Kapapasok lang ng 2025, may dagdag-butaw na sa SSS, may oil price hike pa, naku po!

ni Pablo Hernandez @Prangkahan | Jan. 4, 2025

KAPAG NAG-COLLAPSE ANG HEALTH CARE SYSTEM SA ‘PINAS, SI PBBM AT MGA ‘KASABWAT’ NA SENADOR NA NAG-ZERO SUBSIDY SA PHILHEALTH ANG SISIHIN -- Dahil sa zero subsidy sa PhilHealth ay nababahala si public health reform advocate Dr. Tony Leachon na pagsapit ng year 2028 ay mag-collapse ang health care system sa bansa.

Kaya sakaling nagkatotoo ang pinangangambahan ni Dr. Leachon na mag-collapse ang health care system sa ‘Pinas ay walang ibang dapat sisihin diyan ang publiko kundi si Pres. Bongbong Marcos (PBBM) at mga ‘kasabwat’ niyang senador sa pag-zero subsidy sa PhilHealth, period!

XXX

KAPAPASOK LANG NG YEAR 2025, MAY DAGDAG-BUTAW NA SA SSS, MAY KASUNOD PANG OIL PRICE HIKE -- Matapos magpairal ang Marcos administration ng dagdag-butaw na 15% sa monthly contribution ng mga Social Security System (SSS) member, ang kasunod nito ay ang nagbabadya na namang oil price hike next week.

Hay naku, wala na yata talagang pag-asang gumanda ang pamumuhay ng mga Pinoy sa ilalim ng Marcos administration kasi mantakin n’yo, kapapasok lang ng taong 2025 ay nagpairal agad ang gobyerno ng mga dagdag-pahirap na taas-butaw sa SSS at dagdag-presyo sa langis, naku po!

XXX

KUNG TOTOONG TULOY ANG KONSTRUKSYON NG NEW SENATE BLDG., PABIDA LANG PALA ANG SINABI NI SP ESCUDERO NA PINA-STOP NIYA ANG  PAGPAPAGAWA NG MALA-PALASYONG SENADO NG ‘PINAS -- Sa year 2027 ay matatapos na raw ang konstruksyon ng P31 billion new Senate building sa Taguig City.

Aba teka, ‘di ba sabi ni Senate President Chiz Escudero ay pina-stop na niya ang konstruksyon nito dahil sa laki ng gastos, pero bakit may isyung sa year 2027 ay tapos nang gawin ‘yang new Senate building?

Kung totoong itinuloy na ang konstruksyon, ibig sabihin niyan ay pabida lang pala ni SP Escudero ang sinabi niyang pina-stop ang pagpapagawa ng mala-palasyong new Senate bldg. na iyan, pwe!

XXX

MAS MAINAM DAW ANG AKAP KASYA CONFI FUNDS NG MAG-AMANG EX-P-DUTERTE AT VP SARA -- Sinabi ni Ako Bicol Partylist Rep. Elizaldy Co, chairman ng House Committee on Appropriation na mas mainam daw ang Ayuda sa Kapos ang Kita Program (AKAP) ng Dept. of Social Welfare and Development (DSWD) kaysa confidential funds ng mag-amang ex-P-Duterte at Vice President Sara Duterte-Carpio.

Sa AKAP daw kasi ay walang corruption dahil mga totoong tao ang magiging benepisyaryo kaysa confi funds daw ni VP Sara na tadtad raw ng corruption at ang confi funds naman daw ng ama nitong si ex-P-Duterte ay ginamit sa extrajudicial killings o EJK, boom!

38.8M SSS member, dapat rumesbak sa dagdag-butaw, ibasura sa eleksyon mga manok ni PBBM sa pagka-senador

ni Pablo Hernandez @Prangkahan | Jan. 3, 2025

DAGDAG-PAHIRAP ANG DAGDAG-BUTAW SA SSS KAYA’T DAPAT IBASURA NG 38.8M SSS MEMBER ANG MGA KANDIDATO NI PBBM SA PAGKA-SENADOR -- Tutol man ay walang magagawa ang mga Social Security System (SSS) member sa dagdag-pahirap na 15% monthly contribution nila sa ahensya dahil ito ay aprubado ni Pres. Bongbong Marcos (PBBM).

‘Ika nga, hindi naman magpapairal ng dagdag-butaw ang management ng SSS kung hindi ito aprubado ng Presidente.

Base sa data ng SSS, ang employed members nito ay nasa 30.5 million, ang voluntary members ay 4.6 million, ang self-employed members ay 2.5 million, at ang mga miyembrong overseas Filipino workers (OFWs) ay 1.2 million. Ganyan karami ang tatamaan at magdurusa sa dagdag na 15% monthly butaw sa SSS.

Kung nais ng 38.8M SSS members na makaresbak kay PBBM sa inaprub niyang ito na dagdag-butaw sa ahensya, isa lang ang dapat nilang gawin at ito ay magkaisang ibasura sa eleksyon ang mga manok ng Marcos administration sa senatorial election at kapag ginawa nila iyan, siguradong isa man sa mga kandidato ng Presidente sa pagka-senador ay walang mananalo, boom!

XXX

DAPAT SUPORTAHAN AT IPANALO SINA SEN. BONG GO, SEN. DELA ROSA AT SEN. IMEE DAHIL SILANG TATLO LANG ANG HINDI LUMAGDA SA PHILHEALTH ZERO SUBSIDY, AT IBASURA ANG MGA MANOK NI PBBM SA ELEKSYON -- Sa mga re-electionist senators, tanging sina Sen. Bong Go, Sen. Ronald Dela Rosa at Sen. Imee Marcos ang hindi lumagda sa zero subsidy sa PhilHealth.

Ibig sabihin niyan ay may mga reelectionist senator ang lumagda o pumabor sa zero subsidy sa PhilHealth.

Kaya’t panawagan natin sa mamamayan, iboto at ipanalo ang tatlong reelectionist na mga senador na ito na totoong pro-health care at ibasura ang mga kandidato sa pagka-senador ni PBBM, lalo na ‘yung mga reelectionist senator na lumagda para sa zero subsidy ng PhilHealth, period!

XXX

KUNG PARA SA HEALTHCARE NG MAMAMAYAN ANG PAG-UUSAPAN, TALO PA NI SEN. BONG GO SI PBBM -- Sabi ni PBBM at mga kaalyado niyang senador, na kaya raw nila inaprub ang zero subsidy sa PhilHealth ay dahil sobra-sobra raw ang pondo ng ahensyang ito ng pamahalaan.

Kung totoong sobra-sobra ang pondo, bakit hindi magawa ng pamahalaan na maging libre na ang pagpapagamot ng mga pasyente sa mga pribadong hospital?

Sa totoo lang, kung para sa healthcare ng mamamayan ang pag-uusapan, walang binatbat si PBBM kay Sen. Bong Go, kasi sa Malasakit Center ng senador ay libre nang magpagamot sa mga public hospital, kumpara sa Presidente na imbes pangalagaan ang kalusugan ng taumbayan, ginawang zero budget pa ang PhilHealth, tsk!

XXX

DAHIL VINETO O NI-REJECT NI PBBM ANG MGA BUDGET SA MGA FLOOD CONTROL PROJECT, ASAHAN NANG PAGSAPIT NG TAG-ULAN MAKAKARANAS NA NAMAN ANG MGA MAMAMAYAN NG LAGPAS-TAO AT LAGPAS-BAHAY NA BAHA -- Kabilang pala sa mga vineto o ni-reject ni PBBM sa 2025 national budget ay ‘yung mga budget para sa mga flood control project sa iba’t ibang lugar sa bansa.

Pambihira naman, imbes na ‘yan ang iaprub at dapat na dagdagan pa ng pondo kasi nga kapag nag-uulan ay ang daming mga lugar ang binabaha, tapos mga flood control project pa ang vineto.

Dahil diyan ay asahan nang pagsapit ng tag-ulan, makakaranas na naman ang ating mga kababayan ng mga lagpas-tao at lagpas-bahay na baha, nakupo!

Ex-Associate Justice Carpio, binutata ni DSWD Sec. Gatchalian sa isyu ng AKAP

ni Pablo Hernandez @Prangkahan | Dec. 30, 2024

SABLAY ANG SINABI NI EX-JUSTICE CARPIO NA PORK BARREL ANG AKAP DAHIL AYON KAY SEC. GATCHALIAN, MGA TRABAHADOR NA MALIIT ANG KITA MAKIKINABANG DITO AT HINDI MGA PULITIKO -- Butata ang inabot ni former Associate Justice Antonio Carpio kay Sec. Rex Gatchalian ng Dept. of Social Welfare and Development (DSWD) patungkol sa sinabi ng dating mahistrado na bagong anyo raw ng pork barrel ang Ayuda para sa mga Kapos ang Kita Program (AKAP) kasi ayon sa kalihim ay hindi pork barrel ang AKAP dahil mga taga-DSWD ang mamamahala rito at hindi niya papayagan ang sinumang pulitiko at  maging mga barangay official ang pumapel sa programang ito ng pamahalaan.

Sablay talaga si Carpio sa sinabi niyang pork barrel ang AKAP kasi ang pork barrel, ang nakikinabang diyan ay mga pork barrel politicians, eh sa AKAP ng DSWD, malinaw ang sinabi ni Sec. Gatchalian, na ang mga makikinabang diyan ay mga trabahador na maliit ang kinikita sa pagtatrabaho, period! 

XXX

DUDA ANG IMF NA MAY MGA ‘BUWAYANG’ MANGDUDUGAS SA PERA NG LBP AT DBP NA INILAGAK SA MIC -- Nanawagan ang International Monetary Fund (IMF) sa Marcos administration na ibalik sa Land Bank of the Philippines (LBP) at Development Bank of the Philippines (DBP) ang bilyun-bilyon pisong kinuha sa dalawang bangkong ito na inilagak bilang pampuhunan sa itinatag na Maharlika Investment Corporation (MIC) ng gobyerno.

Ibig sabihin ng panawagang iyan, kahit ang IMF ay duda na may mga “buwaya”sa Marcos admin ang gagawa ng pandurugas sa mga perang kinuha sa LBP at DBP na nasa MIC na ngayon, boom!

XXX

TAAS NA NGA NG PRESYO NG MGA BILIHIN AT BAYARIN, TAPOS TATAASAN PA ANG MONTHLY CONTRIBUTIONS NG MGA SSS MEMBER -- Sa pagpasok ng year 2025 ay sisimulan na ng Social Security System (SSS) ang pagdaragdag ng mataas na butaw na 15% monthly contribution sa mga SSS member.

Hay naku, wala nang inatupag itong Marcos admin kundi buwisitin ang mamamayan kasi mantakin n’yo, ang taas na ng presyo ng mga bilihin at bayarin, tapos magtataas pa ng monthly contribution sa mga SSS member, buset!

XXX

SINO KAYA PAPALARIN SA PANG-12 SLOT SA PAGKA-SENADOR, ATE NG PRESIDENTE, ‘BATA’ NG EX-PRESIDENT, MISTER NG MEGASTAR O ANG ANAK NG MAG-ASAWANG BILLIONAIRE? -- Sa latest senatorial survey ng Social Weather Stations (SWS) ay halos mag-tie sa pang-12 slot o rank number 12 sa pagka-senador sina re-electionist Sen. Imee Marcos, ate ni Pres. Bongbong Marcos (PBBM), re-electionist Sen. Ronald Dela Rosa, “bata” ni ex-P-Duterte, former Sen. Kiko Pangilinan, mister ni Megastar Sharon Cuneta, at Las Pinas City Rep. Camille Villar, anak ng mag-asawang billionaire na sina former Sen. Manny Villar at Sen. Cynthia Villar.

Sino kaya ang papalarin sa panghuling slot sa pagka-senador, ang ate ng presidente, ang “bata” ng ex-president, ang mister ng megastar o ang anak ng mag-asawang billionaire? Abangan!