Concert ng Chainsmokers, iniimbestigahan sa paglabag sa social distancing

ni Ronalyn Seminiano Reonico | July 29, 2020

Iniimbestigahan na ng awtoridad ng New York ang ginanap na drive-in concert ng Chainsmokers sa Hamptons dahil sa diumano’y paglabag sa social distancing guidelines.

Ayon sa ipinadalang sulat ni New York State Health Commissioner Dr. Howard Zucker kay Southhampton's Supervisor Jay Schneiderman, ang New York ay nananatiling nasa ilalim ng state of emergency dahil sa COVID-19 pandemic at isa sa mga guidelines na kailangang sundin ay ang social distancing. Ipinagbabawal din sa naturang bansa ang mass gatherings ng hihigit sa 50 katao.

Saad ni Zucker sa naganap na concert, "Thousands of people in close proximity, out of their vehicles, a VIP area where there was no pretense of a vehicle, and generally not adhering to social distancing guidance.

"I am at a loss as to how the Town of Southampton could have issued a permit for such an event, how they believed it was legal and not an obvious public health threat.”

Samantala, ayon naman kay Schneiderman, ang mga organizers ng naturang event ang dapat sisihin sa naturang insidente.

Aniya, "They opened up a VIP pit area and that was where most of the problems were.

"As proposed to us, it met the guidelines. However, the organizers didn't strictly adhere to it."

Tom Hanks at Rita Wilson, opisyal nang Greek citizens

ni Lolet Abania | July 27, 2020

Opisyal nang Greek citizens ang ang Hollywood stars na si Tom Hanks at wife nitong si Rita Wilson.

Sa isang larawan na ipinost sa socmed ng prime minister ng naturang bansa, proud na ipinakita ng couple ang kanilang brand new passports.

Last year, naging honorary Greek citizens ang mag-asawa at mga anak nila, matapos na makitaan ng mga officials si Tom ng pagtulong at pagbibigay kaalaman tungkol sa 2018 sunog na tumupok sa ilang lugar sa Athens at nag-iwan ng mahigit sa 100 na namatay.

"Tom Hanks is a person who showed real interest in the people who suffered from the fire in Mati and promoted this issue in the global media," pahayag ni Greek Interior Minister Takis Theodorikakos sa CNN.

Madalas na nagbabakasyon sina Rita na half-Greek at si Tom na isang Greek Orthodox convert, sa Greece, kung saan mayroon silang property sa isla ng Antiparos.

Gayundin, karamihan na na-produce ng couple na films ay based sa Greek community at pinagmamalaki nila ang kanilang paghanga sa naturang bansa at mga mamamayan nito.

"I've been Hellenic now for the better part of 32 years," sabi ni Hanks sa mga reporters sa ginanap na 2020 Golden Globe Awards. "Greece is a haven... I've been around the world, I've been to the most beautiful places in the world, none of them tops Greece."

"The land, the sky, the water, it's good for the soul, it's a healing place," sabi pa ni Hanks.

Sumakabilang-buhay na si Regis Philbin, 88

ni Lolet Abania | July 26, 2020

Sumakabilang-buhay na ang legendary broadcaster na si Regis Philbin sa edad na 88 dahil sa katandaan, pahayag ito ng kanyang pamilya kagabi.

“We are deeply saddened to share that our beloved Regis Philbin passed away last night of natural causes, one month shy of his 89th birthday," ayon sa isang pahayag sa CNN.

"His family and friends are forever grateful for the time we got to spend with him -- for his warmth, his legendary sense of humor, and his singular ability to make every day into something worth talking about."

"We thank his fans and admirers for their incredible support over his 60-year career and ask for privacy as we mourn his loss," ayon sa statement.

Si Philbin ang host ng maraming television shows, tulad ng morning talk show na “Live with Regis and Kathie Lee” na naging co-host niya si Kathie Lee Gifford subalit hindi nagtagal napalitan ang co-host niya na si Kelly Ripa kaya binago ang title ng show na “Live with Regis and Kelly”.

Sa paglipas ng mga taon, si Philbin ang kinuhang host ng Miss America pageants at ang tanyag na game shows tulad ng “Who Wants to be a Millionaire.” Gayundin, naging nominated si Philbin sa buong career niya ng 37 beses sa Daytime Emmy Awards at anim ang kanyang napanalunan dito, bukod pa ang award na natanggap na Lifetime Achievement Award noong 2008.

Noong 2006, pinarangalan si Philbin ng National Association of Broadcasters ng Hall of Fame pati na ang Television Academy ng Hall of Fame.

Hawak ni Philbin ang ‘world record for most hours’ sa US television, ayon sa Guinness World Records, na mahigit sa 16,700-oras on-air na trabaho. Sabi ng kanyang longtime co-host na si Kathie sa Twitter account nito, “REGIS.

There will never be another.”