2 Subway Stations sa QC, kasado na

ni Jeff Tumbado | April 29, 2023

Pinangunahan ni Department of Transportation (DOTr) Sec. Jaime Bautista ang groundbreaking ceremony para sa Contract Package 102 (CP 102) ng Metro Manila Subway Project (MMSP) o ang underground subway stations sa Quezon Avenue Station at East Avenue Station.

Sa seremonya, binigyang-diin ni Bautista ang napakaraming benepisyong hatid para sa bawat Pilipino ng kauna-unahang subway sa bansa, sa oras na operational na ito.

“The subway will not only provide comfort and convenience but also generate jobs. It will definitely be comfortable, affordable, safe, sustainable and accessible,” ani Bautista.

"The whole subway will connect with different railway networks, such as LRT 1, MRT 3, MRT 7 and the Grand Common station. It will also connect with LRT 2 at Anonas Station. It will also connect with two stations of the North-South Commuter Rail. We expect the subway to be operational by 2028," dagdag ng Kalihim.

Oras na matapos ang subway, mas magiging mabilis, maginhawa, at seamless na ang biyahe mula at patungong Valenzuela at NAIA—dahil mula isang oras at sampung minuto ay magiging 45 minuto na lamang ang travel time rito.

May kakayahan ding maka-accommodate ang subway ng 519,000 na mga pasahero kada araw.

Factory sa Taiwan nasunog, 4 OFWs dedbol

ni Jeff Tumbado | April 28, 2023

Apat na overseas Filipino workers (OFWs) ang iniulat na namatay sa malaking sunog na sumiklab sa isang pabrika sa Changhua, Taiwan.

Ito ang kinumpirma ng chairman ng Manila Economic and Cultural Office-Taiwan (MECO-Taiwan) na si Atty. Silvestre Bello III.

Ayon kay Bello, tatlo sa apat na biktima ay nasawi sa lugar ng insidente bunsod ng "suffocation" o hindi makahinga dahil sa makapal na usok habang binawian naman ng buhay ang ikaapat na biktima sa ospital.

Nagpaabot na ng tulong pinansiyal ang Taiwanese government maging ang employer ng mga biktima na, Lian Hwa Foods Corp.

"Unang-una, ‘yung mga employers muna nila, in fairness, they extended immediate attention by providing them all the medical assistance that can be afforded to everybody in the hospital," pahayag ni Bello.

"Ang maganda pa d'yan, the Taiwanese government is extending an assistance of 100,000 NTD for every casualty. But that is in addition sa insurance coverage nila under sa kanilang employer," dagdag ni Bello.

Binanggit pa ng dating labor secretary na ang gobyerno ng Pilipinas ay mamamahagi ng P200,000 death benefits at P20,000 burial benefits para sa mga kaanak ng mga nasawi.

Educational assistance din ang ibibigay ng gobyerno sa mga anak ng mga biktima.

Inaasahan na darating sa bansa ang labi ng mga biktima kapag naayos agad ang mga dokumento ng mga ito.

May ugnayan na umano ang MECO at mga awtoridad sa Taiwan kaugnay sa isinasagawang imbestigasyon.

Batay sa report, sumiklab ang sunog sa pabrika ng Lian Hwa nitong umaga ng Martes,

Abril 25, kung saan pito ang nasawi habang maraming iba pa ang nasugatan.

Iniulat ng Meco na nasa mahigit 100 OFWs ang nagtatrabaho sa nabanggit na pabrika.

Bubuo na ang Gilas women ng malakas na team pa-SEAG

ni VA - @Sports | May 21, 2021

Uumpisahan na ng Gilas Pilipinas Women ang pagbuo ng isang malakas na koponan na isasabak sa mga darating na international tournaments gaya ng FIBA Women’s Asia Cups at 31st Southeast Asian Games. Kabalikat ang Fil-Am Nation Select, magdaraos ang Gilas Women’s ng tryout para sa seniors’ squad sa Hunyo 4-5 sa La Verne, California. “Partnering with Fil-Am Nation allows for us to build a connection; and most importantly, relationship with the Fil-Am coaches and, of course, players so that we can build a bridge, and more players would be eligible to play for their country,” pahayag ni Gilas Women’s head coach Patrick Aquino. Nasa Estados Unidos ngayon si Aquino para tulungan si Jack Animam na maiayos ang pagti- training nito sa East West Private. Pangungunahan ang kabuuang 27 players na inimbitahan para lumahok sa tryout nina Mai-Loni Henson at Chanelle Molina.

Kabilang sa paghahandaan ng Gilas Women's ang darating na FIBA Asia Women’s Cup na nakatakdang ganapin sa Setyembre 26-Oktubre 3; ang FIBA 3×3 Asia Cup at 31st Southeast Asian Games sa Hanoi sa Nobyembre. Naimbita rin sa tryout sina Ella Fajardo at ang Sacramento State product na si Gabi Bade gayundin ang mga centers at power forwards na sina 6-foot Lexi Marks ng Boise State; 5-foot-10 Malia Bambrick ng Pepperdine; 5-foot-10 Kiera Oakry ng UC San Diego; 5-foot-10 Kayla Revelo ng University of Hawaii-Hilo at 5-foot-9 Kayla Padilla ng Pepperdine. Ang iba pang mga inimbita ay sina Vanessa De Jesus ng Duke, Aurea Gingras ng George Washington, Mel Isbell ng New Mexico State, Lei McIntosh ng UC Berkeley, Gabby Rones ng Nevada, Angie Villasin ng North Park, Jessica Malzarte ng Frezno Pacific, Janelle Ganer ng St.Thomas, Lynette Garon ng Southwest at iba pa.

Samantala, inaasikaso ng Fil-Am Nation founder na si Cris Gopez ang mga kinakailangang "compliance requests" para sa bawat player dahil ayon sa isinasaad ng NCAA rules na kailangan munang aprubahan ng kanilang eskuwelahan ang partisipasyon ng kanilang student-athlete sa national team tryouts.