Paggamit ng vape hindi humahantong sa paninigarilyo, ayon sa pag-aaral

ni Chit Luna @Brand Zone | September 30, 2023

Walang nakitang palatandaan na ang paggamit ng vape at iba pang alternatibong produkto ay humahantong sa paninigarilyo, ayon sa isang pag-aaral ng mga dalubhasa.

Sinabi ni Prof. Peter Hajek ng Wolfson Institute of Population Health sa Queen Mary University of London at isa sa may akda ng pag-aaral, na ang resulta nito ay nagpapakita ng ang pag-access sa e-cigarette at iba pang smoke-free products ay hindi nagtataguyod ng paninigarilyo.

Sinabi ni Prof. Hajek na sa katunayan ay nakikipagkumpitensya ang mga smoke-free products tulad ng e-cigarette at heated tobacco sa sigarilyo.

Ang pag-aaral ay nag-imbestiga kung ang e-cigarette ay nagsisilbing gateway sa paninigarilyo. Nakita nito na sa halip magtulak sa paninigarilyo, ang mga smoke-free products ay nakikipagkumpitensya laban sa sigarilyo at maaaring mapabilis sa pagtigil ng paninigarilyo. Ang pag-aaral ay inilathala ng Public Health Research at pinondohan ng National Institute for Health and Care Research (NIHR).

Tinanggap naman ng mga consumer group at tobacco harm reduction (THR) advocates sa Pilipinas ang resulta ng pag-aaral. Ayon kay Joey Dulay, presidente ng Philippine E-Cigarette Industry Association, ang pag-aaral ay nagpapakita lamang na ang mga vaper ay hindi nagiging smoker sa kalaunan.

“Sa mga kaedad namin, wala akong nakitang vaper na naging smoker. Sa katunayan, kilala ko ang maraming dating naninigarilyo na ngayon ay gumagamit na ng e-cigarette, na less harmful kaysa sa nasusunog na tabako,” dagdag ni Dulay.

Sinabi ni Dr. Lorenzo Mata ng advocacy group na Quit for Good na ito ang dahilan kung bakit mahalagang itaas ang kamalayan ng mga konsyumer sa malaking pagkakaiba ng panganib sa pagitan ng vape at tradisyonal na sigarilyo.

“Kung igigiit ng mga organisasyon tulad ng World Health Organization na ang mga smoke-free products at ang sigarilyo ay may parehong antas ng panganib, maaring bumalik nga sa paninigarilyo ang mga vapers. Subalit maraming mga Filipino vapers, batay sa kanilang karanasan, ay nakakaalam na ang kanilang ginagamit ay 95-porsiyento na mas mabuti kaysa sigarilyo, ayon na di sa mga siyentipikong pag-aaral sa UK at iba pang mga progresibong bansa sa buong mundo,” sabi ni Dr. Mata.

Sinabi ni Dr. Mata na ang resulta ng pag-aaral ay dapat ding magbigay ng mahalagang input sa mga kalahok sa WHO Framework Convention on Tobacco Control's 10th Conference of Parties na gaganapin sa Panama City sa Nobyembre 20-25, 2023.

"Ang pangunahing argumento ng WHO laban sa mga e-cigarette ay ang mga produktong ito ay nagsisilbing gateway sa paninigarilyo.

Ngunit ang natuklasan ng pag-aaral na ito ay salungat dito. Dapat suriin ng mga bansa ang dogmatiko at hindi siyentipikong posisyon ng WHO bago aprubahan ang mga bagong panukala ng pagbabawal sa mga alternatibong may lubhang maliit na panganib na dulot kumpara sa sigarilyo," sabi ni Dr. Mata.

Sinabi rin ng mga consumer group na ang mga panukala ng WHO FCTC sa COP10 ay kontra sa paninindigan ng mga bansa tulad ng United States, United Kingdom, New Zealand, Canada, Japan, South Korea, Sweden at Pilipinas na kumikilala na ngayon sa konsepto ng tobacco harm reduction.

Inihambing ng pag-aaral ang paggamit at pagbebenta ng vape at paninigarilyo sa mga bansa. Inihambing nito ang United Kingdom at United States kung saan pinapayagan ang paggamit ng vape sa Australia, kung saan ipinagbabawal ang pagbebenta ng mga produktong ito.

Natuklasan ng pag-aaral na ang pagbaba ng paninigarilyo sa Australia ay mas mabagal kaysa sa UK at US.

Sinabi ni Prof. Lion Shahab, co-author ng pag-aaral at co-Director ng UCL Tobacco and Alcohol Grupo ng Pananaliksik, na ang komprehensibong pagsusuri na ito ay nagbibigay ng katiyakan na ang paggamit ng e-cigarette ay hindi nag-aambag sa paninigarilyo.

Ang resulta ay nagmumungkahi na ang e-cigarette ay nakakabawas sa pinsalang dulot ng sigarilyo sa mga bansang pinapayagan ito.

Sinabi naman ni Prof. Brian Ferguson, Direktor ng Public Health Research Program (NIHR), na kailangan pa ng mas maraming pananaliksik sa isyung ito.

#vape #vaping

Vape Law nagbukas ng pinto para sa mga less-harmful na alternatibo sa sigarilyo

ni Chit Luna @Brand Zone | August 27, 2023

Ang pagpasa ng Vape Law ay nagbukas ng pinto para sa mga makabagong alternatibo na mas mabuti para sa kalusugan ng mga naninigarilyo sa Pilipinas, ayon sa presidente ng PMFTC Inc.

Sinabi ni PMFTC President Denis Gorkun sa Kapihan sa Manila Bay na ang pagpasa ng Vape Law noong 2022 ay isang "panalo" para sa kalusugan ng publiko dahil ito ay nagbukas ng pinto para sa mga produktong nakabatay sa agham na mas mainam na alternatibo sa sigarilyo.

Ipinasa ng Kongreso ang Republic Act No. 11900 o Vaporized Nicotine and Non-Nicotine Products Regulation Act noong isang taon para isaayos ang paggawa, pagbebenta at paggamit ng mga makabagong produkto tulad ng vape, heated tobacco at iba pang smoke-free alternatives sa sigarilyo.

Ang PMFTC, na kombinasyon ng Philip Morris International at Lucio Tan Group, ang nangungunang kumpanya ng heated tobacco sa Pilipinas.

Sinabi din ni Gorkun na ang pagpasa ng Vape Law ay nagpapatunay sa suporta ng gobyerno ng Pilipinas sa konsepto ng tobacco harm reduction para bawasan ang pagkonsumo ng sigarilyo. Sa pagkakaroon ng mas mahusay na mga alternatibo na base sa siyensya, ang hindi pagkilos ay magdudulot ng patuloy na paninigarilyo ng mga tao.

“Doing nothing is just prolonging the life of cigarettes and shortening the lives of people who consume those cigarettes,” aniya.

Inilunsad ng PMFTC ang IQOS sa Pilipinas noong 2020, at mula noon ay 75,000 Pilipinong naninigarilyo ang lumipat na sa paggamit nito.

Inihayag din ni Gorkun na ilulunsad ng PMFTC sa lalong madaling panahon sa Pilipinas ang susunod na antas sa innovation ng tabako na tinatawag na IQOS ILUMA. Ito ay isang device na gumagamit ng induction technology para magpainit, sa halip na sunugin ang tabako.

Ilulunnsad din ng PMFTC ang ZYN—isang oral nicotine delivery product. Ang ZYN ay ang nangungunang nicotine pouch na ibinebenta sa US ng PMI matapos nitong bilhin ang Swedish Match.

Ayon kay Gorkun, nagsusumikap ang PMI na abutin ang smoke-free future sa layuning ganap na alisin ang pagkonsumo ng sigarilyo. “We will continue to work towards our smoke-free future vision with products that are found by numerous international health authorities to be far better compared to continuing to smoke cigarettes,” aniya.

Sinabi ni Gorkun na sa kabila ng pagpapatunay sa negatibong epekto ng paninigarilyo sa kalusugan, mayroon pa ding isang bilyong tao sa mundo ang patuloy na gumagamit nito.

Aniya, ang mga nasa hustong gulang na naninigarilyo na hindi makahinto ay dapat magkaroon ng mas praktikal at makatwirang solusyon o pagpipilian kaysa sa patuloy na paghithit ng sigarilyo.

Sa Pilipinas, ang pagpasa ng Vape Law ay isang malaking panalo para sa kalusugan ng publiko dahil sa pagtatakda ng mga pamantayan at pagbibigay ng impormasyon sa mga naninigarilyo tungkol sa mga mas mahusay alternatibo, dagdag ni Gorkun.

Sa parehong forum, sinabi ni Energy Undersecretary Sharon Garin, isang dating miyembro ng House of Representatives at isa sa mga may-akda ng Vape Law na ang nasabing batas ay nakatanggap ng napakaraming paghanga mula sa iba’t ibang bansa nang dumalo siya sa Global Forum on Nicotine sa Warsaw, Poland kamakailan.

Inilarawan ni Garin ang Vape Law bilang batas na progresibo at natataon dahil kasama dito ang kapangyarihang i-regulate ang mga nagbebenta sa Internet.

Sinabi ni Garin na ang kawalan ng regulasyon ay hindi nangangahulugan na ang isang produkto ay ipinagbabawal, subalit hindi nito mapipigil ang paggamit ng produkto ng mga menor de edad.

Aniya, ipinasa ang Vape Law para ipagbawal ang paggamit ng e-cigarettes ng mga bata at bigyan ang mga kasalukuyang naninigarilyo ng alternatibo na makababawas sa antas ng pinsala sa kalusugan.

“As a previous representative and author, I do believe that this law was passed at the right time with the right formula. What we want is a less harmful alternative but also at the same time we didn’t want minors to pick it up,” sabi ni Garin.

Sinabi ni Garin na umaasa siya na ang pagpapatupad ng Vape Law at koordinasyon ng Department of Trade and Industry, Department of Health, Department of Finance at Bureau of Internal Revenue, ang Pilipinas ay magiging “smoke-free country”.

Health group sa UK pinabulaanan ang pinsala ng vaping

ni Chit Luna @Brand Zone | August 12, 2023

Mariing itinanggi ng isang grupo ng mga mananaliksik sa UK ang mga alegasyon laban sa vaping, katulad ng sinasabing mas matinding pinsalang dulot nito kumpara sa sigarilyo.

Sa inilabas nitong peer-reviewed briefing paper, sinabi ng Action on Smoking and Health (ASH), isang public health charity na binuo ng UK Royal College of Physicians, hindi totoong mas nakakapinsala ang vaping kaysa sa paninigarilyo ng tabako.

Binanggit ng ASH ang datos na nagpapakita na mahigit sa 75,000 katao ang namamatay taun-taon sa paninigarilyo sa UK, samantalang limang tao lamang ang sinasabing nasawi ng may kaugnayan sa vaping sa nakalipas na 12 taon.

Itinanggi rin ng ASH na ang vaping ay nagsisilbing pinto sa paninigarilyo. Sinabi nito na kung ang vaping ay tunay na gateway sa paninigarilyo, magkakaroon ng mabilis na pagtaas sa antas ng paninigarilyo.

Kabaligtaran ito sa nangyari sa pagitan ng 2010 at 2021 kung kailan nagkaroon ng malaking paglago sa paggamit ng e-cigarette, subalit ang paninigarilyo ay hindi nakaranas ng kasing bilis na pagtaas. Ayon sa ASH, ito ay hindi sumusuporta sa gateway hypothesis.

Sinuportahan ng mga consumer at public health advocacy groups sa Pilipinas ang pahayag ng ASH. Nagpahayag din sila ng pagkaalarma sa mga alamat tungkol sa vaping na paulit-ulit na kumakalat at nakakabahala sa milyun-milyong naninigarilyo na naghahanap ng mas mainam na alternatibo sa sigarilyo.

Ani Dr. Lorenzo Mata, presidente ng Quit for Good, ipinapakita ng mga siyentipikong ebidensya na ang vape ay hindi kaparehas ng sigarilyo.

Sa kabila nito, ilang grupo ang nagpapakalat pa rin ng mga kasinungalingan na mapanganib ang vaping. Ito ay magpapalala lamang sa problema ng paninigarilyo na siyang pangunahing sanhi ng maagang pagkamatay ng mga gumagamit nito, dagdag ni Dr. Mata.

Sinabi ni Clarisse Virgino, kinatawan ng Pilipinas sa Coalition of Asia Pacific Tobacco Harm Reduction Advocates (CAPHRA), na ang ASH report ay sapat na tumutugon sa mga maling kuru-kuro tungkol sa vaping.

Sinabi niya na ang iba't ibang siyentipikong grupo sa UK tulad ng NICE guidance, British Thoracic Society, Royal College of General Practitioners, Royal College of Physicians, Royal College of Obstetrics and Gynecology at Royal College of Midwives ay nag-eendorso sa paggamit ng vape, bilang kapalit ng sigarilyo.

Ito ay matapos makita sa randomized control trials na ang e-cigarette ay isang mabisang tulong upang huminto sa paninigarilyo.

Sinabi ni Virgino na ang Prime Minister ng UK mismo ang nag-endorso ng pamamahagi ng mga libreng e-cigarette kit sa mga naninigarilyo sa England upang tulungan silang huminto sa paninigarilyo.

Ito ay nagpapatunay lamang na ang vape ay mas mahusay na alternatibo sa sigarilyo na ang usok ay nagdudulot ng mga sakit sa tao, aniya. Ang vape, heated tobacco products, nicotine pouch at iba pang alternatibo na walang usok ay itinuturing na mabisang tulong para bawasan ang pinsala na dulot ng sigarilyo.

Ang mga alternatibong produktong ito ay hindi nagsusunog ng tabako. Natuklasan ng mga siyentipikong pag-aaral na ang usok dulot ng paninigarilyo ay naglalaman ng higit sa 6,000 mga kemikal, at humigit-kumulang 100 sa mga iyon ay nauugnay sa mga sakit ng tao.

Dahil wala silang usok, kundi vapor lamang, ang vape at iba pang alternatibo ay nakakabawas ng mga mapaminsalang kemikal hanggang sa 95 porsyento.

Sinabi din ni Dr. Mata na batay sa ulat ng ASH, ang ebidensiya mula sa mga survey ng populasyon sa England ay nagpapatunay na ang paggamit ng e-cigarettes ay matagumpay na nakakapagpahinto ng paninigarilyo.

May 30,000 hanggang 50,000 naninigarilyo sa England ang matagumpay na huminto bawat taon mula noong 2013 dahil sa paggamit ng vape.

Ang ASH report ay dumaan sa pagsusuri ng mga akademiko at clinician na dalubhasa sa iba’t ibang larangan tulad ng addiction; behavior change techniques; electronic cigarettes, smoking cessation at tobacco control; epidemiology; mental health and health inequalities; respiratory at critical care medicine.

Naglalayon ang ASH report na makatulong sa responsableng paglalahad ng ebidensya tungkol sa vaping at bawasan ang pauli’t ulit na pagkalat ng misimpormasyon.

Nilinaw ng ASH na sinusuportahan nila ang mas mahigpit na regulasyon sa e-cigarette para bawasan ang pagkahalina ng mga bata dito, habang hinihikayat nila ang mga naninigarilyo na nasa wastong gulang na gumamit nito para makatulong huminto sa paninigarilyo.