“Glee” actress na si Naya Rivera, hinihinalang patay na

ni Ronalyn Seminiano Reonico | July 13, 2020

Matapos mawala sa Lake Piru sa California noong Miyerkules ang “Glee” actress na si Naya Rivera, hinihinalang ito ay patay na ayon sa Ventrua County Sheriff’s Office.

Saad ni Deputy Chris Dyer, "We're presuming that an accident happened and we're presuming she drowned in the lake.

"The goal is still to bring Miss Rivera home to her family.”

Ayon sa awtoridad, ang 33 year old actress ay nagpunta sa lawa nu’ng Miyerkules ng hapon kasama ang kanyang 4-year-old na anak at nag-rent ng pontoon boat na nakita sa north end ng Lake Piru.

Naroon ang anak ni Rivera at bukod sa suot nitong life jacket, nakita rin ang isa pa sa bangka pati na ang pitaka ng aktres.

Ayon naman kay Ventura County Sheriff's Sgt. Kevin Donoghue, "We don't think it would have traveled the whole distance of the lake.

"I think it's too early to say what happened here. We're still investigating and just still trying to find out what happened.”

Kelly Preston, pumanaw na sa edad 57 dahil sa breast cancer

ni Ronalyn Seminiano Reonico | July 13, 2020

Kinumpirma ng aktor na si John Travolta sa kanyang Instagram post na pumanaw na ang kanyang asawang si Kelly Preston dahil sa breast cancer sa edad na 57.

Aniya, “It is with a very heavy heart that I inform you that my beautiful wife Kelly has lost her two-year battle with breast cancer. She fought a courageous fight with the love and support of so many.

“Kelly’s love and life will always be remembered. I will be taking some time to be there for my children who have lost their mother, so forgive me in advance if you don’t hear from us for a while. But please know that I will feel your outpouring of love in the weeks and months ahead as we heal.”

Ayon sa representative ng kanilang pamilya, ang aktres na si Kelly ang may nais ilihim sa publiko ang tungkol sa kanyang sakit.

Aniya, "Choosing to keep her fight private, she had been undergoing medical treatment for some time, supported by her closest family and friends.

“She was a bright, beautiful and loving soul who cared deeply about others and who brought life to everything she touched. Her family asks for your understanding of their need for privacy at this time."

‘Glee’ actress Naya Rivera, nawawala

ni Lolet Abania | July 10, 2020

Nawawala ang ‘Glee’ actress na si Naya Rivera, 33, noong Miyerkules pa ng gabi, kung saan nagkaroon na ng search team sa paligid ng Lake Peru sa California, ayon sa Ventura County Sheriff’s Office.

Batay sa opisina ng sheriff, ang hinahanap nila ay “possible drowning victim” o nalunod na biktima sa lawa.

Ayon kay Eric Buschow, sheriff’s office spokesman, nagrenta ng bangka si Rivera kasama ang anak niya, hapon ng Miyerkules. Isa pang boater ang nakakita sa kanyang anak na mag-isa sa bangka ng alas-4 ng hapon.

Ligtas naman ang batang lalaki, dagdag pa ni Buschow.

Nakilala si Rivera sa mga palabas na “The Royal Family”, “The Fresh Prince of Bel-Air”, “Family Matters” at “Baywatch.”

Subalit, sumikat ang aktres sa “Glee”, ang sharp-witted cheerleader na si Santana Lopez.

Ikinasal si Rivera sa actor na si Ryan Dorsey noong 2014 at nabiyayaan ng anak na lalaking si Josey Hollis noong 2015. Naghiwalay ang dalawa noong 2018.

Huling nakita si Rivera sa post niya sa Twitter ng picture niya at anak.