na ba agad ang mukha? Siyempre, iko-compare bilang artista, ‘Ang ganda nu'ng nanay, ah, nagmana sa ganyan.’ Parang ‘di ba, inosente ‘yung mga bata, tapos…” paliwanag ni Maja kaya hindi pa nila inilalabas ni Rambo ang picture nito sa socmed.

Well, may point naman talaga si Maja. Pero take note, ha, hindi pa man nila inilalabas ni Rambo ang mukha nito, ang dami na raw agad nag-aalok ng endorsement.

Oh, bongga naman ‘yun, devah?

Anyway, isa si Maja sa pinakamasisipag na mag-post sa socmed ng ine-endorse nitong Beautederm Blancpro products kaya no wonder na love na love talaga siya ni Ma'm Rei dahil hindi siya ‘yung tipo ng endorser na pera-pera lang at ‘pag nabayaran na, tamad-tamaran na sa pagpo-post at makuwenta pa. 

Naku, ‘wag n'yo na kaming pilitin kung sinu-sino sila at baka madulas pa kami. Hahahaha!

---

Mas pumayat pa sa dati… 

KRIS, BUTO’T BALAT NA KAYA ‘DI MAKATAYO

Kris Aquino - Ronin Leviste FB - Circulated

MARAMI ang naawa at naging emosyonal pa nga ang iba nang makita ang latest photo ni Kris Aquino sa Facebook habang inaalalayang maglakad ng kanyang bunsong anak na si Bimby.

Kitang-kita kasi sa full body shot nina Kris at Bimby na buto't balat na ang dating pinakasikat at most powerful na TV host-endorser.

Maging sa reaksiyon ng mukha ni Kris ay kitang-kita ang matindi niyang paghihirap sa kanyang pinagdaraanang sakit.

Kung wala siguro ang kanyang dalawang anak na sina Bimby at Joshua, matagal nang nag-give-up si Kris dahil sa hirap na kanyang dinadala ngayon sa kanyang kalusugan.

Inulan naman ng mga komento ng pagbibigay ng healing prayers ang naturang post sa FB ng picture ni Kris na hitsurang buto't balat na nga.

Mas pumayat pa siya kesa nu'ng nag-appear siya in public para bigyan ng suporta ang closest friend niyang designer na si Michael Leyva na binigyan ng award sa Stargate People Asia People of the Year 2025.

Well, wish naming makuha pa rin sa dasal at bigyan pa ng mahabang buhay si Kris para na lang din sa kanyang dalawang anak.

Nagsasabi lang daw ng totoo… JOJO, ‘DI TAKOT IDEMANDA NI MARK

ni Janiz Navida @Showbiz Special | Mar. 26, 2025

Photo: Jojo Mendrez via Bulgar

Nagpatawag ng emergency mediacon kahapon ang controversial singer-businessman na si Jojo Mendrez, ang tinaguriang The Revival King na kumanta ng Nandito Lang Ako, para once and for all ay tapusin na raw ang lahat ng isyung nag-uugnay sa kanila ng The Bad Boy ng Dance Floor na si Mark Herras.

Aminado ang singer na na-hurt siya sa bigla na lang pang-iiwan sa kanya ni Mark sa ere last Sunday nu'ng supposed to be ay magpe-present sila ng award sa PMPC's 38th Star Awards for TV, pero bigla na lang daw nagpaalam ang aktor na magsi-CR lang at hindi na bumalik.

Kaya last minute, tinawagan naman daw ng team niya si Rainier Castillo at ito na nga ang nakasama niya the whole night.

Sumama ang loob ni Jojo sa ginawa ni Mark kaya tinext daw niya ito ng mahabang mensahe ng pamamaalam at pasasalamat sa kanilang pagkakaibigan, pero imbes sorry at explanation, thumbs up lang daw ang reply ng aktor.

Kaya lalong na-hurt si Jojo at nagpatawag nga ng press para linawing never daw talaga silang nagkaroon ng relasyon ni Mark, at anumang pinansiyal na tulong na ibinigay niya sa aktor ay wala raw siyang hininging kapalit. 

Ayon kay Jojo, inamin sa kanya ni Mark na may anxiety at depression ito at dahil sa awa kaya hindi siya makatanggi sa aktor tuwing dumadaing ito sa kanya na walang pera.

Ang ikinasasama lang ng loob ni Jojo, sa lahat ng nagawa niya para kay Mark, na bukod sa nabigyan niya ng mga raket ay nagkautang pa pala sa kanya ng more or less P1 million, bigla nga siyang iniwan nang wala man lang pasabi.

Kuwento pa ni Jojo, ikinagulat nga rin niya ang inasal ni Mark nu'ng nasa Luxent Hotel sila bago pa ang Star Awards for TV sa Dolphy Theater ng ABS-CBN.

Habang magkakasama raw sila, bigla na lang siyang inaway at sinumbatan nito dahil nalaman daw ni Mark mula sa misis nito na binigyan niya ng cellphone si Rainier Castillo na isa pang nali-link sa kanya ngayon.

Binantaan pa nga raw siya ni Mark ng “‘Pag ako naetsapuwera rito, susunugin ko ang bahay mo,” at narinig daw ‘yun ng mga managers niya.

Tinanong namin si Jojo kung hindi ba siya nag-aalala na resbakan ni Mark ng demanda dahil sa mga sinabi niya at sagot nito, “Bakit naman ako matatakot, ako pa nga ang dapat magdemanda dahil sa pagbabanta niya sa aking susunugin niya ang bahay ko?”

Well, side ni Jojo ‘yan, at bukas pa rin naman kami sa paliwanag ni Mark Herras sa lahat ng ibinulgar laban sa kanya ng Revival King.

Anyway, after this controversy, gusto na lang daw mag-focus ni Jojo sa promo ng kanyang Nandito Lang Ako original song na composed by Jonathan Manalo at released ng Star Music kaya no wonder na malakas ang dating sa mga listeners at talagang nakaka-LSS (last song syndrome).

After Nandito Lang Ako, naka-line-up na ring i-record ni Jojo Mendrez ang Tamis ng Unang Halik, I Love You, Boy at Pare, Mahal Mo Raw Ako.

---

LOLO pala sa talampakan (great-great grandfather) ng former beauty queen na si Ms. Evangeline Pascual ang dakilang makata na si Francisco Baltazar a.k.a. Francisco Balagtas, ang lumikha ng epic poem na Florante at Laura.

Nabanggit ito sa amin ni Ms. Evangeline nang dumaan siya last Thursday (March 20) sa ginanap na Pandesal Forum sa Kamuning Bakery na pag-aari ng kasamahan naming si Wilson Flores para sa advanced celebration ng World Poetry Day nu’ng Biyernes (March 21).

Ayon sa former beauty queen, dumaan lang siya para magbigay ng suporta sa kaibigang award-winning poet na si Prof. Vim Nadera na present sa event kasama sina National Artist for Literature Prof. Dr. Gemino Abad, accompanied by his daughter, Ateneo de Manila University educator Cyan Abad Jugo.

Nabanggit sa amin ni Ms. Evangeline na maglalabas siya ng sariling libro kung saan du’n daw mababasa ang istorya ng kanyang buhay at abangan n’yo na lang ang pasabog tungkol d’yan dahil this year din daw niya ilalabas ang naturang book. 

Samantala, para sa pagdiriwang nga ng World Poetry Day, nagpa-sample ng kani-kanilang likhang tula sina Dr. Gemino at Prof. Nadera at ipinaalala sa mga kabataan at kasalukuyang henerasyon ang kahalagahan ng tula sa ating pamumuhay.

Nang mahingan ng payo si Dr. Abad para sa next generation of poets, aniya, “Work on your language the way the farmer works on his land," emphasizing the importance of linguistic mastery and imaginative expression. 

Nakakabilib naman ang mga estudyante ng Neptali A. Gonzales High School sa Mandaluyong na sina Queen Jeramay R. Saldivar, Aries King T. Federis, and Pearl Mae Angela Cabudlan sa kanilang ipinamalas na balagtasan under the guidance of their teacher Jayson A. Cruz and supported by their principal Dr. Corazon Regino. At hindi rin nagpatalo si Sir Wilson ng Kamuning Bakery dahil kahit may dugong Chinese, magaling din pala itong gumawa ng tula na ipinamalas niya sa mga dumating na guests.

Ipinakilala ni Harry Roque sa Netherlands… ROBIN, VP NI SARA

ni Janiz Navida @Showbiz Special | Mar. 25, 2025

Photo: Robin Padilla - Instagram

May Sara-Robin tandem na nga bang niluluto para sa 2028 elections?

Hindi pa man nairaraos ang mid-term elections, mukhang may binabalak na nga ang kampo nina VP Sara Duterte at Sen. Robin Padilla na pagtambalin sila sa pagtakbong presidente at bise-presidente sa 2028 elections.

Nakita kasi namin ‘yung isang video na kuha sa Netherlands kung saan ini-announce at ipinakilala ni dating Presidential Spokesperson Harry Roque si Sen. Robin bilang VP ni Sara habang nandu’n sila sa labas ng ICC at kausap ang maraming OFWs na supporters ni dating Pangulong Rodrigo Duterte.

So, tama nga kaya ang iniisip at naaamoy namin?

Naku, nakakaloka talaga ang mga kaganapan sa pulitika sa Pilipinas, ‘di ba? Ang dami-daming sorpresa. Hahaha!

---

AND speaking of politics, impressed na impressed naman kami habang pinagmamasdan at pinakikinggan ang first-ever State of the District Address (SODA) ni Quezon City 1st District Congressman Arjo Atayde kahapon sa SM Skydome.

Guwapo na si Arjo ‘pag nakikita naming humaharap sa mga mediacon ng mga TV at movie projects niya, pero mas gumuwapo pa ang tingin namin sa kanya habang naka-barong na nagde-deliver ng kanyang speech sa stage, na take note, umabot ng halos isang oras!

Sayang nga at hindi nakarating ang First Lady ni Cong. Arjo na si Maine Mendoza sa naturang SODA ng aktor-pulitiko dahil nagkataon daw na may work si Maine, kundi, tiyak na nag-crying galore rin si Menggay sa sobrang proud sa kanyang mister.

Nakakabilib din na napapunta ni Arjo sa kanyang SODA ang mga lider ng bawat barangay na nasasakupan niya sa 1st District ng QC, at ramdam na ramdam mo ang suporta nila sa kung tutuusin ay first-time congressman lang naman.

Pero kahit 3 yrs. pa nga lang na kongresista si Arjo, puring-puri siya ng kaibigang senatoriable na si Erwin Tulfo na kasamahan niya sa Kongreso at gayundin ni QC Mayor Joy Belmonte na nagpatotoong masipag at talagang nagtatrabaho si Cong. Arjo bilang public servant at ito nga raw ang katuwang niya sa mga proyektong inihahatid nila para sa mga taga-Kyusi.

Dumating din at sumuporta kay Cong. Arjo ang kanyang buong pamilya at ramdam namin ang sobrang saya at pagka-proud ng kanyang inang si Ms. Sylvia Sanchez nang makapanayam namin pagkatapos ng SODA.

Aniya, siya man ay nagulat nang ipresenta na ni Cong. Arjo ang mga achievements at nagawa nito sa loob lamang ng 3 taon bilang kongresista at du’n daw talaga niya naramdaman na kahit nahihirapan at napapagod ang anak ay maligaya ito sa kanyang ginagawa.

Ang paalala lang daw niya kay Arjo, gaano man ito ka-busy sa kanyang paglilingkod-bayan, ‘wag na ‘wag pababayaan ang pamilya lalo na ang asawang si Maine at bigyan pa rin ito ng time.

May payo rin siya kay Cong. Arjo na ngayon pa lang, alam daw niyang malayung-malayo pa ang mararating sa pulitika.

“Ang sabi ko lang sa kanya, ‘Nak, ‘wag na ‘wag kang magpapakain sa power at sa sistema,’” sabi sa amin ni Ibyang (palayaw ng aktres).

Well, hindi lang si Cong. Arjo ang gusto naming papurihan sa kanyang tagumpay dahil sabi nga, malaking bahagi ng tagumpay ng isang tao ang magandang pagpapalaki sa kanya ng kanyang mga magulang.

---

Sa balikang Maine-Alden sa movie…

“NO COMMENT” — ARJO 

ANYWAY, bago nagsimula ang SODA ni Cong. Arjo Atayde, nakausap namin siya at tinanong nga kung bakit wala si Maine sa special event na ‘yun ng kanyang buhay.

Aniya, may work ang misis na hindi nito puwedeng iwanan, pero alam naman daw niyang todo-suporta ito sa kanya.

Hiningi namin ang reaksiyon ni Cong. Arjo sa mga nagpu-push na muling pagsamahin sa pelikula at ibalik ang tambalang Alden Richards at Maine Mendoza.

Hindi na nag-elaborate si Cong. Arjo pero obyus sa sagot nitong “No comment” na nag-iingat siya sa mabibitawang salita at baka i-bash na naman siya ng AlDub fans.

May binabalak naman daw silang gawing pelikula ni Maine this year under Nathan Studios at ‘yun na lang siguro ang abangan.

---

BAGAMA’T wala pa yatang isang taon sa industriya, humakot na ng mga parangal sa PMPC Star Awards ang Bilyonaryo News Channel.

Sa kakatapos lang na Star Awards for TV, ang programang Agenda sa pangunguna nina Korina Sanchez-Roxas at Pinky Webb ay nakakuha ng Best News Program award. 

Natanggap din ni Korina ang parangal na Best Female Newscaster habang kinilala naman ang programa ni Pinky na On Point bilang Best Public Affairs Program.

Si Marie Lozano ay itinanghal naman bilang Best Lifestyle Host para sa Lifestyle Lab, habang si Anton Roxas naman ay nasungkit ang Best Sports Host para sa programang The Scorecard.

Samantala, nananatiling nakatuon ang BNC sa pag-abot sa mas malawak na audience sa parehong tradisyonal at digital na platform. 

Tumutok sa Bilyonaryo News Channel sa free-to-watch television channel na BEAM TV 31, cable television na Sky Cable 33, Cignal Channel 24, Converge 74, digital media na Cignal Play at official social media pages sa Facebook at Youtube.