Madonna, writer at direktor ng biopic movie

ni Lolet Abania | September 16, 2020

May proyektong gagawin si Material Girl Madonna na siya ring magdidirek at co-writer nito.

Ito ang upcoming biopic movie ng singer, actress at performer na tinaguriang Queen of Pop noong 1980 dahil sa mga successful albums niya tulad ng "Like a Virgin" at "True Blue." Lalong naging tanyag si Madonna sa mga awiting "Like a Prayer," "Papa Don't Preach," "Vogue" at iba pa.

Sa IG post niya tungkol sa kanyang film project, nasabi nitong, "Are you ready for the story of my life?"

Ka-team-up dito ni Madonna ang screenwriter na si Diablo Cody. Produced ang movie ni Amy Pascal at distributed ng Universal Pictures.

"I want to convey the incredible journey that life has taken me on as an artist, a musician, a dancer – a human being, trying to make her way in this world,” sabi ni Madonna.

"The focus of this film will always be music. Music has kept me going and art has kept me alive. There are so many untold and inspiring stories and who better to tell it than me. It’s essential to share the roller coaster ride of my life with my voice and vision," dagdag niya.

Itatampok sa biopic movie ang mga “untold story” sa buhay ni Madonna nang nagsisimula pa lamang siya hanggang sa kanyang kasikatan bilang aktres, singer at songwriter.

Samantala, magaling na ang 62-anyos na iconic singer matapos na magpositibo sa COVID-19 noong Mayo. Patunay ang sisimulang biopic project na nakarekober na sa virus si Madonna.

Korean Actress na si Oh In Hye, 36, pumanaw na

ni Thea Janica Teh | September 15, 2020

Pumanaw na ngayong Martes, Setyembre 15, ang Korean actress na si Oh In Hye, ayon sa Allkpop.

Sa inilabas na report ng Dispatch, isang K-pop culture website, sinabing nakitaan ito na makare-recover dahil bumalik ang paghinga at pulse rate ngunit hindi na ito nagising.

Naglabas na rin ang Soompi tungkol sa burol ng aktres sa Inha University Hospital.

Anila, “The late Oh In Hye’s funeral visitation has been arranged at our hospital.”

Sa imbestigasyon ng Incheon Yeonsu Police Station at Incheon Songdo Fire Station, naabutan ng mga ito ang 36-anyos na aktres bandang alas-5 ng umaga na inaatake sa puso sa bahay nito sa Songdo International Business District sa Incheon.

Ayon pa sa isang kaibigan ng aktres, tumawag na ito sa pulis dahil hindi umano sila sinasagot ni Oh In Hye.

Sa ngayon ay wala pang inilalabas na iba pang detalye ngunit, may mga lumalabas na espekulasyon na nag-suicide ang aktres.

Nakilala si Oh In Hye sa mga palabas tulad ng The Plan, Wish Taxi, No Breathing at marami pang iba.

South Korean actress Oh In Hye, nakaligtas sa cardiac arrest

ni Lolet Abania | September 14, 2020

Ligtas na sa kamatayan ang South Korean actress na si Oh In Hye matapos matagpuang walang malay sa kanyang tirahan at madala agad sa ospital.

Sa report na ibinigay ng K-entertainment website na Soompi, mula sa Incheon Yeonsu Police Station at Incheon Songdo Fire Station, natagpuan ang aktres na diumano'y na-cardiac arrest sa bahay nito sa Incheon bandang alas-5 ng umaga (oras sa KST) ngayong Lunes.

"Emergency procedures like CPR were immediately performed on the South Korean actress and she was taken to a hospital nearby," ayon sa report.

Gayunman, pahayag ng Incheon Yeonsu Police Station sa MK Sports, naibalik na sa normal ang tibok ng puso at pulso ng aktres.

“Oh In Hye’s pulse and breathing have returned,” sabi ni U. Kim sa Soompi, subali't wala pa rin itong malay.

Dagdag ng Soompi, isang kaibigan ni Oh In Hye ang tumawag sa naturang pulisya dahil sa hindi nila matagpuan ang aktres.

Gayundin, iniulat ng All K-pop ang nangyari sa kanya. Ayon sa source, may espekulasyong nagtangkang mag-suicide ang aktres subali't wala pang ibinibigay na detalye tungkol dito.

Magpapatuloy ang imbestigasyon ng pulisya sa nangyari kay Oh In Hye kapag nagkamalay na ito.

Samantala, nagbida si Oh In Hye sa mga palabas na "The Plan," "Wish Taxi," at "No Breathing."