Lab for All program at PRIDE month celebration, sinuportahan ng Pag-IBIG Fund

ni Fely Ng @Bulgarific | July 3, 2024

Hello, Bulgarians! Kamakailan ay nakiisa si Pag-IBIG Fund Chief Executive Officer Marilene C. Acosta sa iba pang ahensya ng gobyerno sa pagsuporta sa programa ni First Lady Louise Araneta-Marcos’ Lab for All sa Mandaluyong College ng Mandaluyong City, sa pagsisikap na maihatid ang mga serbisyong panlipunan at medikal na mas madaling maabot ng mga komunidad sa buong bansa.

Dinala ng Pag-IBIG ang Lingkod Pag-IBIG on Wheels o LPOW para tulungan ang mga miyembro sa kanilang membership registration, cash loan, housing loan applications, issuance ng Pag-IBIG Loyalty Plus cards, at tugunan ang mga tanong sa membership.

“As Lingkod Pag-IBIG, we are committed to ensuring that our members are able to utilize our programs and services, whenever it is needed, wherever they may be. Our LPOW is prepared to be mobilized nationwide and participate in future Lab for All deployments,” pahayag ni Acosta.  Nagpakita rin ng suporta ang Pag-IBIG CEO sa mga miyembro ng LGBTQA+ na kasama sa pagdiriwang ng PRIDE month.

“Our Lingkod Pag-IBIG mantra -- Tapat na Serbisyo, Mula sa Puso, does not discriminate against anyone. Kami ang Pag-IBIG na walang pinipiling paglingkuran. Ang aming mga serbisyo at programa ay para sa bawat isang manggagawang Pilipino, ano man ang kasarian at antas ng pamumuhay. Nais naming makapagbigay ng isang Pag-IBIG na ramdam ng lahat,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

‘Parada ng Lechon’, dinagsa sa Balayan, Batangas

ni Fely Ng @Bulgarific | June 28, 2024

Hello, Bulgarians! Ang sikat sa buong mundo na “Parada ng Lechon” na nagmula sa lumang kaugalian na pasasalamat ng mga pamilyang pinalad na makatanggap ng ilang makabuluhang pagpapala sa nagdaang taon ay nagpaparada ng lechon sa plaza ng bayan tuwing Hunyo 24 – ang Araw ng Kapistahan ni San Juan Bautista, kung saan sentro ang Simbahang Romano Katoliko, ang pinakamagandang pagpapakita ng pasasalamat at pagpupugay sa kanilang patron.

Ipinagdiwang kamakailan ang nasabing okasyon para sa ika-65 Parada ng Lechon, sa pangunguna ni young-talented at visionary Balayan, Batangas Mayor Emmanuel Salvador P. Fronda II, na kilala rin bilang “JR Fronda”. Maraming lechon ang ipinarada at nag-uumapaw ang pagkain, kasabay nito ang mga kantahan, palabas at foam party sa Town Plaza habang game na game ang lahat sa basaan kasama si Mayor JR Fronda.

Bukod sa masayang pagdiriwang, ang samahan ng mga club sa distrito ay nagpakilala ng mga karagdagang sangkap ng beer at mga live band kasama ang Noah Band, Soul Groove Band, Allmo$t at iba pang mga performer na nag-ambag ng kanilang talento at oras para sa mas matinding kasiyahan sa pagdaraos ng pista.

Ang mga lokal at dayuhang turista, maliliit at malalaking negosyo, pati na rin ang national at international media ay dumagsa sa Balayan, Batangas nitong Hunyo 24 upang saksihan at lumahok sa natatanging pagdiriwang ng pista sa bansa.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Neonatal sepsis at bronchial asthma, dagdag na benefit package ng PhilHealth

ni Fely Ng @Bulgarific | June 8, 2024

Hello, Bulgarians! Ang Philippine Health Insurance Corporation (PhilHealth) ay nagpatupad ng isa pang round ng pagpapahusay sa dalawa sa kasalukuyan nitong mga benefit package, sa pagkakataong ito para sa neonatal sepsis at bronchial asthma na tumaas nang husto ng higit sa 100%.

Ang PhilHealth Circulars 2024-0008 at 0009, ang implementing guidelines ng dalawang case rate package na ito, ay nag-uutos na ang lahat ng pasyenteng na-admit noong Mayo 1, 2024 pataas, ay maaaring mapakinabangan ang dagdag na benepisyo sa mga akreditadong health facilities.

Ayon kay PhilHealth President and CEO Emmanuel R. Ledesma Jr., “the PhilHealth Board has approved the increase in package rate for neonatal sepsis to P25,793 from P11,700 and bronchial  asthma in acute exacerbation to P22,488  from P9,000. The increase translates to 120% and 150%, respectively”. 

Ang neonatal sepsis at iba pang nakakahawang kondisyon ay kabilang sa mga pangunahing sanhi ng pagkamatay sa Pilipinas. Noong 2023, nagbayad ang PhilHealth ng P733.86 milyon para sa mahigit 57,000 kaso para sa nasabing kondisyon.

Sa kabilang banda, ang asthma o hika ay nananatiling isang mabigat na karamdaman sa ‘Pinas sa kabila ng mga pagsulong sa medisina. Ang karamihan sa mga Pilipinong may hika ay walang sapat na kontrol sa kanilang mga kondisyon, na nagreresulta sa pagkaospital. 

Batay sa datos ng PhilHealth para sa 2023, ang hika ay nasa walo sa mga nangungunang medical confinement na tinustusan ng state insurer, kung saan P717M ang binayaran para sa mahigit  90,000 kaso ng asthma.

Tinukoy ng PhilHealth ang neonatal sepsis at bronchial asthma bilang mga prayoridad na kondisyon sa rasyonalisasyon ng All Case Rates packages nito upang higit na mapahusay ang financial coverage at mas mababa, kung hindi man maalis ang mga gastusin mula sa bulsa ng mga pasyente.

Paliwanag pa ni Ledesma, “PhilHealth is continuously improving its benefit packages in line with our thrust Pinalawak at mga Bagong Benepisyo para sa Mamamayang Filipino. We are hoping that these enhancements bring positive impact in the behavior of the Filipinos in seeking medical attention. Sa mga nangangailangang magpagamot, huwag na pong magdalawang isip dahil nakaalalay ang PhilHealth sa kanilang gastusing medikal”. 

Hinikayat din ng PhilHealth chief ang lahat ng miyembro na magparehistro sa gusto nilang Konsulta Package Provider para makakuha ng libreng konsultasyon, health screening at assessment, gayundin ang alinman sa 21 essential drugs at gamot at 13 laboratory test na kakailanganin ng kanilang primary care physician.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.