Santiago, Japanese citizen na pakay ang 2028 L.A. Olympics

ni Gerard Arce @Sports | August 22, 2024

Photo: Circulated / Sachi Minowa / Jaja Santiago-Manabat / Attackline

Pursigidong mas makamit ng bagong Japanese citizen na si Sachi Minowa o mas kilala bilang si Jaja Santiago ang pangarap na makapaglaro sa Summer Olympic Games partikular na sa 2028 Los Angeles Games bilang parte ng Nippon national team.

Mayroon pang pagkakataon na katawanin ng 28-anyos na tubong Tanza, Cavite ang bansang Japan sa ika-34th edisyon ng prestihiyosong quadrennial meet, kung saan minsan na itong naimbitahang mag-tryout sa national squad habang nasa proseso pa ang kanyang citizenship.

Hindi lang umabot sa tamang oras ang kanyang pasaporte para sa kampanya sa 2024 Paris Olympics para sa women’s volleyball team, kung saan nabigong makapasok sa quarterfinal berth ang Japan para bumagsak sa ika-9 na puwesto, na bahagyang nahigitan ang 10th place finish sa 2020 Tokyo Olympics.

Sa kanyang pahayag sa Instagram post nitong Sabado ay lubos itong nagpapasalamat na nakamtan nito ang pangarap na makakuha ng bagong citizenship para maging parte ng Japanese team at makatulong sa mga susunod na kumpetisyon. “We grow older as we progress in our careers. Also, I don't know how long I can be a professional volleyball player. What I know now is that I will do my best with the talent God has given me, for my family, for my dream, for the people who believe in me and support me,” paliwanag ng 6-foot-4 middle spiker.

Bagaman apat na taon pa ang kailangang hintayin ng dating National University Lady Bulldogs upang maisakatuparan ang pangarap na makapaglaro sa Olympiad, malaki naman ang paniniwala ng kanyang nakatatandang kapatid na si Dindin Santiago-Manabat ng Choco Mucho Flying Titans na magagawa nitong matupad ang mga minimithi lalo pa’t malakas ang pangangatawan nito at walang anumang nararamdamang sakit o malalang injuries. 

Crossovers at Angels, agawan sa q'finals, Titans susubukin ng Hitters

ni Gerard Arce @Sports | August 22, 2024

Photo: Chery Tiggo Crossovers at Petro Gazz Angels / Premier Volleyball League

Mga laro ngayong araw (Huwebes)

(FilOil EcoOil Centre)

1 n.h. – Creamline vs Zus Coffee

3 n.h. – PLDT vs Choco Mucho

5 n.h. – Chery Tiggo vs Petro Gazz 

Daraan sa krusyal na giyera ang back-to-back finalists na Choco Mucho Flying Titans kung mananatiling uusad ito sa quarterfinals laban sa magandang sagap ng PLDT High Speed Hitters, habang puwestuhan na lamang patungong quarterfinals ang hanap ng Chery Tiggo Crossovers at defending champions na Petro Gazz Angels sa main game sa triple-header na aksyon sa the Premier Volleyball League Reinforced Conference ngayong Huwebes sa FilOil EcoOil Centre sa San Juan City.

Kinakailangang maitawid ng 2-5 na rekord na  Titans ang laban kontra Hitters na tangan ang 5-2 kartada, katabla ang Tiggo at Cool Smashers, na pare-parehong sasabak sa magkakahiwalay na laban ngayong araw.

Kasalukuyang naghahabol ang Titans sa likod ng Farm Fresh Foxies na may 3-5 marka. Sakaling manaig ang Titans sa 2 puntos na kalamangan ay aabante ito sa knockout quarterfinals kaharap ang walang talo at top seed na Akari Chargers na eight seed.

Sakaling matalo ang Titans sa PLDT sa 5th set,  isang puntos lamang ang maibibigay sa  Titans na malalaman sa bisa ng knockout game kontra Foxies dahil sa pagkakatabla, habang kung mananalo ang PLDT sa tatlo o apat na set ay didiretso ang Foxies sa quarters.

Tumindi naman ang pangangailangan ng Titans na manalo vs. PLDT matapos mabigo sa CCA sa straight set noong Sabado sa MOA Arena, habang magpapatibay naman ang CCS  sa ikatlong pwesto laban sa Zus Coffee Thunderbelles sa pambungad na aksyon. 

Pacman, panalo sa kaso laban sa Paradigm Sports

ni Gerard Arce @Sports | August 21, 2024

Photo: Manny Pacquiao

Pormal nang ibinasura ng Superior Court ng State of California mula sa County of Orange Central Justice Center ang $5.1-M o P282-M na isinampang kaso na ‘breach of contract’ kay Filipino boxing legend Manny “Pacman” Pacquiao ng kumpanyang Paradigm Sports Management upang tapusin ang tatlong taong pakikipaglaban sa naturang kaso.

Isinapinal ni California Superior Court Judge Walter Schwarm ang huling desisyon sa akdang inilabas nitong Agosto 12, 2024 para ideklarang walang bisa ang kaso sa kadahilanang ilegal ang hakbang dahil napag-alamang walang lisensiya bilang manager si Paradigm chief Audie Attar para sa mga boksingero sa California noong 2019, gayundin noong 2020 at 2021.

Unang beses na nagkaroon ng kasunduan sina Pacquiao at ang Paradigm Pebrero 8, 2020, habang pumasok sa partnership contract ang mga ito noong Oktubre 11 na eksklusibong kasosyo sa buong mundo. Subalit napag-alamang nagkaroon lang ng lisensya si Attar sa California mula Abril 14, 2016 hanggang Abril 30, 2017, subalit napaso ang lisensya matapos hindi makumpleto ang taunang renewal.

“The court finds for Mr. Pacquiao on the declaratory relief cause of action and declares the contract void due to illegality,” pahayag ni Judge Schwarm na naunang ipinag-utos noong Hulyo na ipawalambisa ang pagbabayad ni Pacquiao ng $3.3-M para sa breach of contract at $1.8-M para sa ‘breach of the implied covenant of good faith and fair dealing’ na iniatas ng Orange County jury noong Mayo 2, 2024 para sa 10 mga hatol laban sa nag-iisang 8th division World champion.

“We are pleased that the court made its final decision on the legal issues in Mr. Pacquiao’s favor. After hearing Paradigm Sports Management’s objections to the tentative decision, the court decided the contract that Paradigm sought to enforce Mr Pacquiao was illegal as Paradigm was not properly licensed,” saad ni Atty. Aniel.