Sikat na sangkap, pero oks din sa ibang paraan...

Amoy ng pinakuluang sampalok, pampalakas ng immune system!

ni Sir Govinda Jeremaya - @Halamang Gamot | June 27, 2020

Ang sampalok/tamarind.

Nakilala ang Pilpinas sa buong mundo dahil sa iba’t ibang masarap na lutuin tulad ng adobo, paksiw at sinigang.

Sinigang ang pinakasikat at ang hinanap-hanap at mahirap makalimutan ang “sinampalukan” tulad ng sinampalukang manok. Kung ang pag-uusapan naman ay mga pagkaing gamot, ang sinampalukang manok ay ang numero-uno sa lahat ng lutuing gamot.

Tiyak na ang sipon ay gagaling dahil sa sinampalukang manok at ang iba pang respiratory illness ay nalulunasan nito.

May sipon ka ba? Subukan mong kumain ng sinampalukang manok. Try mo, wala namang mawawala sa iyo kapag sinunod mo ang advice na ito. Ang totoo nga, baka may madagdag pa sa listahan ng iyong paboritong ulam at ito ang sinampalukang manok.

Ang gamit sa sinampalukan ay ang usbong ng tamarind dahil ito mismo ang nagpapasarap sa mga lutuin. Pero hindi lang ito masarap dahil ito rin ay sobrang bango. Kaya nga sa mga lutuing Pinoy, ang sinampalukan ay isa sa pinakamabangong ulam.

Pero hindi lang sa pagkain o pagluluto sikat ang sampalok, partikular na ang mga dahon, dahil ang mga dahon ng sampalok ay ginagamit na pampaligo ng kababaihang bagong panganak. Isang tradisyunal na gawain ito rito sa atin kung saan ang bagong panganak ay naliligo bago tumabi sa asawa.

Medyo nakakagulat ang ganitong nakaugalian, pero ganu’n ang nakagisnan sa malalayong probinsiya na dapat munang maligo ng pinakuluang dahon ng sampalok ang babaeng nanganak bago tumabi sa kanyang asawa.

Ayon sa mga tradisyunal na mga herbularyo, ang tulad ng mga dahon ng sampalok ay may kakayahang patayin ang mikrobyong kumapit sa nanganak at tulad ng nasabi na, ang babaeng naligo sa tubig na pinakuluan na may mga dahon ng sampalok ay babango at mas mabango pa kaysa sa mga mahilig gumamit ng pabangong gawa sa kemikal.

Ayon din sa mga herbularyo, ang amoy ng pinakuluang sampalok ay nagbibigay ng added power sa immune system kung saan nasa todong lakas ito.

Kaya pampaligo man o sangkap sa mga ulam, ang dahon ng sampalok na pinakuluan – hindi pa man aktuwal na kinain—ay may medicinal na benepisyo na.

Narito pa ang ilang kaalaman tungkol sa sampalok, ang isang tasang sampalok ay nagtataglay ng mga sumusunod:

• Magnesium: 28% of the RDI (reference daily intake)

• Potassium: 22% of the RDI

• Iron: 19% of the RDI

• Calcium: 9% of the RDI

• Phosphorus: 14% of the RDI

• Vitamin B1 (thiamin): 34% of the RDI

• Vitamin B2 (riboflavin): 11% of the RDI

• Vitamin B3 (niacin): 12% of the RDI

• Vitamins B5, B6, B9, C at K

• Copper

• Selenium

Ang mga nasa itaas ang sustansiyang makukuha sa pagkain ng sampalok. Kaya bukod sa mga dahon at usbong, talagang number one ang sampalok sa larangan ng panggagamot. Dahil na rin sa ang ibang halamang gamot, nagagamit ang maraming bahagi na hindi kasing sarap ng bunga, dahon at usbong ng sampalok.

DAGDAG-KAALAMAN: Gusto mo bang magkaroon ng year-long-supply ng usbong ng sampalok? Siyempre, oo ang sagot mo para sa tuwing gusto mong magluto ng sinampalukan ay may makukuha kang usbong ng sampalok.

Simple lang ang paraan, alisin mo ang mga dahon ng sampalok sa kanyang sanga at makikitang magkakaroon ito ng mga bagong usbong. Gawin ito sa tuwing maiisip mo na masarap na magluto ng sinampalukan.

Good luck!

Iba’t ibang uri ng kanser, kering labanan ng peras!

ni Sir Govinda Jeremaya - @Halamang Gamot | June 24, 2020

Ang peras o pear.

Marami ang naiintriga sa prutas na peras. Minsan, bago kainin ang peras, napapaisip ka lalo na kung ikaw ay babae.

Ang maaring maitanong ng isip mo, “Am I belong to the people with pear-shaped body?” Tapos, maaari ring bigla mong hawakan ang iyong balakang o dibdib at maitanong kung ano ang body shape mo.

Ang “pear-shaped” body ay malaki ang balakang at sa totoo lang, maraming lalaki ang naaakit sa mga babae na may malaking balakang dahil para sa kanila, ang malaking balakang ay super-sexy.

Samantala, ang mga babaeng may maliit na balakang ay lihim na malungkot dahil alam ng lahat na ang balakang ay mahalagang bagay na pang-akit sa mga lalaki.

Kaya lang, sikolohiyal ang usapan sa itaas, as in, likhang isip lang, pero mahirap pasinungalingan na ang malaking balakang ay naglalarawan ng kaseksihan.

Gayunman, ang may malaking balakang o pear-shaped body, ayon sa larangan ng medisina ay healthier kaysa sa iba pang porma o hugis ng katawan. Ito ay sa dahil ang fat na nakadeposito sa balakang ay hindi aakyat at hindi makakaapekto sa buong katawan kaya mas kaunti sa mga may pear-shaped body ang may heart disease, gayundin, hindi gaanong mapanganib sa kanila ang stroke at diabetes.

Magandang balita ang nakaugnay sa pear-shaped body, ano naman kaya ang tungkol sa mismong prutas na pear o peras?

Ang pear o peras ay nagtataglay ng iba’t ibang compounds na may anti-cancer properties. Tulad ng anthocyanin and cinnamic acid contents na sinasabing panlaban sa cancer, lalo na ang lung cancer, stomach at cancer sa bladder.

Mayaman din ang peras sa flavonoids na panlaban sa breast at ovarian cancer. Kaya ang peras ay ang numero-unong prutas na gustung-gusto ng kababaihan kaysa sa iba pang mga prutas.

Higit sa lahat, ang peras ay nagsisilbing gamot sa kakulangan ng sustansiya sa katawan dahil ito ay nagtataglay ng mahahalagang vitamins at minerals kung saan ang isang pangkaraniwang laki ng peras ay may:

• Protein: 1 gram

• Carbs: 27 grams

• Fiber: 6 grams

• Vitamin C: 12% of the Daily Value (DV)

• Vitamin K: 6% of DV

• Potassium: 4% of the DV

• Copper: 16% of DV

Gayundin, ang karaniwang size ng peras ay nagtataglay ng:

• Folate

• Provitamin A

• Niacin

• Copper

• Potassium

• Polyphenol antioxidants

Apple, orange, grapes o pear, ano ang pinakamalapit sa puso ng kababaihan?

Sana all!

Kaya lang, ayon sa isinagawang pag-aaral tungkol sa mga prutas at kababaihan, peras ang much loveable ng kababaihan sa buong mundo.

Good luck!