Nicki Minaj, nanganak na sa first baby

ni Lolet Abania | October 2, 2020

Isinilang na ni “Superbass” rapper Nicki Minaj ang kanilang first baby ng asawang si Kenneth “Zoo” Petty noong September 30 sa Los Angeles, ayon sa source ng website na People.

Noong July, ibinalita ni Nicki na buntis siya at nag-post pa ng picture ng kanyang baby bump na may nakasulat na “#Preggers.”

Wala namang binanggit na gender at pangalan ng baby ang couple.

Samantala, ikinasal ang 37-anyos na si Nicki na ang real name ay Onika Tanya Maraj kay Kenneth Petty, 42-anyos, noong 2019.

Rose Leslie at Kit Harington ng 'Game of Thrones,' magkaka-baby na!

ni Ronalyn Seminiano Reonico | September 28, 2020

Inilantad ng Game of Thrones actress na si Rose Leslie na gumanap bilang "Ygritte" ang kanyang baby bump sa photoshoot ng “Make Magazine.”

Makikita ang photos ni Leslie sa Instagram account ng Ursula Lake, founder ng “Make Magazine.”

Sa photo ni Leslie, mababasa ang caption na: “A very special all woman team photographic shoot capturing Rose at this wonderful time as she prepares for motherhood for the first time!"

Na-engaged si Leslie sa kanyang co-star ng “Game of Thrones” na si Kit Harington noong 2017 at nagpakasal ang dalawa noong 2018.

Anak ni Phil Collins na si Lily Collins, engaged na sa film director

ni Ronalyn Seminiano Reonico | September 26, 2020

Engaged na ang American actress na si Lily Collins sa film director na si Charlie McDowell.

Nag-post si Collins sa kanyang Instagram account ng ilang larawan na kuha sa naganap na proposal. Caption ng aktres: "I’ve been waiting my lifetime for you and I can’t wait to spend our lifetime together…"

Ipinost din ni Collins ang kanyang larawan kung saan ipinapakita ang singsing at aniya, "The purest joy I’ve ever felt.”

Nag-post din si McDowell ng larawan ni Collins at may caption na: "In a time of uncertainty and darkness you have illuminated my life. I will forever cherish my adventure with you.”

Si Collins ay anak ng sikat na musician na si Phil Collins at nakilala sa kanyang pagganap sa Love, Rosie (2014) at The Mortal Instruments: City of Bones (2013).