Injuries at pahinga ang kailangan ng PLDT, kaya umatras sa PVL Invt'l

ni Gerard Arce @Sports | September 2, 2024

Kinumpirma ni Premier Volleyball League commissioner Sherwin Malonzo ang pagkatanggap ng pormal na hiling ng PLDT High Speed Hitters na mag-backout na sa Invitationals noon pang Huwebes, mula sa initial semis game day pero hindi natuloy dahil sa power outage.  

Ayon naman sa pag-aanalisa ng liga, ang ginawang protesta ng PLDT at pagkatalo ay wala namang kaugnayan sa pasya ng team, nakasentro lang anila ang lahat sa naisin ng team na makapagpahinga at makapagpagaling dahil sa rami ng players nila na may mga injuries.   

Una nang nagpahayag ang PLDT na  hindi na masisilayan ang  kanilang laro  sa 2024 Premier Volleyball League (PVL) Invitational Conference. Gayunman, hindi ito dahil sa kontrobersiyal nilang pagkatalo laban sa Akari Chargers sa nakaraang semifinal round sa Reinforced Conference nitong Sabado sa MOA Arena, Pasay City. Una nang lumiham ang High Speed Hitters sa PVL noong nakaraang linggo, ayon sa ulat at aprubado na umano ito ng liga. 

Ayon sa source ng PLDT, batbat ng injuries ang kanilang players at hirap na umanong mairaos ang kanilang laro at wala naman anilang kaugnayan ang nangyari noong Sabado. Magpapahinga raw muna ang PLDT matapos ang kanilang bronze medal match ngayong Lunes dahil nais ng team na makapagpagaling muna ang kanilang players mula sa matitinding injuries. 

Napuno ng kontrobersiya ang kanilang pagkatalo lalo na sa Set 5 kung saan humiling ang coaching staff ng challenge sa net fault pero hindi tinanggap. Ang semifinalists ng Reinforced Conference ay eligible na maglaro para sa Invitational tilt na nakatakda ngayong darating na Linggo. Pasok na ang Akari, Creamline, Cignal at guest teams Kurashiki Ablaze at EST Cola sa kompetisyon kabilang na ang ipapalit sa team ng PLDT.  

Napag-alaman na ang mga injured na players ay sina Fil-Canadian ace Savi Davison at debut spiker Kianna Dy.  

Chargers nakasampa na sa c'ships round PVL

ni Gerard Arce @Sports | September 1, 2024

Mga laro bukas (Lunes)

(Smart Araneta Coliseum)

Battle-for-Third

4 n.h. – Creamline/Cignal vs PLDT High Speed Hitters

Finals: Winner-take-all

6 n.g. – Akari Chargers vs Creamline/Cignal 

Kumarga ng kanilang ika-10 sunod na panalo ang Akari Chargers patungo sa kanilang kauna-unahang pagtuntong sa championship round kasunod ng dikdikang five-set panalo sa matinding koneksyon ng PLDT High Speed Hitters na nagtapos sa 25-22, 18-25, 22-25, 26-24, 17-15, kagabi, upang maipagpatuloy ang kanilang ‘Cinderella Story’ sa semifinal round ng Premier Volleyball League (PVL) Reinforced Conference sa SM Mall of Asia Arena sa Pasay City.

Iginiya ng trifecta nina import Oly Okaro, Ivy Lacsina at Gretchel Soltones ang atake ng Akari, higit na ang pangunguna ng American spiker sa 39 puntos mula sa 35 atake 4 blocks para makuha ng kanilang prangkisa ang pinakamalaking panalo sa kasaysayan ng paglahok nito sa liga.

Kumamada rin ang dating National University Lady Bulldogs na si Lacsina ng 19 puntos, habang hindi nagpatinag sa pagsuporta ang three-time NCAA MVP na si Soltones sa 16 puntos. Nag-ambag din ng double-double sa depensa si Dani Ravena sa 17 excellent receptions at mahusay na paggabay ni Kamille Cal sa 18 excellent sets.

Matapos makauna ng Akari sa first set ay nagawang pumuro ng High Speed Hitters sa pagtala ng panalo sa 2nd at 3rd set, subalit nanatiling matatag ang loob ng Akari na ipagpatuloy ang kanilang winning streak at pangarap na makarating sa unang tapak sa kampeonato para mapuwersa ang winner-take-all fifth set.

Sa huling set ay nagawang maglaban ng husto ng Akari mula sa 12-14 na paghahabol, na nahaluan pa ng mabigat na bentahe matapos na mabigong makakuha ng pagpabor sa challenge na maaaring magbigay sa PLDT ng panalo.

High Speed Hitters, umatras sa PVL Invt'l Conference

ni Gerard Arce @Sports | September 1, 2024

Kinumpirma ni Premier Volleyball League commissioner Sherwin Malonzo ang pagkatanggap ng pormal na hiling ng PLDT High Speed Hitters na mag-backout na sa Invitationals noon pang Huwebes, mula sa initial semis game day pero hindi natuloy dahil sa power outage.

Ayon naman sa pag-aanalisa ng liga ang ginawang protesta ng PLDT at pagkatalo ay wala namang kaugnayan sa pasya ng team, nakasentro lang anila ang lahat sa naisin ng team na makapagpahinga at makapagpagaling dahil sa rami ng players nila na may injuries.

Una nang nagpahayag ang PLDT na hindi na masisilayan ang k kanilang laro sa 2024 Premier Volleyball League (PVL) Invitational Conference.

Gayunman, hindi ito dahil sa kontrobersiyal nilang pagkatalo laban sa Akari Chargers sa nakaraang semifinal round sa Reinforced Conference nitong Sabado sa MOA Arena, Pasay City.

Una nang lumiham ang High Speed Hitters sa PVL noong nakaraang linggo, ayon sa ulat at aprubado na umano ito ng liga.

Ayon sa source ng PLDT, batbat ng injuries ang kanilang players at hirap na umanong mairaos ang kanilang laro at wala naman anilang kaugnayan ang nangyari noong Sabado.

Magpapahinga raw muna ang PLDT matapos ang kanilang bronze medal match ngayong Lunes dahil nais ng team na makapagpagaling muna ang kanilang players mula sa matitinding injuries.

Napuno ng kontrobersiya ang kanilang pagkatalo lalo na sa Set 5 kung saan humiling ang coaching staff ng challenge sa net fault pero hindi tinanggap.

Ang semifinalists ng Reinforced Conference ay eligible na maglaro para sa Invitational tilt na nakatakda ngayong darating na Linggo.

Pasok na ang Akari, Creamline, Cignal at guest teams Kurashiki Ablaze at EST Cola sa kompetisyon kabilang na ang ipapalit sa team ng PLDT.

Napag-alaman na ang mga injured na players ay sina Fil-Canadian ace Savi Davison at debut spiker Kianna Dy.