Batanes LGU, member na sa KaSSSangga Collect Program ng SSS

ni Fely Ng @Bulgarific | August 14, 2024

Hello, Bulgarians! Ipinahayag ng Social Security System (SSS) na mahigit 2,000 job order (JO) na manggagawa ng Provincial Local Government Unit (PLGU) ng Batanes ang magkakaroon ng social security protection sa ilalim ng KaSSSangga Collect Program (KCP) matapos na maging pinakabagong implementer ng programa. 

Sina SSS President and Chief Executive Officer Rolando Ledesma Macasaet at Batanes Governor Marilou H. Cayco ay pumirma ng Memorandum of Agreement (MOA) na nagpapahintulot sa mga JO worker ng pamahalaang panlalawigan na makakuha ng social security coverage mula sa SSS sa ilalim ng KCP.

“This only shows SSS is committed to its mandate of expanding social security protection and services to all working Filipinos up to the last mile provinces in the Philippines like Batanes,” pahayag ni Macasaet.

Ipinaliwanag ni Macasaet na sa ilalim ng KCP, ang mga JO worker ng PLGU ay irerehistro bilang mga self-employed na miyembro ng SSS. Kasabay nito, ang PLGU Batanes ay magsisilbing SSS collecting partner, na kokolekta ng kontribusyon ng mga JO worker sa pamamagitan ng salary deduction scheme at ire-remit ang mga ito sa SSS.

“The timely remittance of monthly premiums will ensure that JO workers are qualified to avail of SSS benefits and loan privileges in times of emergencies,” sabi ni Macasaet.

Sinabi rin niya na ang mga JO worker, bilang self-employed na miyembro, ay maaaring makakuha ng mga benepisyo ng SSS gaya ng sickness, maternity, disability, retirement, death, and funeral. “Maaari rin silang mag-avail ng loan privileges tulad ng salary at calamity loan,” aniya pa.

Bilang karagdagan sa mga benepisyo ng SSS, sila ay may karapatan na makatanggap ng mga benepisyo ng Employees’ Compensation (EC) sakaling magkaroon ng work-connected sickness, injury, or death.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

12th 'Unmodified Opinion' ng COA, natanggap ng Pag-IBIG Fund

ni Fely Ng @Bulgarific | August 4, 2024

Hello, Bulgarians! Nakatanggap ang Pag-IBIG Fund ng isa pang ‘Unmodified Opinion’ mula sa Commission on Audit (COA) para sa ika-12 magkakasunod na taon. Sa isang liham na may petsang 21 Hunyo 2024, ipinaalam ng mga state auditor sa ahensya na nagbigay ito ng unmodified opinion sa pagiging patas ng presentasyon ng mga financial statement ng Pag-IBIG Fund para sa 2023.

“This recognition from the COA, which Pag-IBIG Fund has earned for the 12th consecutive year, is a result of Pag-IBIG Fund’s commitment towards excellence and integrity in managing our members’ funds. We stay true to our mandate of providing secured savings and shelter financing in line with the directive of President Ferdinand Marcos, Jr. of providing means for Filipinos to achieve a better quality of life,” saad ni Secretary Jose Rizalino L. Acuzar, namumuno sa Department of Human Settlements and Urban Development and Chairman at sa 11-member Pag-IBIG Fund Board of Trustees.

Ang Pag-IBIG Fund ay tumanggap ng ‘unqualified opinion’ sa COA mula 2012 hanggang 2017 at ‘unmodified opinions’ mula 2018 hanggang 2023. Ang parehong unqualified and unmodified opinions ay nagpapahiwatig na ang financial statement ng isang ahensya o korporasyon ng gobyerno ay ipinakita sa lahat ng materyal na aspeto, alinsunod sa naaangkop na mga balangkas ng pag-uulat sa pananalapi.

“Pag-IBIG Fund achieved several milestones in 2023. Our financial standing remains strong, as we concluded 2023 with a record-high net income before MP2 returns of P49.79 billion. Pag-IBIG Fund also surpassed its housing records by releasing a total of P126.04 billion in housing loan takeouts, the highest home loans released during a single year in its 43-year history. This helped 96,848 members acquire new or better homes. Membership savings collection also reached a record high, with membership savings collections amounting to P89.26 billion. All these enabled Pag-IBIG Fund to declare P48.76 billion in dividends, which was distributed to its members as earnings on their savings for said year — highest in the history of Pag-IBIG Fund,” pahayag ni Pag-IBIG Fund CEO Marilene C. Acosta.

“Earning the ‘unmodified opinion’ for the 12th consecutive year further signifies how we were able to achieve our best performance while maintaining the highest standards of financial integrity. Our members and stakeholders can rest assured that we will remain their reliable partner and that we will continue to serve them with Tapat na Serbisyo, Mula sa Puso,” dagdag pa ni Acosta. 

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga kooperatiba sa Antique, tinutukan ng SSS

ni Fely Ng @Bulgarific | August 1, 2024

Hello, Bulgarians! Ipinahayag ng Social Security System (SSS) na mahigit 8,000 miyembro ng SSS ang maaari nang magbayad ng kanilang buwanang kontribusyon sa pamamagitan ng kani-kanilang mga kooperatiba matapos lumagda ang SSS ng partnership deal sa dalawang kooperatiba sa lalawigan ng Antique.

Sinabi ni SSS President at Chief Executive Officer Rolando Ledesma Macasaet na pumirma ang SSS ng isang kasunduan sa Belison at Hamtic Multi-Purpose Cooperatives (MPC) noong Hulyo 9 na magbibigay-daan sa kanila na tumanggap ng mga bayad ng kontribusyon at mapadali ang mga online transaction ng kanilang mga miyembro. 

Sa ilalim ng SSS Accreditation Program for Cooperatives, sinabi ni Macasaet na ang mga awtorisadong kooperatiba ay maaaring mangolekta at magpadala ng mga kontribusyon sa SSS at Employees’ Compensation (EC), at idinagdag na “ang kanilang mga miyembro ay maaari ring magbayad ng kanilang buwanang loan amortization sa pamamagitan ng pagsasaayos na ito”.

“Establishing durable partnerships with cooperatives is crucial in securing the active SSS membership of our members as well as in fulfilling member-borrowers’ responsibility to pay their monthly amortizations regularly,” pahayag ni Macasaet.

Bukod sa pagiging SSS collection partners, sila ay awtorisado rin na mag-facilitate ng mga piling transaksyon sa SSS tulad ng membership at My.SSS registrations, disbursement account enrollment, at online submission ng benefit at loan applications.

“In providing such assistance to its members, the cooperatives may claim a service fee of P6.00 from SSS for every processed and approved transaction,” dagdag pa ni Macasaet.

Ibinahagi rin niya na mahigit 2,000 miyembro ng coop na walang SSS membership, ang irerehistro na SSS member bilang bahagi ng kasunduan.

“It will give their members a more convenient way of conducting SSS transactions through Hamtic and Belison MPC. It will also help them save money because they no longer have to visit SSS Antique, which is approximately 8 to 16 kilometers away from their towns, for their SSS transactions,” pahayag ni Macasaet.

Idinagdag ni Macasaet na bukod sa Hamtic at Belison MPC, mayroong limang partner na kooperatiba sa Antique: DAO MPC, Barbaza MPC, Patnongon MPC, Pandan MPC, at Libertad MPC.

Bukod dito, si Macasaet at iba pang opisyal ng SSS ay nakipagpulong din sa mahigit 100 employer, barangay officials, self-employed member, at local media practitioners sa isang stakeholder’s forum na ginanap sa Eagles Place Hotel at tinalakay ang halaga ng membership ng SSS at update sa mga programa nito at mga serbisyo.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.