Amos paiinitin ang rivalry ng Ateneo at La Salle

ni Gerard Arce @Sports | July 26, 2024

Photo: Si Mason Amos ang aasahan ng kanyang bagong koponan. (onesportspix)

Mas lalo pang paiigtingin ang mahigpit na magkaribal sa collegiate basketball na De La Salle Green Archers at Ateneo Blue Eagles sa paglipat ni Gilas Pilipinas forward Mason Amos sa Taft-based ball squad kasunod ng panibagong pahayag nitong hindi pagiging masaya sa dating koponan.

Inamin ng 6-foot-7 stretch forward na maaaring magdulot ng mainit na usapin pagdating sa mga alumnis, Ateneo community at mga supporters ang panibagong litanya sa kadahilanan ng pag-alis sa Katipunan upang hanapin ang bagong tahanan sa defending at reigning University Athletic Association of the Philippines (UAAP) men’s basketball champions na La Salle.  

Ayon sa isang report, sinabi ni Amos ang kanyang rason sa kontrobersyal na pagtalon sa mahigpit na karibal matapos ang isang season lamang sa Ateneo, kung saan nabigong makapasok sa Finals ang koponan matapos malaglag sa Final 4 kontra sa back-to-back runner-up na University of the Philippines Fighting Maroons.

“Mentally it was draining for me. I’m just gonna be honest about it.  I wasn’t happy there. That’s really the bottom line for me. I don’t want to be somewhere where I’m not enjoying it,” There’s a lot of reasons why I left, but I’ll save that for another time,” paglalahad ni Amos sa panayam ng TV5.

Nauna ng naglabas ng kanyang mainit na pasasalamat ang Filipino-Australian sa kanyang mga dating kakampi at coaches sa social media na papahalagahan ang naging pagsasama at mga nakuhang karanasan at natutunan sa isang taong pamamalagi sa Katipunan-based squad.

HD Spikers, Chargers at Angels, magpapatibayan

ni Gerard Arce @Sports | July 23, 2024

Photo: Premier Volleyball League

Mga laro ngayong araw

1 p.m. – ZUS Coffee vs Cignal

3 p.m. – Choco Mucho vs Akari

5 p.m. – Capital1 vs Petro Gazz 

Kapwa hangad ng Cignal HD Spikers, Akari Chargers at defending champions Petro Gazz Angels na maipagpatuloy ang kanilang maagang pagsososyo sa liderato sa Pool B sa ikalawang linggo ng Premier Volleyball League (PVL) Reinforced Conference sa Philsports Arena sa Pasig City.

Pare-parehong nakakuha ng unang panalo ang tatlong koponan sa opening week ng kumperensya ng walisin ng Cignal ang last conference runner-up na Choco Mucho Flying Titans sa 25-18, 25-21, 25-16, gayundin ang Akari na kinuryente ang Capital1 Solar Spikers sa 25-18, 27-25, 22-25, 25-14, habang madaling nakakuha ng panalo sa straight set ang Petro Gazz laban sa Zuss Coffee Thunderbelles sa 25-16, 25-21, 25-21 nung Huwebes ng hapon.

Unang sasalang ang HD Spikers laban sa Thunderbelles sa pambungad na paluan sa ala-1:00 ng hapon, na susundan ng Chargers kontra sa mas pinatatag na Flying Titans sa alas-3:00 ng hapon at powerhouse na Angels kaharap ang Solar Spikers sa alas-5:00 ng hapon.

Muling sasandal ang Cignal kay import Maria Jose Perez na lumista ng 22 puntos mula sa 19 atake, dalawang aces at isang block, habang pipilitin ring iangat ni Asaka Tamaru ang Thunderbelles matapos all-around performance sa 17 puntos na ratsa para sa 15 atake at dalawang blocks kasama ang walong receptions at limang digs.

Muling namang magkikita ang Akari at ang dating manlalaro na si Dindin Santiago-Manabat para sa Flying Titans na umiskor ng walong puntos mula lahat sa spikes kontra Cignal. Subalit makakatapat nito si Ivy Lacsina na kumubra ng 20 puntos mula lahat sa kills katulong si import Oluoma Okaro na may 16 puntos mula sa 14 atake at tig-isang ace at blocks. 

Crossovers sinagasaan ang Chameleons, Galang bumida

ni Gerard Arce @Sports | July 21, 2024

Photo: PVL / FB

Mga laro sa Martes

(Philsports Arena)

1 n.h. – Zus Coffee vs Cignal

3 n.h. – Choco Mucho vs Akari

5 n.h. – Capital1 vs Petro Gazz 

Hindi hinayaang nag-iisang puputok sa opensa ni dating collegiate at professional MVP Ara Galang ang kanilang import para maniobrahin ang takbo ng laro ng Chery Tiggo Crossovers at kunin ang ikalawang sunod na panalo sa Pool A laban sa NXLed Chameleons sa 25-16, 25-20, 25-23 kahapon sa pambungad na laro ng 2024 Premier Volleyball League (PVL) Reinforced Conference sa Philsports Arena sa Pasig City.

Matapos na madaling makuha ang dalawang unang sets sa loob ng 29 minuto, sinandalan ng Crossovers ang 29-anyos na beteranong spiker upang bumira ng mga importanteng iskor, na tumapos ng double-double sa kabuuang 11 puntos mula sa pitong atake at apat na blocks at 11 excellent digs para segundahan si dating PSL Best Outside Spiker Katherine Bell na tumapos ng 21 puntos mula sa 19 kills at dalawang aces at 10 excellent digs.

“Mindset ko lang ay tulungan si kath, [kase] ‘di pwedeng umasa lang kami sa import namin, kailangan mag-contribute as much as we can,” pahayag ni Galang, para pangunahan ang lokal players sa kawalan nina power hitter Eya Laure at ace libero Jennifer Nierva na kumakampanya para sa Alas Pilipinas national team. “Mag-stick lang kami sa kakayanan namin at magtrabaho ng maayos at magwork as a team. Expect na pagbutihan lalo at magwork pa as a team.”

Nag-ambag rin para sa Crossovers si Shaya Adorador sa anim na puntos kasama ang pitong excellent receptions, gayundin ang 12 excellent sets at tatlong puntos ni Jasmine Nabor at 10 excellent receptions ni rookie floor defender Karen Verdeflor.