Kanta sa Disney animated film na “Encanto”… “We Don’t Talk About Bruno”, No. 1 sa Billboard Hot 100

ni Jasmin Joy Evangelista | February 2, 2022

Nanguna sa Billboard Hot 100 chart ang “We Don’t Talk About Bruno”, ang kanta sa Disney animated film na “Encanto”.

Ang kantang ito na isinulat ni Lin-Manuel Miranda ay umangat sa top spot mula sa pagiging No. 2 sa chart nitong February 1, 2022.

Ito rin ang kauna-unahang No.1 para sa American singer-songwriter at “Hamilton” star.

Ang “Encanto" (2021) ng Disney ay isang musical animated film tungkol sa isang extraordinary na pamilya sa Colombia na mayroong magical gifts maliban sa isang bata, si Mirabel.

Ang “We Don’t Talk About Bruno” ay itinanghal ng Madrigal family sa tinig nina Carolina Gaitán (Pepa), Mauro Castillo (Felix), Adassa (Dolores), Rhenzy Feliz (Camilo), Diane Guerrero (Isabela), Stephanie Beatriz at (Mirabel).

BTS member Jimin, naospital dahil sa appendicitis, nagpositibo rin sa COVID-19

ni Jasmin Joy Evangelista | February 1, 2022

Nagpositibo sa COVID-19 at sumailalim sa operasyon dahil sa kanyang acute apendicitis ang BTS member na si Jimin, ayon sa kanyang agency na Big Hit Music nitong Lunes.

Si Jimin, na may full name na Park Ji-min, ay nagtungo sa ospital noong Linggo matapos makaranas ng pagsakit ng tiyan at may mild sore throat, batay sa pahayag bg Big Hit Music.

Nagpositibo siya sa COVID-19 at kasunod nito ay isinagawa rin ang operasyon noong Lunes.

“The surgery was successful and Jimin is currently recuperating after his procedure,” ani Big Hit Music, kung saan sinabi ring kasalukuyang nagpapagaling sa COVID-19 ang BTS member.

Nakatakda ring sumailalim sa ilang araw na in-patient treatment sa COVID-19 at postoperative care ang singer.

Si Jimin, 26, ay ang ikaapat na miyembro ng grupo na nagpositibo sa COVID-19.

“Baby shark” first video sa YouTube na nagkaroon ng 10 billion views

ni Jasmin Joy Evangelista | January 22, 2022

Umabot na sa 10 billion views ang isa sa mga paboritong kanta ng mga bata sa YouTube, ang “Baby Shark”.

Napakahalagang milestone nito para sa mismong video at sa YouTube dahil bukod sa ito ang most viewed video sa naturang platrform, ito rin ang kauna-unahang video na nakapagtala ng 10 billion views.

Ang kantang ito ay ini-release noong 2016 ng South Korean educational company na Pinkfong.

“Today we mark history with our special milestone!” pahayag ng Pinkfong sa Facebook page nitong Huwebes.