Alternatibong produkto sa mga hirap mag-quit sa yosi

ni Chit Luna @Brand Zone | February 17, 2023

Ilang kumpanya sa industriya ng nicotine ang nagsimulang gumamit na ng mga makabagong teknolohiya para gumawa ng mga alternatibong produkto na may lubhang mas maliit na peligrong dulot kumpara sa sigarilyo.

Ito ay matapos mapatunayan ng mga siyentipikong pag-aaral na ang pagsunog sa sigarilyo, at hindi nicotine, ang lumilikha ng mga mapanganib na kemikal na nagdudulot ng pagkakasakit.

Kinumpirma rin ng mga health institutions sa Estados Unidos, United Kingdom, Canada, Germany, Netherlands, Ukraine, Japan, China at New Zealand na ang mga alternatibong produkto tulad ng vapes at heated tobacco products ay may lubhang maliit na idinudulot na panganib.

Binigyan-diin ni Mark Kehaya, chairman ng AMV Holdings LLC na gumagawa ng vape products sa Estados Unidos, ang kahalagaan ng pagbibigay ng mas mainam na produkto kaysa sigarilyo para mabawasan ang pagkakasakit ng mga tao.

Sinabi niya ito sa Global Tobacco & Nicotine Forum (GTNF) na ginanap kamakailan sa Washington D.C

Ayon kay Kehaya, mahigit 30 milyong Amerikano pa rin ang naninigarilyo na kailangang tumingin sa mga makabagong produkto tulad ng vapes at heated tobacco products, kung wala silang balak huminto.

Pinag-aaralan din aniya ng industriya ng nicotine kung paano mapapabuti ang nicotine delivery, ang lasa at ang mga sangkap para mas paboran ang mga bagong produkto ng mga naninigarilyo na walang intensyon na tumigil.

Isa ang Pilipinas sa mga bansang tumanggap sa mga makabagong alternatibo. Ang PMFTC Inc., ang lokal na kumpanya na bahagi ng Philip Morris international, ay nagpakilala ng smoke-free products tulad ng IQOS at ng mas murang BONDS by IQOS.

Ang mga device na ito ay ginagamit para sa mga espesyal na idinisenyong tobacco stick na tinatawag na HEETS at BLENDS. Ang mga produktong ito ay hindi nangangailangan ng pagsunog ng tabako at hindi nagdudulot ng usok. Pinapainitan lang ang tobacco sticks para makapag-release ng vapor o aerosol.

Ang mga kalahok sa GTNF, kabilang ang ilang opisyal ng mga kumpanya, dalubhasa sa regulasyon at mga siyentipiko ay pinahalagahan ang kontribusyon ng teknolohiya sa kinabukasan ng industriya ng nicotine.

Ayon kay George Cassels-Smith, CEO ng kumpanyang Tobacco Technology Inc., ang susi sa paglutas ng suliranin sa paninigarilyo ay ang patuloy na pagbabago at paghingi sa awtoridad ng mas maayos na regulasyon.

Ang pakakaroon ng mas superior na produkto kaysa sa sigarilyo ang magtutulak sa mga konsyumer na lumipat mula sa paninigarilyo, dagdag ni Smith.

Sinabi naman ni Lisa Smith, managing director ng Btomorrow Ventures, na ang transpormasyon ng industriya ng nicotine ay nangangailangan ng makabagong teknolohiya.

Base sa pag-aaral ni Dr. Ming Deng, isang professor sa Yunnan University sa China, malaki ang merkado para sa mga makabagong alternatibo sa sigarilyo. Ito ang simula ng makabagong era para sa next-generation products, ayon pa kay Dr. Deng.

Ayon kay Kevin Peng, isang scientist sa ALD Group, ang mga makabagong produkto tulad ng electronic cigarettes ang papalit sa tobako sa loob ng lima hanggang 10 taon.

Mahalaga, sabi ni Peng, na bawasan din ang epekto ng mga produktong ito sa kalikasan. Pinaalalahanan ni Peng ang industriya ng nicotine na magkaisa para sa mas malinis na kinabukasan.

Vaping, mas ‘low-risk’ sa smoking

ni Chit Luna @Brand Zone | February 11, 2023

Napatunayan ng ebidensyang nakalap sa loob ng 7 taong pananaliksik na ang vaping ay lubhang mas maliit ang dulot na panganib kung ikukumpara sa paninigarilyo, saad ng isang senior lecturer ng Tobacco Harm Reduction (THR).

“In terms of health risks, we said that vaping imposes a small fraction of the risk of smoking in the short to medium term. Consistently, vaping exposes people to much lower level, significantly lower levels of risk of smoking,” ani Dr. Debbie Robson ng Queens College London sa nakaraang E-Cigarette Summit na ginanap noong Disyembre 9 ng nakaraang taon.

Ayon kay Dr. Robson na isa ring mental health nurse, isa sa mga may-akda ng annual evidence reviews ng e-cigarettes at Trustee ng Action on Smoking and Health (ASH), ang vaping, habang hindi masasabing walang kaakibat na peligro, ay di hamak na mas maliit ang dulot na panganib hindi tulad ng pagsindi ng sigarilyo.

Ito ay base sa bagong labas na independent review na kinomisyon ng Office for Health & Disparities na dating Public Health England – ang pinakamataas na awtoridad-pangkalusugan sa UK.

Ang team ni Dr. Robson ay nag-obserba ng “biomarkers of exposure” upang masukat kung gaano karaming “toxicants” ang nasa katawan. Natuklasan ng mga dalubhasa na ang “biomarkers” ay mas mababa sa vapers kaysa sa mga naninigarilyo.

Ngunit, mas nakakabuti pa ring hindi mag-vape o manigarilyo, ani Dr. Robson.

Pangatlong review na ito patungkol sa panganib na dulot ng parehong smoking at vaping mula sa 2015 at 2018 reports. Nirepaso ng mga mananaliksik ang 413 studies upang mapatibay ang mga konklusyon ng pag-aaral.

Ayon kay Dr. Robson, ito’y naglalayong ipaalam sa gobyerno at mambabatas ang ukol sa

paglaganap at mga katangian ng vaping sa mga adults at young adults sa UK. Kasama sa review ang health risks ng vaping kumpara sa smoking at non-smoking o ang hindi paggamit ng sigarilyo, at pati na rin ang tingin ng publiko tungkol sa vaping at smoking.

Nirekomenda ng report na mapabuti ang istriktong pagpapatupad ng age restrictions

upang hindi ma-access ng bata ang produktong pang-vape man o mga sigarilyo. Dapat ay ma-monitor at mapag-aralan din ang pagtaas ng lebel ng paggamit ng disposables.

Ngunit, punto ni Dr. Robson, dapat tandaan na ang epekto ng vaping ay depende sa iba’t ibang factors.

“It depends on who is vaping, the person’evious and current smoking history, medical history and all the comorbidity conditions they’ve got and the reasons they’re vaping. You also have to take into account where people live and all the background exposure,” sabi niya.

Dagdag pa ni Dr. Robson, “How any information is communicated and more importantly how that’s perceived by the user is really important, for the millions of people who smoke, who will die in or living with chronic health conditions while we debate this.”

Ang ika-sampung E-Cigarette Summit ay ginanap sa Royal College of Physicians (RCP) sa

London, na siya ring nagtalaga ng 60 taon mula nang unang nailathala ng RCP ang report na “Smoking and Health” na naging pundasyon ng tobacco control.

Taiwanese actress, hinuli at pinagmulta.. Apela sa Thailand: Tama at patas na regulasyon sa vape

ni Chit Luna @Brand Zone | February 8, 2023

Isang viral social media post ng isang sikat na Taiwanese actress tungkol sa paghuli sa kanya ng mga pulis sa Thailand dahil sa pagdadala ng vape ang ikinagalit ng mga netizens at consumer groups at nanawagan sa tama at patas na regulasyon sa mga alternatibong produkto sa paninigarilyo.

Sa kanyang social media post, inilahad ni Charlene An ang traumatic experience niya at ng kanyang mga kaibigan sa Bangkok matapos silang sitahin, hulihin at pagbayarin ng umano’y labis na multa ng mga pulis dahil sa natagpuang vape product sa kanila.

Si An at ang kanyang mga kaibigan ay pinagbayad ng 27,000 baht o katumbas ng 1,080 Singaporean dollars dahil sa nakuha sa kanilang vape product. Pinagbantaan pa umano sila ng Thai police na sasampahan ng criminal case.

Nagdulot ng kontrobersiya ang post ni An sa Taiwan at Thailand. Ang police commissioner ng Thailand ay naglabas ng public apology dahil sa pangyayari, at sinabing iimbestigahan ang pitong miyembro ng Thai police sa kasong extortion.

Nanawagan naman ang consumer groups na pagtuunan ng pansin ng mga bansa sa Asia ang tama, makatarungan at maka-siyentipikong regulasyon ng smoke-free products tulad ng vapes at heated tobacco products na napatunayan nang lubhang maliit ang idinudulot na pinsala, kumpara sa paninigarilyo.

Una nang sinabi ng mga banyagang dalubhasa na ang usok dulot ng pagkasunog ng tabako, at hindi nicotine, ang sinasabing tunay na dahilan ng pagkakasakit o pagkamatay ng mga naninigarilyo. 

Samantala, ang vapes at heated tobacco products ay gumagamit lamang ng tamang init na hindi nauuwi sa pagkasunog ng tabako.

Hindi katulad sa ibang bansa, ipinagbabawal ng Thailand ang paggamit ng vape, kahit na marami sa milyun-milyong turista nito ay dating naninigarilyo na nag-switch sa vaping. Kahit na ilegal ang e-cigarettes o vape sa Thailand, makikita pa rin sa online shopping platforms ang mga produktong ito, na walang pamantayan sa kalidad dahil sa kawalan ng regulasyon.

Dahil dito, nanawagan ang Nicotine Consumers Union of the Philippines (NCUP) sa mga bansa na muling ikonsidera ang pagpapatupad ng tamang regulasyon sa mga alternatibong produkto upang mabawasan ang pinsala dulot ng paninigarilyo.

Nagpahayag ng pag-asa si Anton Israel, tagapagsalita ng grupong NCUP, na tatanggapin ng mga bansa sa Timog Silangang Asya, tulad ng Thailand, ang konsepto ng tobacco harm reduction (THR) upang bigyan ng pagkakataon ang milyun-milyong smokers sa rehiyon na lumipat sa mga alternatibong produkto at maiwasan ang sakit sa baga, cancer at pagkamatay dulot ng paninigarilyo.

Ayon din kay Israel, ang vape at heated tobacco products ay bahagi ng THR na naglalayong bawasan ang pinsalang dulot ng abo at apoy ng sigarilyo. 

Sinabi pa niya na maraming mauunlad na bansa, tulad ng United Kingdom at Japan, ang kumikilala na sa mga produktong ito na mas mainam kaysa sigarilyo.

Dagdag pa ni Israel, nagtala ng mas mababang smoking prevalence ang UK at Japan matapos ipakilala sa kanilang merkado ang vapes at heated tobacco products.

Dahil sa pagpasok ng heated tobacco products noong 2014, nakaranas ang Japan ng malaking pagbaba sa smoking prevalence mula 20 percent noong 2014 hanggang 13% noong 2019, ayon sa Japanese National Health and Nutrition Survey.

Ang NCUP ay isang nonprofit advocacy organization na nagsusulong na maproteksyunan ang karapatan ng mga smokers at vapers laban sa mga substandard, unregulated at hindi rehistradong produkto.

Samantala, sinabi ng Consumer Choice Center na kumakatawan sa mga consumers mula sa mahigit 100 bansa na nagkaroon ng mataas na pagbaba sa porsyento ng mga naninigarilyo sa buong mundo mula 14% noong 2020 hanggang 13.3% ng taong 2021.

Ito ay base sa report ng United Kingdom’s Office for National Statistics.

Umaasa ang mga consumer groups na magbabago ang pananaw ng gobyerno ng Thailand tungkol sa mga alternatibong produkto. 

Ang grupo ng ENDS Cigarette Smoke Thailand o ECST ay nagsabing ilang opisyal ng bansa, tulad ni Digital Economy and Society Minister Chaiwut Thanakamanusorn, ang sumusuporta na sa legalisasyon ng vaping para bigyan ang mga smokers ng mas mabisang paraan sa paghinto ng paninigarilyo.

Ayon sa ECST, may 50,000 Thai smokers ang namamatay taun-taon dahil sa kawalan ng mga alternatibong produkto na makatutulong sa kanila. Sa ulat ng National Statistical Bureau, mahigit 10 milyong tao sa Thailand ang naninigarilyo pa rin noong taong 2021.