Esports, dagdag na demo games sa Palarong Pambansa

ni MC @Sports | July 25, 2023

Idinagdag ang Esports sa listahan ng events na lalaruin sa 2023 Palarong Pambansa sa Marikina sa Hulyo 29. Tanging isang titulo, Mobile Legends Bang Bang (MLBB) ang itatampok sa inaugural Palaro esports tournament.

Ang mismong alkalde ng Marikina ang nagsagawa ng anunsiyo sa national meet's press launch sa Marikina Sports Center noong nakaraang Biyernes. Ang Esports ay magsisilbing demonstration sport.

"We chose the most accessible game for the Palaro. Most of the Filipinos right now use their mobile phones to actually play the game, so Mobile Legends muna ang ni-recommend namin sa board (so it is the first game we recommended to the board)," ayon kay Marlon Marcelo, ang executive director ng Philippine Esports Organization (PESO).

Ang PESO ang babalikat para tulungan ang Marikina City government, ang Department of Education, at ang Philippine Sports Commission sa pag-organisa ng Palaro MLBB event.

Idinagdag pa ni Marcelo na ang ibang esports titles, tulad ng Defense of the Ancients (DOTA) 2 at Valorant ay idadagdag sa event oras na ang esports ay maging opisyal nang bahagi ng Palaro, maaring sa susunod na torneo sa isang taon.

Nagbi-bid na ang Cebu City, Antique, at Negros Occidental para makuha ang hosting rights ng 2024 Palaro habang kinokonsidera ang kakayahan ng kanilang ekonomiya.

Ang capital city ng Cebu at Negros Occidental - ang Bacolod ay maaring magpagamit ng mas malaking venues ng esports event at marami pang titulo ang lalaruin.

Sa ngayon, ayon kay Marcelo, ang layunin ay mapagtagumpayan ang pagdaraos ng 2023 Palaro MLBB event. "Since this is a demo sport, we would want to make sure that everything is smooth as possible on the first try. Mas madali kasing i-organize yung MLBB, to be honest, just because Valorant and DOTA 2 require PCs (personal computers) and a very stable Internet connection, so it's really one of the optics na kailangang ayusin (that we have to fix)," aniya.

Esports, palalakasin pa ng mobile network at DLS

ni MC @Sports | June 23, 2023

Asahan ang mas malawak at makabuluhang programa sa Esports mula sa grassroots hanggang sa elite level bilang National players tungo sa pagiging pro players sa tambalan ng dalawang kumpanya para tumatag ang oportunidad ng mga kabataan na iangat pa ang kakayahan.

Ikinasa ng Smart Communications, Inc. at Dark League Studios (DLS) sa tulong ng Philippine Esports Organization (PESO) ang programa para higit mapagsilbihan ang Pinoy gamers sa ginanap na media conference noong Miyerkules sa New World Hotel at palakasin pa ang Smart GIGA Arena, ang unang all-in-one na Esports platform ng bansa na nag-aalok ng karanasan sa torneo ng mga baguhan Mobile Legends: Bang Bang, Call of Duty Mobile, Player's Unknown Battleground, at League of Legends Wild Rift.

Ang partnership ay para sa mga tuntunin ng torneo at mas makabuluhang interaction ng mga gamers at maayos na lugar para sa baguhan at beteranong gamers.

“Our partnership with DLS is in line with our commitment to provide the best gaming experience to Filipinos. We at Smart have always believed in the ability of Filipinos to dominate sports of all kinds – including Esports. Through our collaboration with DLS, we hope to empower more aspiring Esports athletes to level up their gameplay and compete in a much bigger arena," pahayag ni Al S. Panlilio, ang PLDT Inc at Smart Communications President at CEO.

Mula nang ilunsad ito noong 2022, ang Smart GIGA Arena ay nakapagho-host na ng mahigit 2 milyong user na nakalahok sa mahigit 1,000 tourneo na may kabuuang P4.2 milyon na papremyo.

“This will help generate more opportunities for aspiring Filipino gamers to showcase and develop their skills as they aspire to become the next generation of Team SIBOL athletes,” ayon kay Marlon Marcelo, Executive Director of Philippine Esports Organization.

Eserio at Cruz gold sa gymnast, SIBOL Crossfire at OUK, tanso

ni VA / MC / Clyde Mariano @Sports | May 10, 2023

Hindi nagpahuli ang gymnastics sa gold medal nang makuha ang ika-21 ginto para sa medal count ni Juancho Miguel Eserio sa men's vault sa iskor na 14.425 na sinegundahan ng Thailand 14.150 at 3rd ang Vietnam sa 14.050. Maaga ring naka-gold medal si John Ivan Cruz sa men's floor exercise sa 13.850 points sa 32nd Southeast Asian Games sa Cambodia.

Wala sa final round si defending champion Carlos Yulo dahil sa may alituntunin na ang gymnast ay pinapayagan lang ang maximum na 2 events sa finals at ang isang bansa ay isa lang ang atleta kada event. Kahapon ay silver medal si Yulo sa rings final sa iskor na 14.000.

Naunang naka-silver medal ang team nina Tokyo Olympian Carlos Yulo, Juancho Miguel Besana, Ace de Leon, Jhon Santillan at Jan Timbang sa Men’s Artistic Gymnastics All-Around Team event sa total score ng 305.25.

Sa larangan ng Kun Khmer ay nagdagdag ng bronze medal si Zyra Bon-as sa women's 51 kg competition nang sumuko siya kay Soeng Moeuy ng Cambodia sa semis, 27-30.

Tig-isang tanso naman sina Felex Cantores sa men's 67 kg ng Kun Khmer at si Aime Ramos sa Vovinam ng women's 50 kg event.

Nagkasya rin sa mga tanso sina Janah Lavador sa Women's Aspect Broadsword Single Form ng Vovinam at si Phillip Delarmino sa Kun Bokator men's combat 60 kg category. Nakatiyak naman ng bronze medal si WIM Venice Narciso sa highly competitive na Chess Ouk Chaktrang Women's Singles 60-Minute event.

Makakaharap niya ang kapwa Pinay WIM Shania Mae Mendoza sa all-Filipina semifinals kung saan si Shania ay abanse sa gold medal match.

Naka-bronze naman ang Sibol CrossFire, ito ay nang talunin ng Pinoy ang Laos kahapon na unang nakatiyak sa podium laban sa Vietnam sa semifinals. Ang Vietnam, na unang tinalo ang Sibol para sa gold medal noong 2022 SEA Games sa Hanoi ay muling nakatikim ng husay ng Filipino national team.