Hiniritan ng kikitain sa YouTube vlog… PIA, PINALAYAS ANG GUWAPONG BF NA SI JEREMY

ni Janiz Navida @Showbiz Special | October 03, 2021

Na-watch namin ang latest YouTube vlog ni Miss Universe 2015 Pia Wurtzbach titled Pia Life Update: Finally Answering Your Questions! Part 2.

'Kaaliw palang panoorin si Pia dahil kahit beauty queen ito, may pagka-masa pa rin at ramdam mong hindi siya 'yung tipong pasosyal.

Isa sa mga tanong ng fans na sinagot ni Pia ay 'yung paano siya nagko-cope up sa mga nambu-bully sa kanya dahil sa laki ng kanyang boobs.

Kuwento ni Pia, nu'ng nag-aaral pa siya, conscious siya sa hindi normal na laki ng kanyang hinaharap kaya kahit sinasabihan siyang 'blessed' ng mga kaibigan niya ay hindi siya komportable.

Pero habang nagma-mature raw siya ay natutunan na rin niyang tanggapin kung ano'ng ibinigay sa kanya ni Lord, kaya ngayon, dedma na lang siya kahit ano pang sabihin ng ibang tao sa kanyang bumpers.

Samantala, kinilig naman kami sa isang part ng vlog kung saan biglang sumulpot ang super-guwapong Scottish-Colombian boyfriend ni Pia na si Jeremy Jauncey.

Grabe 'yung lagkit at tamis ng tinginan nila nang mag-eye-to-eye habang magkatabi sa sofa. Mapapa-sana all ka na lang talaga dahil ramdam mong in love talaga sila sa isa't isa.

Natawa lang kami nu'ng magbiro si Jeremy kay Pia ng, "Whose the video again to?"

Sagot ni Pia, "It's for my vlog."

Hirit ni Jeremy, "The vlog. Hmmm. You gonna share some of that ad sense dollars with me?" sabay mabilis na taas ng mga kilay at turo sa gilid ng kanyang ulo na parang sinasabing kailangan ay utakan at dapat siyang bigyan ni Pia dahil part siya ng vlog nito.

Sagot ni Pia kay Jeremy, “Umalis ka na nga. You can go now!”

Hahahahaha! Negosyanteng-negosyante talaga ang BF ni Pia!

Pero in fairness, bagay talaga sila at perfect couple!

Factory worker kinain ng makina, patay

ni Janice Baricuatro | July 6, 2020

Hindi na umabot ng buhay sa ospital ang isang operator matapos na aksidenteng kainin ito ng makinang ino-operate sa Cavite.

Kinilala ang biktima na si Marvin Rivera, 39, residente ng San Pedro, Laguna at machine operator ng Best Chemicals and Plastic Inc., sa Bgy. Maduya, Carmona.

Sa imbestigasyon ni PSSG Charles Virtudez, alas-5:00 ng hapon nang maganap ang insidente sa loob ng nasabing pabrika, kung saan kasalukuyan umanong nagtatrabaho ang biktima bilang operator nang aksidente itong kainin ng makina.

Na-stock pa ito nang nasa kalahating oras bago tuluyang naalis sa makina at naisugod sa pagamutan subalit, idineklarang dead-on-arrival na ito.

Nakatakda namang makipagtulunguan ang pamunuan ng pabrika sa pamilya ng nasawi.

Anak sinermunan, tatay kinatay

ni Janice Baricuatro | June 24, 2020

Patay ang isang ama matapos na pagsasaksakin ng sariling anak habang nag-iinuman kamakalawa ng gabi sa Cavite City.

Hindi na umabot ng buhay sa pagamutan ang biktimang si Jerry Roma Asero, Sr., 46, garbage collector, residente ng Bgy. 48-A, Bagong Pook, San Antonio.

Naaresto naman ang suspek at nahaharap sa kasong Parricide na nakilalang si Jerry Quirimit Asero, Jr., 24, anak ng biktima.

Sa imbestigasyon, alas-10:30 ng gabi nang maganap ang insidente kung saan kapwa lango na sa alak ang mag-ama nang magkasagutan ang mga ito.

Hindi matanggap ng suspek ang paulit-ulit na panenermon ng ama kaya naburyong ito at dinampot ang patalim sa kanilang harapan saka inundayan ng saksak ang ama .

Naitakbo pa sa Bautista Hospital ang biktima subalit hindi na ito umabot ng buhay sanhi ng mga tinamong saksak habang agad din namang naaresto ang suspek.