Haruma Miura ng “Attack on Titan,” pumanaw na sa edad 30

ni Ronalyn Seminiano Reonico | July 18, 2020

Pumanaw na ang Japanese actor/singer na si Haruma Miura sa edad 30. Ayon sa ulat ng pulisya, natagpuang nakabigti si Miura sa kanyang bahay sa Minato Ward, Tokyo nitong Sabado ng hapon. Isinugod ang aktor sa ospital ngunit agad ding binawian ng buhay.

Nakatakdang pumasok sa trabaho si Miura ngayong araw kaya naalarma ang kanyang mga katrabaho nang hindi siya sumipot. Doon na hinanap ng mga ito ang aktor.

Ayon sa inisyal na imbestigasyon, wala umanong foul play na naganap at suicide ang dahilan ng pagkamatay ng aktor. Samantala, tuloy pa rin ang imbestigasyon ng pulisya.

Kabilang sa mga television appearance ni Haruma ay ang Gokusen: The Movie, Attack on Titan, Spellbound, Crows Zero, atbp..

Bill Gates, Apple, Kanye West, etc., na-hack ang Twitter Account

ni Thea Janica Teh - | July 16, 2020

Na-hack ang Twitter account ng ilan sa mga kilalang personalidad tulad ni Joe Biden, Bill Gates, Elon Musk at Apple.

Nakita noong Miyerkules na pare-pareho ang inilabas na post tungkol sa cryptocurrency scam o paghingi ng donasyon gamit ang Bitcoin.

Ilan pa sa mga kilalang personalidad ay sina Kanye West, Jeff Bezos at Mike Bloomberg.

Ayon sa umano’y post ni Bill Gate, “Everyone is asking me to give back, and now is the time," na nagsasabing dodoblehin ang lahat ng bayad gamit ang Bitcoin address sa susunod na 30 minuto.

Sa ngayon ay iniimbestigahan na ng Twitter ang nasabing insidente.

Katawan ng aktres na si Naya Rivera, natagpuan na

ni Twincle Esquierdo - | July 14, 2020

Ayon sa post ng Ventura California County Sheriff's office sa kanilang twitter account, natagpuan ang katawan ng sinabing ‘Glee’ aktres na si Naya Rivera sa Southern California lake nitong Lunes.

Sinabi ng mga awtoridad nitong Lunes na natagpuan ng divers ang katawan ng aktres matapos nilang matagpuan ang anak nitong si Josey Hollis Dorsey apat na taong gulang na mag-isa sa bangkang nirentahan nila sa Lake Piru hilagang bahagi ng Los Angeles.

Batay sa imbestigasyon ay nirentahan nila ang bangka bandang ala-1 ng hapon, Miyerkules at matapos ang tatlong oras bumalik ang bangka ngunit, nag-iisa lamang ang anak nito at dito napag-alaman na nawawala ang aktres. Ayon sa anak nito ay nag-swimming sila ng kaniyang ina ngunit hindi na ito nakabalik sa bangka. Ang Lake Piru ay isang libingan na halos 50 milya ang layo sa Los Angeles.

Ayon pa sa sherif’s officer, base sa autopsy na isinagawa, pagkalunod ang naging sanhi ng kanyang pagkamatay.

Si Rivera ay isang American singer at aktres, nagsimula ang kanyang career nu’ng bata pa ito, nagsimula sa mga commercial bago mapasama sa pelikulang CBS comedy The Royal Family noong 1991, nanalo rin siya ng Young Artist Award, Kasama rin siya sa pelikulang The Fresh Prince of Bel-Air at Baywatch.

Ang kanyang breakthrough ay noong 2009 gumanap siya bilang Santana Lopez sa Fox’s hit musical drama Glee na 100 episode at nanalo ng dalawang award na American Latino Media Arts Awards at People’s Choice Award.

Ang “Glee” ay isang television musical drama tungkol sa high school choir, na sumikat 10 taon na ang nakararaan.