PVL kinilala nang Pro Volley League ng PNVF

ni Gerard Arce @Sports | Nov. 7, 2024

Pormal nang humarap sa media ang lahat ng bumubuo ng All-Filipino Conference PVL Premier Volleyball League sa Novotel Manila kung saan nagbahagi ng mga impormasyon hinggil sa liga si PNVF at AVC President Ramon "Tats" Suzara kasama si PVL President Richard Palou habang kumpleto rin ang mga opisyal ng 12 koponan. Nakatakdang simulan ang liga sa Nob. 9 sa Philsports Arena, Pasig City. (Reymundo Nillama)

Pormal nang kinilala ni Philippine National Volleyball Federation (PNVF) at Asian Volleyball Confederation (AVC) president Tats Suzara ang Premier Volleyball League (PVL) bilang pangunahin at nag-iisang professional volleyball league sa bansa kasunod ng nalalapit na pagbubukas ng 2024-25 Premier Volleyball League (PVL) All-Filipino Conference sa Nob. 9 sa Philsports Arena sa Pasig City.

Inilahad ni Suzara ang pagsuporta sa nag-iisang women’s volleyball league sa bansa sa press conference sa Maynila, na kanyang tinawag bilang nangingibabaw na organisasyon sa bansa.

Binibigyang-diin ng pagkilalang ito ang pag-unlad ng PVL mula nang simulan bilang Shakey's V-League noong 2004 hanggang sa pagiging isang propesyonal na liga noong 2021.

Ang All-Filipino Conference ng liga ang magiging pinakamahabang tournament nito na umaabot sa loob ng 6 na buwan at naaayon sa international FIVB calendar, kung saan nakikitang isa sa pinaka-balanse at unpredictable na season ang next conference. Ang conference ay preparasyon na rin para sa mga pandaigdigang torneo kabilang ang 2024 AVC Champions League sa Seoul, South Korea.

Ang magkakampeon sa All-Pinoy ay kakatawanin ang Pilipinas sa AVC Champions League, kung saan sasagutin lahat ng PVL ang lahat ng gastusin. Nakatakda ring kumuha ng dalawang bigating import ang koponan para mas maging matatag at malaki ang tsansa laban sa matitinding Asian clubs.

“The PVL is committed to fully supporting our representative club in the AVC Champions League,” wika ni Suzara, na hinihimok ang mga koponan na gamitin ang pagkakataong ito upang sumikat sa pandaigdigang estado.

“Thanks to the collaboration with (PVL president) Ricky Palou, all expenses, including travel and logistics for the AVC tournament, will be managed by PVL.” Maglalagay din ng mga international neutral referees sa mga semifinals at finals matches para masigurong patas at sumusunod sa mga pandaigdigang pamantayan.

Jiujitera Custodio gold, Co silver, Ramirez bronze

ni Gerard Arce @Sports | Nov. 3, 2024

Sina Custodio, Co, Palanca at Ramirez nang humakot ng gold, silver at bronze medals sa 2024 JJIF World Championships sa Greec. Photo: (pscpix)

Bumalibag muli ng gintong medalya at ikalawang World title si Pinay jiujiteira Kimberly Anne Custodio matapos ibulsa ang korona sa women’s under-45kgs category laban kay Balqees Abdulkareem Abdoh Abdulla ng United Arab Emirates sa bisa ng advantage point, habang nagbulsa ng silver at bronze medal sina Jollirine Co at Daniella Palanca at may tansong medalya si 2019 World jiu-jitsu champion Annie Ramirez upang umabot na sa apat na medalya ang Pilipinas sa magkahiwalay na dibisyon sa ginaganap na 2024 Jiu-jitsu World Championships sa Heraklion, Crete, Greece.

Naunang nagka-titulo noong 2022 edisyon sa Ulaanbaatar, Mongolia, kung saan tinalo nito si Kacie Pechrada Tan ng Thailand, habang nabawian ng 2018 Asian Championships bronze medalists ang kasalukuyang World No.1 para sa tapatan ng top-two athletes, habang nabawian si Balqees na tumalo sa kanya noong 2023.

Bago makuha ng 2019 Jiu-Jitsu Grand Prix champion ang korona ay nagawa muna nitong pasukuin si Abdyyeva Hurma ng Turkmenistan sa iskor na 15-0 sa Round 1, habang isinunod na pasukuin si World No.3 Aysha Alshamsi ng UAE sa bisa ng submission sa Round 2 ng main Pool.

Muling tumapos ng bronze medal si Palanca sa parehong kategorya nang talunin si Abdyyeva sa bronze medal, matapos daigin ni Balqees sa Round 2. Bigo namang makakuha ng medalya si two-time World champion at World No.1 Meggie Ochoa nang tumapos ito bilang No.7 nang talunin ng Thai grappler sa advantage point, habang pinatapik ni Betty Van Aken ng France sa lower bracket.

Nagawang makatuntong sa finals ng World No.8 na si Co matapos talunin Rachel Shim ng Canada sa 6-0. Kinapos naman sa podium finish si women’s under-52kgs World No.1 at 2023 World Games titlist Kaila Napolis nang hindi makalusot kay Michal Baly ng Israel, na dalawang beses siyang tinalo sa Round 2 at battle-for-bronze para tumapos sa ika-fifth spot. (GA) 

Kingad lalapit sa ONE World title sa pagretiro ni 'Mighty Mouse'

ni Gerard Arce @Sports | September 12, 2024

Maaaring  magbukas muli ang pintuan para kay Filipino mixed-martial artists Danny “King” Kingad para makalaban sa World championships matapos pormal na magretiro ang ONE Flyweight champion na si Demetrious “Mighty Mouse” Johnson nitong nagdaang linggo sa jampacked crowd na 21,000-capacity na Ball Arena sa Denver, Colorado.

Pitong taong hinintay ng No.3 flyweight contender na si Kingad ang pagkakataon na muling makaharap si dating ONE Championship titlist Adriano “Mikinho” Moraes ng Brazil sa pagtalatag ng rematch sa ONE 169: Atlanta na gaganapin sa Nobyembre 8 sa State Farm Arena sa Atlanta, Georgia.

Ito na marahil ang isa sa hinihintay na pagkakataon ng 28-anyos mula Lions Nation MMA fighter na maisakatuparan ang kanyang kagustuhang makalapit sa titulo kasunod ng dalawang beses na pagkabigo laban kay Moraes noong Nobyembre 10, 2017 sa bisa ng first round submission sa SM Mall of Asia Arena, habang muling nadismaya kontra kay Johnson sa unanimous decision noong Oktubre 13, 2019 sa ONE: Century sa Tokyo, Japan. “I’m happy that now the flyweight division can move on. Chatri and the matchmakers can start putting together next, you know, a flyweight championship,” pahayag ni Johnson. “Adriano, and I think it’s Danny Kingad, are fighting next. So they can move on.”

Wala pa mang pinal na kumpirmasyon sa magiging kalalabasan ng 26-pounds gold title, kasalukuyang tangan ni Moraes ang No.1 contender, habang gigil ang tubong Sadanga, Mountain Province na muling makabalik sa tuktok ng tagumpay, na planong makabawi sa nakadidismayang pagkatalo kay Yuya “Little Piranha” Wakamatsu sa ONE 165 nitong Enero 28 sa Tokyo, Japan.

Hawak ni Moraes ang pagiging No.1 ranked sa flyweight division matapos na dalawang beses na matalo kay Johnson sa rematch noong Agosto 27, 2022 sa 4th-round knockout para mawala ang korona nito at sa ikatlong paghaharap noong Mayo 5, 2023 sa ONE Fight Night sa U.S. sa unanimous decision.