Inlab sa 7 yrs. ka-chat pero balewala kay guy

Dear Roma Amor - @Life & Style | August 18, 2020

Dear Roma,

Ako si Yumi, 20. Mayroon akong gustong lalaki pero nakilala ko lang siya sa Facebook. Hindi ko pa siya nakikita sa personal, pero pakiramdam ko ay nahuhulog na ang loob ko sa kanya. Madalas kaming magka-chat, pero never pa kaming nag-video call dahil ako rin ang may ayaw dahil baka ma-turn off siya sa akin. Ilang beses na siyang tumawag, pero binababa ko dahil nga takot ako na ma-turn off siya at 'di na ako kausapin. 31-anyos na siya at kung tutuusin, 11 years ang agwat namin, pero wala naman siguro sa edad ang love, 'di ba? Hindi ko alam kung may nararamdaman din siya para sa akin dahil halos 7 years na kaming magka-chat pero parang wala lang sa kanya. Ano ba ang dapat kong gawin, Roma?

– Yumi

Yumi,

Bihira ang ganyang haba ng panahon para sa isang magka-chat, considering na hindi pa kayo nagkikita nang personal. Kung nasasaktan ka dahil parang wala lang sa kanya ang panahon na nagkausap kayo, dapat malaman mo kung dapat pang ipagpatuloy ang pakikipag-usap sa kanya. Siguro, it’s time to take a risk at umamin sa nararamdaman mo dahil dito mo malalaman kung ano rin ang kanyang nararamdaman para sa iyo.

‘Wag mong isipin ang magiging reaksiyon niya, gayundin, ‘wag kang matakot na ma-turn off siya sa iyo dahil ang importante ay masabi mo ang iyong nararamdaman. Kung mutual ang feelings n’yo, worth it ito, pero kung hindi, baka mas mabuting mag-move on ka na lang at ‘wag mag-aksaya ng panahon sa taong hindi interesado sa iyo.

Sabi nga nila, ang unang hakbang ang pinakamahirap, pero once na magawa mo ito, magiging madali na ang mga susunod na steps para sa iyo. Good luck!

Nanghingi ng space pero dedma kay girl, nauwi sa ghosting

Dear Roma Amor - @Life & Style | August 17, 2020

Dear Roma,

Ako si Nick, 26, at kahihiwalay lang namin ng ex-GF ko. Mahigit isang taon ang aming relasyon at sa loob ng panahong ‘yun, sobrang saya namin. Pero umabot sa point na gusto ko munang magpahinga sa aming relasyon dahil pakiramdam ko, routine na lang ito. Kumbaga, ginagawa na lang dahil nakasanayan at hindi ginagawa dahil mahal namin ang isa’t isa. Humingi ako ng space sa kanya kahit saglit lang, pero hindi siya pumayag dahil iniisip niyang sa hiwalayan papunta ‘yun kahit wala akong balak makipag-break.

Sa sobrang inis ko, bigla ko na lang siyang hindi kinausap, ghosting, kumbaga. Halos 2 months kaming hindi nag-usap at noong nami-miss ko na siya, ini-stalk ko ang socmed account niya at napansin kong may lalaki na panay react sa bawat post niya. Nalaman ko na sila na at wala na akong chance para balikan siya.

Napakasakit nu’n dahil sa sandaling panahon na ‘yun, nakahanap agad siya ng iba.

– Nick

Nick,

Umaabot talaga sa punto na parang “routine” na lang ang takbo ng relasyon, at kahit gustuhin nating ayusin ito sa pamamagitan ng paghingi ng space o ‘ika nga, cool-off, hindi pabor dito ang kabilang partidos sa lahat ng oras. Gayunman, kung sa tingin mo ay huli na ang lahat, mabuting mag-move on ka na. Baka lalo kang masaktan kung maghahabol ka sa bagay o tao na wala nang pagmamahal sa ‘yo. Sa ngayon, pagtuunan mo ng pansin ang iyong sarili para maging better. Good luck!

Problemado dahil ‘di mabalanse ang work from home at pagiging tita

Dear Roma Amor - @Life & Style | August 10, 2020

Dear Roma,

Itago mo na lang ako sa pangalang Mae. Nahihirapan kasi ako sa sitwasyon ngayong pandemic dahil working from home ako. May ate ako na may anak, tapos madalas wala siya sa bahay dahil pumapasok siya sa opisina. Ang nangyayari, ako ang naoobligang mag alaga sa anak niya, Roma. Minsan, nakakainis na dahil hindi ako makapag-focus sa trabaho ko. Ano ba ang dapat kong gawin? Hindi naman ako makapagsabi sa kanila na huwag ako ang obligahin dahil may trabaho kasi sigurado akong ‘di naman nila maiintindihan. Minsan ko na ring sinabi ‘yun sa iba ko pang mga kapatid, Roma pero nagalit lang sila sa akin. Ano ba ang dapat kong gawin para mabalanse ko ang pagiging tita habang naka-work from home? –Mae

Mae,

Totoong mahirap balansehin ang trabaho at responsibilidad sa bahay, lalo na kung hindi ito nauunawaan ng mga kasama mo sa tahanan. Mabuting ipaliwanag mo sa iyong kapatid na hindi sa lahat ng oras ay puwede kang mag-alaga. Siguro kasi, nasanay siya na palagi kang nand’yan, kaya akala niya ay okay lang. Mahalagang maipaunawa sa kanya na may sarili kang responsibilidad na dapat gampanan, gayudnin, kailangan mo lang itong pag-isipan kung sa paanong paraan. Sa ngayon, kung ano ang oras na kayang mong ibigay sa pamangkin mo, ‘yun lang ang iyong ilaan para hindi siya masanay na palagi kang available. Okie? Good luck!