K-POP BOY GROUP, TREASURE, BALIK ‘PINAS

ni Rensel Sabando @Entertainment | February 22, 2024

Babalik na sa Maynila ang K-pop boy group na Treasure para sa kanilang 2024 TREASURE’s Relay Tour Reboot concert.

Sa kanilang opisyal na Instagram account, inihayag ng 10-member Korean boy group ang kanilang nalalapit na Asian tour sa Manila sa SM Mall of Asia Arena sa Pasay sa darating na May 4.

Ini-repost ang post noong February 20, Miyerkules, ng local concert organizer na Live Nation Philippines, na magsisilbing local promoter nila.

Kasabay ng kanilang Manila leg, dadalhin din ng TREASURE ang kanilang Relay Tour sa iba't ibang lungsod tulad ng Hong Kong at Bangkok sa Mayo. Bibisita rin sila sa Kuala Lumpur at Jakarta sa Hunyo 2024.

Ang mga karagdagang detalye kabilang ang mga presyo ng ticket, petsa ng pagbebenta, set plan, at mga benepisyo ng fan ay hindi pa iniaanunsiyo.

Itinatampok ng TREASURE's Relay Tour ang pangalawang full-length album na Reboot ng grupo, na inilabas nila noong Agosto noong nakaraang taon.

Ayon sa Pink Villa, ipinaliwanag ng YG Entertainment na ang paparating na Asian Tour ay binalak para sorpresahin ang mga fans na sumuporta at nagpakita ng pagmamahal sa grupo sa kanilang huling full studio album.

Idinagdag din ng entertainment agency na ang mga miyembro ay nagsusumikap na ibigay ang kanilang makakaya sa kanilang pagtatanghal sa Asian tour na ito.

Hollywood debut success... Liza, tinawag na superstar ng American filmmaker

ni Angela Fernando - Trainee @News | February 10, 2024

Hollywood debut ni Liza Soberano, huge success talaga!

Kamakailan ay naging maingay ang pangalan ng Pinay actress na si Liza Soberano dahil marami ang napabilib ditong American critics sa kanyang performance sa "Liza Frankenstein," na lumabas sa mga sinehan nu'ng Miyerkules.

Kasabay ng mga papuring nakukuha ng pelikulang pinagbibidahan nina Kathryn Newton at Cole Sprouse, a breath of fresh air nga raw kung maituturing ang pagganap ni Liza sa karakter ni Taffy.

Sey pa ng American filmmaker na si Joe Russo, scene-stealer and superstar daw talaga si Liza.

May isa pang komento ang nagsabing sana ay umikot na lang ang kwento kay Taffy dahil may edge sa karakter nito na "very humane," at ginampanan daw ito nang maayos ng aktres.

Talagang maganda ang simula ng career ni Liza sa Hollywood kaya looking forward ang madla sa mga susunod na projects nito.

Comeback na ba… 2NE1, NAGSAMA-SAMA ULI

ni Rensel Sabando - Trainee @Entertainment | February 9, 2024

Nakakuha ng atensiyon ang isang Instagram post ni CL kasama ang iba pang members ng 2NE1 na sina Dara, Park Bom, and MInzi sa isang elevator na nakatingin sila sa ceiling nito.

Nitong February 7, nakita ang South Korean girl group na 2ne1 na nag-reunite after two years ng kanilang hiatus.

Ayon sa mga Blackjacks na tawag sa mga fans ng 2ne1 ay parang nagbibigay ng pahiwatig ang girl group para sa muling pagbabalik nila sa K-pop world.

Sa isang post ni Sandara Park o mas kilalang Dara ay meron silang mirror selfie kapareho sa post ni CL na nagpaingay sa mga fans.

Ngunit sa post ni Dara, ang caption niya lang ay mga heart emojis na nag-represent ng kanilang individual colors.

Samantala, ang mga fans ay hindi mapigilang mag-comment ng ganito “2ne1 will have comeback album and performing this year under 88rising Futures in Coachella 2024.

Let our delulu ass claim this.”

“Our Blackjack hearts. The fact you all are still best friends. We love you. One more reunion please," komento ng isang fan.

“Miss you so much,” dagdag pa ng isang netizen.

Nag-debut ang 2NE1 nu’ng 2009, at last Coachella 2022 sa set ni CL nagkaroon sila ng reunion kung saan kinanta nila ang sikat nilang mga songs like “Fire”, “I Don’t Care” and “I Am The Best”.

Sa ngayon, patuloy na nakakakuha ng maraming likes ang post nina Dara at CL sa Instagram at mga comments ng fans, ang sigaw pa rin ay “Comeback please!”